Færslur: Grænmeti

Viðtal
Íslenskir garðyrkjubændur vilja efla útirækt
Íslenskir garðyrkjubændur þyrftu að geta ræktað um 60% af því grænmeti sem Íslendingar neyta, af þeim grænmetistegundum sem hér eru ræktaðar. Gunnar Þorgeirsson, garðyrkjubóndi á Ártanga í Grímsnesi og formaður Samtaka garðyrkjubænda og Bændasambands Íslands, segir gróðurhús spretta upp eins og gorkúlur þessa dagana.
30.07.2020 - 10:57
Fyrsta uppskera af íslensku útiræktuðu grænmeti komin
Helgi Jóhannesson, ráðu­nautur hjá Ráðgjafar­miðstöð landbúnaðarins segir að fyrsta uppskera af útiræktuðu íslensku grænmeti sé komin og það sé alltaf svolítið hátíðlegt. Það fari að streyma í meira magni í verslanir um mánaðamótin. Uppskeran lofi góðu um framhaldið. 
Gúrkur hækkuðu í verði eftir febrúarstorminn
Útlitið var svart hjá garðyrkjubóndanum í Reykási í Hrunamannahreppi í febrúar. Gróðurhúsin voru mikið skemmd eftir óveður og uppskeran meira og minna ónýt. Nú er starfsemin komin á fullt og hefur verið aldrei meira að gera.
28.05.2020 - 20:08
200 milljónir aukalega í grænmetisræktun
Fulltrúar Bændasamtaka Íslands, Sambands garðyrkjubænda og stjórnvalda skrifuðu í dag undir samkomulag um endurskoðun á samningi um starfsskilyrði framleiðanda garðyrkjuafurða. Markmið þess er að framleiðsla á íslensku grænmeti aukist um 25% á næstu þremur árum. 200 milljónir verða lagðar aukalega árlega í garðyrkjusamninginn. Þetta á að stuðla að framþróun og nýsköpun í garðyrkjunni með áherslu á aðgerðir í loftslagsmálum.
14.05.2020 - 17:25
Segir framboðsskort á fersku grænmeti yfirvofandi
Áhrif kórónuveirufaraldursins á íslenskan landbúnað og sjávarútveg voru rædd á ríkisstjórnarfundi í morgun. Þegar er farið að bera á töfum á innfluttu grænmeti hjá Samkaup. Fyrirtækið segir að í núverandi stöðu anni íslensk framleiðsla ekki eftirspurn.
Ætla ekki að minnka framboð dýraafurða
Akureyrarbær ætlar ekki að minnka framboð dýraafurða í leik- og grunnskólum bæjarins. Þetta kemur fram í bókun fræðsluráðs bæjarins um málið frá því í gær.
18.09.2019 - 11:47
Myndskeið
Innlend framleiðsla á undanhaldi
Hlutdeild innlendrar framleiðslu í grænmetisneyslu hefur hrapað á undanförnum árum. Garðyrkjubændur hafa áhyggjur af þróuninni og kalla eftir stöðugleika í rekstrarumhverfi.
14.09.2019 - 19:54
Myndskeið
Stóraukin eftirspurn eftir vegan hátíðarmat
Mun fleiri kjósa að fá sér hnetusteik eða annan vegan hátíðarmat í ár en í fyrra. Eftirspurn eftir slíkum réttum er um helmingi meiri í ár, segja kaupmenn bæði í Krónunni og Nettó. Sumar vörur kláruðust fyrir hátíðirnar, þar á meðal vegan laufabrauð. Kaupmenn sem fréttastofa ræddi við segja sömu sögu. Eftirspurn eftir vegan mat eða grænkerafæði, þar með talið hnetusteikum, buffi, kjötlíki og fleiru sem ekki inniheldur dýraafurðir, eykst stöðugt.
30.12.2018 - 19:28
Talsverð afföll fyrirsjáanleg vegna veirusmits
Talsferð afföll eru fyrirsjáanleg í tómatarækt hér á landi í kjölfar veirusmits sem greinst hefur í íslenskum tómatplöntum. Einhverjir bændur gætu þurft að farga öllum plöntum og endurnýja frá grunni. Veiran hefur ekki náð fótfestu í garðyrkju hérlendis fyrr.
31.01.2018 - 14:29
Skordýraeitur: Hugsanlega krónísk áhætta
Í fyrra voru tekin 232 sýni úr ávöxtum og grænmeti hér á landi. Átta þeirra innihéldu skordýraeitur yfir hámarksviðmiði. Ekkert land á EES-svæðinu leitar að færri varnarefnaleifum í hverju sýni en Ísland og færst hefur í aukana að skordýraeitursleifar finnist í íslensku grænmeti eftir að farið var að leita að fleiri efnum. Neytendur eru ekki látnir vita af því þegar grænmeti er innkallað vegna skordýraeitursleifa þar sem þeim er ekki talin hætta búin. Krónísk áhætta gæti þó verið til staðar. 
13.11.2017 - 14:42
Tilkynnt um veirusmit í tómatrækt
Plöntusjúkdómur sem greindist í tómatrækt hefur verið tilkynntur til Matvælastofnunar. Hann nefnist Popato spindle tuber viroid eða spóluhnýðissýking. Hún leggst á kartöflur og tómata og getur valdið afföllum í ræktun. Sjúkdómurinn er hvorki skaðlegur mönnum né dýrum.
03.11.2017 - 15:42
Vírus í tómötum á þremur býlum
Staðfest er að veira hafi fundist í tómötum á þremur býlum hér á landi. Veiran er ekki skaðleg fólki. Þetta kemur fram í tilkynningu frá Matvælastofnun. Veiran nefnist Pepino mósaík og er fannst fyrst í Perú árið 1974 þar sem hann herjaði á tómatarækt. Fyrstu tilfellin í Evrópu voru greind árið 1999 í Hollandi og Bretlandi. Síðan hefur veiran skotið upp kollinum víða í Evrópu.
02.10.2017 - 15:22
Grunnforsenda útflutnings ekki í höfn
Sala á íslensku grænmeti og berjum hefur nær aldrei verið meiri, þrátt fyrir Costco-skell í byrjun sumars. Sölufélag garðyrkjumanna stefnir að því að hefja útflutning á næsta ári. Krafa um lífræna vottun setur þó strik í reikninginn því að íslensk ræktun stenst ekki kröfur nýs samevrópsks staðals. Spegillinn tók stöðuna hjá Gunnlaugi Karlssyni, framkvæmdastjóra Sölufélags garðyrkjumanna.
22.09.2017 - 16:41