Færslur: Grunnskólakennarar

Sjónvarpsfrétt
Um fjórðungur grunnskólakennara með einkenni kulnunar
Meira en einn af hverjum fjórum grunnskólakennurum er með alvarleg einkenni kulnunar og hátt í fjögur prósent þeirra ættu að leita sér tafarlaust hjálpar. Þetta sýnir ný rannsókn. Talsvert fleiri kennarar mælast með kulnunareinkenni nú en fyrir kórónuveirufaraldurinn. Þorgerður Laufey Diðriksdóttir, formaður Félags grunnskólakennara, segir að því miður ekki ekki verið hugað nægilega vel að heilsu kennara.
17.10.2021 - 21:02
Skólahald fellt niður á Húsavík vegna smita
Skólahald í Borgarhólsskóla, grunnskólanum á Húsavík, fellur niður á morgun vegna fjölda COVID-19 smita í samfélaginu. Þetta kemur fram í tilkynningu frá skólanum. Smitin eru bæði meðal starfsfólks og nemenda, en smitrakning stendur nú yfir og verður staðan endurmetin á þriðjudag. Starfsfólk mætir því ekki til vinnu á morgun.
Hólfaskipting nauðsynleg og áskoranir í skólastarfi
Formaður félags grunnskólakennara segir að hólfa þurfi niður skóla til að koma í veg fyrir smit og sóttkví skólabarna. Margar áskoranir bíði kennara og foreldra fyrir komandi skólavetur. Á morgun hefst bólusetning 12-16 ára barna í Laugardalshöll. Hún er þegar hafin víða á landsbyggðinni.
Nemendur Stekkjaskóla hefja haustið í Vallaskóla
Skólastarf í Stekkjaskóla á Selfossi hefst í frístundaheimili við Vallaskóla á haustdögum. Skólastjórnendur beggja skóla og stjórnendur frístundar hafa undanfarna daga skipulagt kennsluna en tafir hafa orðið við framkvæmdir við húsnæði og lóð Stekkjaskóla.
Viðgerðum ljúki í Fossvogsskóla áður en kennsla hefst
Foreldrar barna í Fossvogsskóla eru hugsi vegna hugmynda skólastjórans um að unnt verði að hefja kennslu þar á haustdögum. Í bréfi sem foreldrafélag skólans sendi foreldrum í vikunni var greint frá efasemdum skólaráðs um að takist að ljúka viðgerðum í tíma.
Kennsla gæti hafist í Fossvogsskóla seinni hluta ársins
Skólastjóri Fossvogsskóla telur möguleika á að í haust verði unnt að hefja kennslu í þeim hluta Fossvogsskóla sem gengur undir heitinu Austurland. Það geti þó dregist fram að áramótum. Foreldri nemenda við skólann segir þær fyrirætlanir óásættanlegar.
Uppræta þarf myglu svo hægt verði að kenna áfram
Það er mat sveitarstjórnar Borgarbyggðar að allar þær varúðarráðstafanir hafi verið gerðar í húsnæði grunnskóla Borgarbyggðar að Kleppjárnsreykjum sem lagðar voru til af sérfræðingum í myglumálum. Því sé óhætt sé að vera þar út þetta skólaár. Fulltrúi minnihlutans í sveitarstjórn andæfir því.
Mygla í grunnskólanum á Kleppjárnsreykjum
Nokkrir nemendur grunnskóla Borgarfjarðar á Kleppjárnsreykjum hafa sýnt einkenni sem mögulega má rekja til myglu. Dæmi eru um að foreldrar hafi fært börn sín í annan skóla af þeim sökum. Davíð Sigurðsson sveitarstjórnarfulltrúi í Borgarbyggð staðfestir að veruleg rakavandamál séu í skólahúsinu.
Allir nemendur Árskóla komnir með sitt eigið snjalltæki
Árskóli á Sauðárkróki varð á dögunum fyrsti stóri skólinn á Íslandi þar sem allir nemendur hafa sitt eigið snjalltæki til umráða. Nemendur eru 340 og tæpur áratugur er síðan skólinn hóf að fjárfesta í spjaldtölvum.
Nú eru töluð 109 tungumál í leik- og grunnskólum
Börn í íslenskum leikskólum, grunnskólum og frístundastarfi tala 109 tungumál. Þetta er niðurstaða tungumálaleitar í tilefni Alþjóðadags móðurmálsins 21. febrúar 2021. Þegar tungumálafjöldinn var fyrst skráður árið 2014 nam fjöldinn 91 máli.
Myndskeið
Er 75% öryrki eftir árás grunnskólanemanda
Grunnskólakennari sem hlaut áverka af völdum nemanda síns í kennslustofu fyrir nokkrum árum er nú 75% öryrki eftir árásina. Dæmi eru um að kennarar hafi farið í langt leyfi frá störfum í kjölfar slíkra atvika eða jafnvel horfið frá kennslu. Formaður Félags grunnskólakennara segir að réttur kennara til öryggis á vinnustað sé ekki nægilega vel tryggður.
Þriðjungur grunnskólabarna fékk sérkennslu í fyrra
Á síðasta skólaári  fengu 13.662 grunnskólabörn sérkennslu eða stuðning. Það er hátt í þriðjungur allra nemenda. Sædís Ósk Harðardóttir, formaður Félags íslenskra sérkennara, segir að ástæðan sé oftast hegðunarerfiðleikar og vanlíðan. Meðan aðgengi að sálfræðiþjónustu sé takmarkað, megi búast við að þörfin fyrir sérkennslu og stuðning í grunnskólum haldi áfram að aukast.
Ákvæði um starfslok við sjötugt ekki stjórnarskrárbrot
Héraðsdómur Reykjavíkur sýknaði í gær Reykjavíkurborg af kröfu kennara í Breiðholtsskóla sem gert var að láta af störfum eftir sjötugt samkvæmt ákvæði kjarasamnings grunnskólakennara. Konan taldi brotið á stjórnarskrárvörðum réttindum hennar og krafðist þess að fá 1,5 milljónir í skaðabætur með dráttarvöxtum, auk þess sem skólinn myndi viðurkenna skaðabótaskyldu.
„Þetta er það sem við töldum vera ásættanlegt“
Kynning stendur nú yfir á kjarasamningi grunnskólakennara, en skrifað var undir hann í síðustu viku. Atkvæðagreiðsla um samninginn hefst á föstudaginn og stendur í viku. Þorgerður Laufey Diðriksdóttir formaður Félags grunnskólakennara segist ekki geta lagt mat á hvort samningurinn verði samþykktur eða ekki.
Spyrja sig hvort sóttvarnir í skólum séu nægar
Það þarf að skoða í hverjum skóla fyrir sig hvað hægt er að gera til að takmarka röskun á skólastarfi vegna farsóttarinnar, að mati formanns félags grunnskólakennara. Grunnskólakennarar séu hræddir eins og aðrir landsmenn.
Kennarar krefjast aukins sveigjanleika í starfi
Aukinn sveigjanleiki er forsenda nýs kjarasamnings grunnskólakennara við sveitarfélögin. Kjaraviðræður standa nú yfir, en kennarar hafa verið samningslausir síðan í júlí í fyrra og eru orðnir óþolinmóðir.
Grunnskólakennarar búast við að semja í haust
Samningar Félags grunnskólakennara hafa nú verið lausir í rúmt ár. Skrifað hefur verið undir framlengingu á viðræðuáætlun við Samband íslenskra sveitarfélaga og Reykjavíkurborg og er markmið hennar að skrifað verði undir nýjan kjarasamning 1. október.