Færslur: Hamas

Blóðug átök á Vesturbakkanum
Ísrelskir hermenn skutu Palestínumann á þrítugsaldri til bana á Vesturbakkanum á föstudagskvöld. Nokkru áður skutu Palestínumenn öryggisvörð í ísraleskri landtökubyggð á Vesturbakkanum til bana. Hermennirnir skutu Palestínumanninn þegar til átaka kom við heimamenn í palestínska bænum Azzun, þar sem hermennirnir voru á höttunum eftir grunuðum manni. Vörðurinn var skotinn undir kvöld á föstudag, við einn af inngöngum hinnar ólöglegu landtökubyggðar Ariel.
Loftárásir á Gaza og eldflaugaárásir á Ísrael
Ísraelskar herþotur gerðu tvær árásir á Gaza-svæðið í kvöld. Árásunum var ætlað að bregðast við eldflaugaárásum Hamas-liða á ísraelsku borgina Sderot fyrr í dag. Hamas liðar svöruðu loftárásunum með því að skjóta fjórum flaugum að Ísrael.
21.04.2022 - 00:30
Tveir lögreglumenn skotnir til bana í Ísrael
Tveir ísraelskir lögreglumenn voru í dag skotnir til bana í borginni Hadera norðanvert í landinu. Árásarmennirnir féllu fyrir kúlum liðsmanna hryðjuverkasveitar lögreglu.
27.03.2022 - 22:27
Kosningar á vesturbakkanum í dag
Íbúar á vesturbakka Jórdan-fljóts ganga til sveitarstjórnarkosninga í dag. Þetta er önnur umferð kosninganna en sú fyrri fór fram í desember þegar íbúar 154 þorpa á svæðinu kusu sér fulltrúa.
26.03.2022 - 08:20
Ísraelsher gerir atlögu að Hamas eftir eldflaugaárás
Ísraelsher gerði atlögu að stöðvum Hamas á sunnanverðu Gaza-svæðinu í kvöld. Það var gert í kjölfar þess að eldflaugum var skotið frá svæðinu í átt að Ísrael snemma á nýársdag.
02.01.2022 - 00:55
Hamas-liði felldur í Jerúsalem eftir mannskæða skotárás
Meðlimur Hamas-samtakanna hóf skothríð í gömlu borginni í Jerúsalem í Ísrael í dag. Maðurinn varð almennum borgara að bana og særði þrjá áður en lögreglumenn skutu hann til bana.
Haniyeh endurkjörinn stjórnmálaleiðtogi Hamas
Hamas-samtökin tilkynntu í dag að Ismail Haniyeh hefði verið endurkjörinn stjórnmálaleiðtogi samtakanna. Hann hefur verið leiðtogi samtakanna frá árinu 2017.
Ísraelar lýsa áhyggjum af kjöri Raisi sem forseta
Ísraelsstjórn segir alþjóðasamfélagið þurfa að hafa miklar áhyggjur af nýkjörnum forseta Írans. Ebrahim Raisi sé öfgafyllsti forseti landsins hingað til sem ætli sér að auka umsvif Írans í kjarnorkumálum.
20.06.2021 - 04:13
Ísraelski flugherinn gerir loftárásir á Gaza
Ísraelski flugherinn gerði loftárásir á Gazasvæðið í kvöld eftir að svífandi gasblöðrur sem bera eldfimt efni voru sendar þaðan yfir landamærin að suðurhluta Ísraels. Þetta er þriðji dagurinn röð sem slíkar árásir eru gerðar.
17.06.2021 - 22:08
Engin flugskeyti frá Gaza í nótt
Engum flugskeytum var skotið frá Gaza í nótt að sögn ísraelska dagblaðsins Times of Israel. Ísraelsher hélt loftárásum sínum áfram, að sögn Times var þeim beint gegn umfangsmiklum neðanjarðargöngum sem Hamas hefur grafið í gegnum Gaza. Engar fregnir hafa borist af manntjóni eftir nóttina. 
20.05.2021 - 06:40
Öryggisráðið fundar enn um deilur Ísraels og Palestín
Fulltrúar Túnis, Noregs og Kína í Öryggisráði Sameinuðu þjóðanna hafa farið fram á opinn neyðarfund í ráðinu á föstudag, þar sem ræða skal harðnandi átökök Ísraela og Palestínumanna. Öryggisráðið hefur þegar fundað í tvígang um sama efni í þessari viku, en í báðum tilfellum fyrir luktum dyrum í gegnum fjarfundabúnað.
Yfir 1.000 flugskeytum skotið frá Gaza að Ísrael
Yfir 1.000 flugskeytum hefur verið skotið frá Gaza-svæðinu í átt að Ísrael frá því að átök Ísraela og Palestínumanna hörðnuðu mjög á mánudagskvöld, eftir margra daga væringar í Jerúsalem. Allar lögreglustöðvar Gazaborgar eru rústir einar eftir loftárásir Ísraela í gær og nótt.
12.05.2021 - 05:50
Óttast allsherjarstríð milli Ísraela og Palestínumanna
Leiðtogar palestínsku Hamas-samtakanna á Gaza sögðu í kvöld að samtökin hefðu skotið yfir 200 flugskeytum yfir landamærin að Ísrael til að hefna fyrir mannskæða loftárás Ísraela á háhýsi í Gazaborg. Erindreki Sameinuðu þjóðanna segir mikla hættu á því að blóðug átök síðustu daga þróist út í eiginlegt stríð ef leiðtogar ríkjanna tveggja grípa ekki í taumana.
Abbas boðar til kosninga í Palestínu
Mahmud Abbas forseti Palestínu tilkynnti í dag hvenær gengið yrði til kosninga í landinu í fyrsta sinn í fimmtán ár. Hann segir að gengið verði að kjörborðinu á öllum landsvæðum Palestínu, þar á meðal í Austur-Jerúsalem.
15.01.2021 - 22:22
Lífið þungbært fyrir fatlað fólk á Gaza-svæðinu
Mannréttindavaktin segir líf fatlaðs fólks á Gaza-svæðinu sérstaklega erfitt. Því valdi herkví Ísraela og skortur á liðsinni af hálfu Hamas-liða sem ráða ríkjum á svæðinu. Tvær milljónir Palestínumanna búa á svæðinu sem hefur löngum verið þjakað af fátækt og afleiðingum stríðsátaka. 
03.12.2020 - 05:55
Skærur halda áfram milli Ísraels og Palestínu
Ísraelskar herþotur og -þyrlur gerðu í gær árás á suðurhluta Gaza-svæðisins til þess að eyðileggja jarðgöng sem Hamas-liðar eru sagðir hafa lagt yfir til Ísraels.
21.10.2020 - 00:58
Handteknir við að afhenda „Hamasliða“ vopnabúnað
Tveir Bandaríkjamenn á þrítugsaldri hafa verið handteknir og ákærðir eftir að þeir létu manni sem þeir héldu fulltrúa Hamas-samtakanna hljóðdeyfa og annan búnað fyrir byssur í té.
05.09.2020 - 00:29
Eldflaugaárásir Hamas á Ísrael magnast
Ísraelskar herþotur réðust á skotmörk á Gaza síðastliðna nótt. Með atlögunni var brugðist við eldflaugaárás Hamas-liða á bæinn Sderot í suðurhluta Ísraels, rétt handan landamæranna. Eldflaugavarnir Ísraela stöðvuðu sex flaugar en ein sprakk á þaki húss í bænum án þess að manntjón yrði.
21.08.2020 - 17:55
Togstreita eykst milli Ísraels og Palestínu
Ísraelskar flugvélar vörpuðu sprengjum á Gaza-svæðið í nótt. Það var gert í kjölfar eldflaugaárásar Palestínumanna á suðurhluta Ísraels. Gagnkvæmar árásir hafa varað í um viku og Egyptar hafa reynt að miðla málum.
Landamæri Gaza og Egyptalands opnuð í 72 klukkustundir
Landamæri Gazasvæðisins og Egyptalands í Rafah eru nú opin í báðar áttir. Það er í fyrsta sinn frá því að kórónuveirufaraldurinn brast á í mars. Opnunin varir í 72 klukkustundir.
11.08.2020 - 13:40
Ísrael og Hamas-liðar takast á
Ísraelskar orrustuþotur gerðu í dag árás á neðanjarðaraðsetur Hamas-liða á Gaza-svæðinu eftir að eldflaug var skotið þaðan að Ísrael.
03.08.2020 - 01:26