Færslur: Halla Tómasdóttir

Mun sterkari utan kjörfundar en á kjördag
Munurinn á Guðna Th. Jóhannessyni, næsta forseta Íslands, og Höllu Tómasdóttur var mun minni þegar litið er til atkvæða sem féllu á kjörfundi á laugardag heldur en þeirra sem greidd voru utan kjörfundar síðustu tæpu tvo mánuðina. Guðni hefði þó alltaf sigrað Höllu, hvort sem litið er til allra atkvæða, atkvæða þeirra sem kusu á laugardag eða þeirra sem kusu utan kjörfundar. Þetta kemur fram í tölum sem fréttastofa hefur undir höndum.
5,5 meðmælendur fyrir hvert atkvæði
Fjórir frambjóðendur fengu fleiri undirskriftir á meðmælendalista sína fyrir forsetaframboð en atkvæði í sjálfum kosningunum. Þrír þeirra fengu margfalt fleiri meðmælendur en atkvæði.
Guðni með 38,7 prósent atkvæða
Guðni Th. Jóhannesson er með 38,7 prósent atkvæða (55.174) þegar talin hafa verið rúmlega 146.343 þúsund atkvæði, eða sem nemur 59,7 prósentum þeirra sem eru á kjörskrá. Guðni hefur tíu prósentustiga forskot á Höllu Tómasdóttur sem er með 28,7 prósent (40.768 atkvæði). Andri Snær Magnason er með 14,1 prósent (21.135) og Davíð Oddsson 13,6 prósent (19.775).
Lokatölur úr Reykjavík norður
Yfirkjörstjórn í Reykjavík norður var sú fyrsta á landinu til að ljúka talningu atkvæða í forsetakosningunum 2016. Guðni Th. Jóhannesson hlaut 36,0 prósent atkvæða í kjördæminu, (12.055 talsins). Andri Snær Magnason varð annar í kjördæminu með 23,8 prósent (7.964) og Halla Tómasdóttir þriðja með 22,0 prósent (7.363).
Mikill munur eftir kjördæmum
Andri Snær Magnason er sá forsetaframbjóðendanna sem á ólíkustu gengi að fagna eftir landshlutum. Hann fékk fjórfalt hærra atkvæðahlutfall í því kjördæmi þar sem hann nýtur mest stuðnings en þar sem hann á erfiðast uppdráttar. Andri Snær fékk 6,2 prósent þeirra atkvæða sem búið er að telja í Norðvesturkjördæmi en 23,9 prósent í Reykjavík norður.
Úr einu prósenti í að velgja Guðna undir uggum
Lægsti punkturinn í kosningabaráttu Höllu Tómasdóttur rann upp að morgni 11. maí. Þá birti Fréttablaðið skoðanakönnun sem gaf til kynna að aðeins einn af hverjum hundrað kjósendum hygðist kjósa hana. Hún mældist þá með minna fylgi en Guðni Th. Jóhannesson (69 prósent), Davíð Oddsson (13,7 prósent), Andri Snær Magnason (10,7 prósent) og Ólafur Ragnar Grímsson (3,2 prósent), þó sá síðasti væri hættur við framboð. Hún var með álíka fylgi og Elísabet Jökulsdóttir og Sturla Jónsson.
26.06.2016 - 01:09
Baráttan um Bessastaði: Halla Tómasdóttir
Frambjóðendur til embættis forseta Íslands eru kynntir til sögunnar. Viðtal við forsetaframbjóðandann Höllu Tómasdóttur.
Halla Tómasdóttir með RÚV-snappið í dag
Halla Tómasdóttir sér um Snapchat-reikning RÚV í dag. Þar er hægt að fylgjast með því hvað hún tekur sér fyrir hendur, en allir forsetaframbjóðendur fá RÚV-snappið í einn dag næstu virku daga.
Fylgi Guðna minnkar um tæp 14 prósent
Guðni Th. Jóhannesson mælist með 56,6% fylgi í nýrri skoðanakönnun MMR sem gerð var dagana 26. maí til 1. júní. Halla Tómasdóttir bætir við sig tæpum 5 prósentustigum og Davíð Oddson tveimur.
Forsetinn á að vera fyrirliði
Frambjóðandinn Halla Tómasdóttir telur að forseti Íslands eigi að vera fyrirliði. „Við þurfum fyrirliða, manneskju sem virkjar aðra með sér, hjálpar okkur að mála framtíðarsýn, leggur grunngildi, heldur þeim á loft og virkjar sem flesta í að skapa það samfélag sem við viljum. Þannig forseti myndi ég vilja vera og þannig forseta tel ég að við þurfum á þessum tímapunkti. Ekki einhvern sem veit allt, kann allt, er hetja, hefur sig yfir aðra, er vitrari eða betri."
26.05.2016 - 10:27
Vill mýkri áherslur á Bessastaði
„Ég myndi einungis vilja sjá þjóðaratkvæðagreiðslu í kjölfar vandaðrar umræðu sem tryggir að Íslendingar geti kynnt sér málin frá öllum hliðum áður en gengið er til kjörklefa. Ég sé ekkert því til fyrirstöðu að Bessastaðir og forseti geti beitt sér fyrir að slíkt samtal eigi sér stað,“ segir Halla Tómasdóttir, forsetaframbjóðandi. Hún telur það kost fyrir forseta að vera ekki af stjórnmálasviðinu, reynsla hennar úr viðskiptalífinu komi til með að nýtast vel í embættinu.
18.05.2016 - 19:36
Frambjóðendur segja ákvörðun Ólafs ekki óvænta
Guðni Th. Jóhannesson og Andri Snær Magnason segja að ákvörðun Ólafs Ragnars Grímssonar um að hætta við framboð sitt hafi ekki komið þeim á óvart. Guðni segir að menn þurfi ekki annað en að skoða nýársávarp forsetans. Andri Snær segir eitt víst - eitthvað stórkostlega óvænt eigi eftir að koma í ljós í næstu viku. Halla Tómasdóttir segir að þessi ákvörðun forsetans hafi legið í loftinu.
Halla býður sig fram til forseta
Halla Tómasdóttir tilkynnti formlega í dag að hún bjóði sig fram til embættis forseta Íslands. Á fundi á heimili sínu klukkan þrjú í dag sagðist hún vilja búa í samfélagi jafnréttis og jafnra tækifæra. Þá ræddi hún mikilvægi menntunar og þess að virkja frumkvöðlakraft þjóðarinnar. Hún sagðist sjá fyrir sér að Bessastaðir verði opnir og þar verði staðið fyrir þjóðþingum um stóru málin. Halla er annar af tveimur stofnendum fjármálafyrirtækisins Auðar Capital.
17.03.2016 - 15:10