Færslur: Grindhvalir

Hefðu jafnvel getað bjargað grindhvölunum
Grindhvalirnir tíu sem strönduðu á Snæfellsnesi um helgina sáust hættulega nálægt landi á fimmtudaginn. Yfirvöldum var hins vegar ekki greint frá þessu fyrr en þremur dögum seinna.
15.09.2020 - 12:39
Myndskeið
Mjög óvenjulegur staður fyrir grindhvali til að stranda
Tíu grindhvalir sem syntu á land í Álftafirði á norðanverðu Snæfellsnesi eru allir dauðir. Tveir sem voru enn á lífi í gærdag drápust í gærkvöld eða í nótt.
14.09.2020 - 20:36
Myndskeið
Grindhvalir syntu á land í Álftafirði
Rétt upp úr kl. 14 í dag barst Náttúrustofu Vesturlands tilkynning frá lögreglunni um hvali í vandræðum við austanverðan Álftafjörð á Snæfellsnesi.
Grindhvalirnir komust á haf út af sjálfsdáðum
Vaða grindhvala, sem síðdegis í gær strandaði á skeri í Þernuvík í Mjóafirði, er nú komin á haf út, að því er virðist af sjálfsdáðum.
31.07.2020 - 09:10
Grindhvalur strandaði í Hvalfirði í gær
Grindhvalur strandaði nálægt Hvammsvík í Hvalfirði í gær. Talið var að hvalurinn væri veikur og átti því að aflífa dýrið færi það ekki aftur út á sjó, sagði Þóra J. Jón­as­dótt­ir, dýra­lækn­ir dýravelferðar hjá Matvælastofnun. Hvalurinn komst aftur á flot og ekki hefur sést til hans síðan.
13.09.2019 - 16:13
Tókst að bjarga öðrum hvalnum í Ólafsvík
Björgunarsveitin Lífsbjörg í Snæfellsbæ var við björgunarstörf í fjörunni í Ólafsvík í nótt.
13.08.2019 - 07:59
Vara við neyslu kjöts og spiks af grindhval
Fullorðnir skulu borða mest eina máltíð af kjöti og spiki af grindhval á mánuði, samkvæmt færeyskum ráðleggingum. Stúlkur og konur sem hafa hug á að eignast börn í framtíðinni ættu alfarið að forðast neyslu grindhvalsspiks. Konur sem stefna á að verða ófrískar innan næstu þriggja mánaða, eru þungaðar eða með barn á brjósti ættu einnig að forðast að borða kjöt af grindhval.
12.08.2019 - 17:36
Viðtal
Mikilvægt að bregðast rétt við hvalreka
Það sem af er sumri hafa tvær grindhvalatorfur strandað við Ísland. Önnur torfan gekk á land á Löngufjörum á Vesturlandi en hin í Garðskagafjöru í Garði. Að sögn sjávarlíffræðings er hvalreki orðinn að árlegum viðburði. Mikilvægt sé að bregðast rétt við þegar komið er að hval í fjöru. Líklega er hann í fæðuleit, að elta makríl sem syndir nálægt landi.
08.08.2019 - 13:54
Telja ummæli líffræðings mistúlkuð
Fulltrúar Samtaka hvalaskoðunarfyrirtækja og Hafrannsóknarstofnunar funduðu í dag um ummæli líffræðings stofnunarinnar í frétt um helgina eftir að um 50 grindhvalir syntu á land við Útskála í Garði. Hafrannsóknastofnun telur ummæli líffræðingsins hafa verið mistúlkuð og að ekki sé ástæða til að draga þau til baka.
07.08.2019 - 15:53
Segir hvalaskoðunarskip ekki hafa ruglað hvali
Forsvarsmaður Samtaka hvalaskoðunarfyrirtækja furðar sig á orðum líffræðings Hafrannsóknarstofnunar um að hvalaskoðunarskip gætu hafa ruglað hvalavöður þannig að þær leituðu á land. Samtökin ætla að freista þess að fá fund hjá stofnuninni í dag vegna málsins.
06.08.2019 - 08:13
Síðasta grindhvalahræið í Garðskagafjöru urðað
Búið er að urða eða sökkva öllum grindhvalahræjunum í Garðskagafjöru í Garði. Björgunarsveitin Ægir hefur staðið í ströngu síðustu daga og sökkt yfir ellefu hræjum. Eitt var grafið í sandinn. Bergný Jóna Sævarsdóttir staðgengill bæjarstjóra Suðurnesjabæjar sagði fyrir hádegisfréttir að verkefnið væri erfitt en vonast til að það klárist í dag áður en lykt fer að gjósa úr hræinu yfir Garð.
05.08.2019 - 12:37
Hval rak á land í Eystri-Fellsfjöru
Hval rak á land í Eystri-Fellsfjöru neðan við Jökulsárlón í Vatnajökulsþjóðgarði. Steinunn Hödd Harðardóttir, aðstoðarmaður þjóðgarðsvarðar á suðursvæði þjóðgarðsins, segir að grindhvalinn hafi líklega rekið á land fyrir einhverju síðan. Hann hafi svo skolast til og er kominn nær helsta ferðamannastaðnum á svæðinu.
30.07.2019 - 13:55
Rannsaka grindhvalahræin á morgun
„Við byrjum á lengdarmælingum og kyngreiningum á öllum dýrunum, þetta eru 52 dýr, skilst mér, þannig að það verður töluverð vinna við það,“ segir Gísli Víkingsson, hvalasérfræðingur hjá Hafrannsóknastofnun. Sérfræðingar frá stofnuninni og Umhverfisstofnun hyggjast á morgun rannsaka grindhvalina 52 sem fundust dauðir í Löngufjörum í landi Litla-Hrauns á Snæfellsnesi í síðustu viku. Landhelgisgæslan flytur þá á staðinn. Að auki hyggjast sérfræðingarnir vinna viðvik fyrir Íslenska Reðasafnið.
22.07.2019 - 12:21
Viðtal
„Náttúran má bara fá að sjá um þetta“
Hátt í fimmtíu grindhvalir sem strönduðu á Gömlueyri á Löngufjörum á sunnanverðu Snæfellsnesi eru á ábyrgð landeiganda. Einn þeirra segir að næstu skref séu í höndum náttúrunnar. 
19.07.2019 - 19:00
Viðtal og myndskeið
Telur koma til greina að láta hræin vera
Ragnar Frank Kristjánsson, sviðsstjóri umhverfis- og skipulagsmála hjá Borgarbyggð, segir að ekki sé ljóst hver það sé sem eigi að bera kostnaðinn við að fjarlægja hræ grindhvala sem strönduðu á Gömlu Eyri á Löngufjörum á dögunum. „Við hjá Borgarbyggð viljum nú helst ekki vera að standa straum af þeim kostnaði við að urða 50 hvali. Það kostar örugglega einhverjar milljónir króna.“ Vel komi til greina að láta náttúruna um að hreinsunina.
19.07.2019 - 12:59
Orðið algengara að hvalir syndi á land
Um fimmtíu grindhvalir strönduðu á Gömlu Eyri á Löngufjörum á sunnanverðu Snæfellsnesi. Forstöðumaður Náttúrustofu Vesturlands segir að það sé orðið árlegt að hvalir syndi á land á Snæfellsnesinu.
19.07.2019 - 00:06
Myndskeið
50 grindhvalir strönduðu á Löngufjörum
50 grindhvalir strönduðu á Löngufjörum á Vesturlandi. Bandaríkjamaðurinn Greta Carlson náði myndskeiði af hvölunum eftir hádegi í dag þar sem þeir lágu í fjörunni. Hún var ásamt fleiri ferðamönnum í þyrluflugi með ferðaþjónustufyrirtækinu Reykjavík Helicopters þegar þau komu að hvölunum. Greta segir að þeir hafi allir verið dauðir þegar þau komu á vettvang, þetta hafi ekki verið fögur sjón. Lögreglan í Stykkishólmi staðfestir að henni hafi borist ábending um atvikið.
18.07.2019 - 18:03
Myndskeið
Fjörugir grindhvalir í Hestfirði
Stór grindhvalavaða sást í botni Hestfjarðar í Ísafjarðardjúpi í dag. Þegar Jóhannes Jónsson, myndatökumaður RÚV, var þar á ferð var mikið fjör í hópnum þar sem hvalirnir léku sér hvor við annan, stungu sér í sjóinn og virtust una sér hið besta.
30.08.2018 - 20:57
„Farnir að kalla okkur hvalreka“
Björgunarsveitin Lífsbjörg er orðin langþreytt á útköllum sem tengjast grindhvölum, enda var útkallið í dag ekki það fyrsta. Sumir ganga svo langt að kalla meðlimi sveitarinnar „hvalreka“. Þetta segir Helgi Már Bjarnason, formaður Lífsbjargar, sem var meðal þeirra sem ráku grindhvali frá höfninni í Rifi á Snæfellsnesi á haf út í dag.
18.08.2018 - 19:25
Tugir grindhvala heimsækja höfnina í Rifi
Nokkuð stór grindhvalavaða gerði sig heimakomna í hafn­argarðinum við Rif á Snæ­fellsnesi í dag. Mbl.is greindi fyrst frá, en fréttaritari miðilsins telur ólík­legt að þarna séu sömu hvalir á ferð og urðu inn­lyksa í Kolgrafaf­irði fyrr í mánuðinum, þar sem nú séu kálfar með í för.
18.08.2018 - 16:14
Hvalirnir hvergi sjáanlegir í dag
Grindhvalavaðan sem gerði sig heimakomna í Kolgrafafirði á Snæfellsnesi í fyrradag og aftur í gær hefur ekki látið sjá sig þar í dag. Þetta segir björgunarsveitarmaðurinn Einar Þór Strand. Vaðan var rekin út úr firðinum í annað sinn í gærkvöld eftir að búið var að koma einum hvalanna á flot sem hafði strandað á grynningum.
14.08.2018 - 09:45
Viðtal
Grindhvalirnir komnir aftur í Kolgrafafjörð
Grindhvalavaðan sem björgunarsveitarfólk rak út úr Kolgrafafirði í gærkvöld er komin þangað aftur. Þetta staðfestir Bjarni Sigurbjörnsson, bóndi á Eiði, sem sér dýrin greinilega út um gluggann hjá sér, um 50 metra frá landi. „Þeir eru bara hér í rólegheitum – svamla hérna í einum bunka,“ segir hann. „Það er eitthvað sem segir þeim að fara hérna inn.“
13.08.2018 - 08:32
Erfitt að segja hvort tilfellum fari fjölgandi
„Þetta leit mjög illa út á tímabili því þeir stímdu beint á varnargarðinn og á land. Það er engin spurning að þessar björgunaraðgerðir björguðu þeim. Bæði björgunarsveitir og fólk í flæðarmálinu sem sneri þeim við og aftur á flot,“ segir Róbert Arnar Stefánsson, forstöðumaður hjá Náttúrustofu Vesturlands, sem fylgdist með því þegar grindhvalavöðu var haldið frá landi á Snæfellsnesi í gær.
10.07.2017 - 13:14