Færslur: Gaza

Haniyeh endurkjörinn stjórnmálaleiðtogi Hamas
Hamas-samtökin tilkynntu í dag að Ismail Haniyeh hefði verið endurkjörinn stjórnmálaleiðtogi samtakanna. Hann hefur verið leiðtogi samtakanna frá árinu 2017.
Ísraelski flugherinn gerir loftárásir á Gaza
Ísraelski flugherinn gerði loftárásir á Gazasvæðið í kvöld eftir að svífandi gasblöðrur sem bera eldfimt efni voru sendar þaðan yfir landamærin að suðurhluta Ísraels. Þetta er þriðji dagurinn röð sem slíkar árásir eru gerðar.
17.06.2021 - 22:08
Ísraelar hefja loftárásir á Gaza
Ísraelski flugherinn hóf loftárásir á Gazasvæðið nú í kvöld í kjölfar þess að vígamenn á palestínsku yfirráðasvæði sendu svífandi gasblöðrur sem báru eldfim efni yfir landamærin og inn í suðurhluta Ísraels, að sögn öryggissveita og vitna.
Sjónvarpsfrétt
„Þótt ég sé fluttur frá Gaza er hugur minn þar“
Ragheb Besaiso, Palestínumaður búsettur á hér á landi, segir erfitt að sjá fréttir af mannfalli og neyð á Gaza, borginni sem hann ólst upp í. Brýnt sé að alþjóðasamfélagið þrýsti á Ísraela að tryggja tveggja ríkja lausn.
24.05.2021 - 19:57
Biden fagnar vopnahléi
Joe Biden, forseti Bandaríkjanna, fagnaði í kvöld vopnahléssamkomulagi milli ísraelskra stjórnvalda, Hamas og Íslamsks jihads sem binda á enda á ellefu daga blóðbað á Gaza. Hann ítrekaði stuðning Bandaríkjanna við Ísrael og sagðist hafa heitið Ísraelum aðstoð við að byggja aftur upp eldflaugavarnakerfi þeirra til að verjast flugskeytaárásum frá Gaza. Hann sagðist reiðubúinn að vinna með palestínskum yfirvöldum, en ekki Hamas því það gæti hjálpað þeim að endurnýja vopnabúr sitt.
Engin flugskeyti frá Gaza í nótt
Engum flugskeytum var skotið frá Gaza í nótt að sögn ísraelska dagblaðsins Times of Israel. Ísraelsher hélt loftárásum sínum áfram, að sögn Times var þeim beint gegn umfangsmiklum neðanjarðargöngum sem Hamas hefur grafið í gegnum Gaza. Engar fregnir hafa borist af manntjóni eftir nóttina. 
20.05.2021 - 06:40
Myndskeið
Mótmæli og fagnaðaróskir við komu Blinken
Antony Blinken, utanríkisráðherra Bandaríkjanna, kom í Hörpu skömmu fyrir klukkan tíu í morgun. Þar ræðir hann við íslenska ráðamenn í dag, þeirra fyrstan Guðlaug Þór Þórðarson utanríkisráðherra sem tók á móti honum með góðum kveðjum. Utandyra var fólk sem hélt á fánum og mótmælaspjöldum þar sem krafist var aðgerða til að stöðva árásir ísraelskra stjórnvalda á Palestínumenn.
Skrifstofur Rauða hálfmánans sprengdar á Gaza
Sprengjur Ísraelshers hæfðu höfuðstöðvar katarska Rauða hálfmánans á Gaza í kvöld. 
Ræðir við Blinken og Lavrov um árásir á Gaza
Katrín Jakobsdóttir forsætisráðherra ætlar að ræða ástandið fyrir botni Miðjarðarhafs við Anthony Blinken, utanríkisráðherra Bandaríkjanna, og Sergei Lavrov, utanríkisráðherra Rússlands, þegar þeir koma hingað til lands í vikunni. Hún ætlar að hvetja bæði ríkin til að beita sér á alþjóðavettvangi til að ná fram friðsamlegri lausn.
Sjónvarpsfrétt
Netanyahu segir hernaðaraðgerðir halda áfram
Minnst 42 létust í loftárás Ísraelshers á Gaza-borg laust eftir miðnætti. Forsætisráðherra Ísraels segir ekki útlit fyrir að hernaðaraðgerðum ljúki strax og lítið virðist ganga að miðla málum.
16.05.2021 - 20:00
Viðtal
Loftárásir Ísraelshers gera hjálparstarf illmögulegt
Aldrei hafa sést jafnkröftugar og umfangsmiklar loftárásir á Gaza og nú. Rauði krossinn segir árásirnar gera hjálparstarf á svæðinu illmögulegt.
16.05.2021 - 19:40
Segist beita hörku þar til öryggi Ísraels er tryggt
Þrjátíu og þrjú eru látin í árásum Ísraelshers á Gaza það sem af er degi. Forsætisráðherra Ísraels segir hörku beitt þar til öryggi þeirra verði tryggt. Öryggisráð Sameinuðu þjóðana ræðir stöðuna á opnum fundi síðar í dag.
16.05.2021 - 12:38
Samstöðufundir vegna Palestínu víða um Evrópu í dag
Tugir þúsunda Evrópubúa fóru í göngur til stuðnings málstað Palestínu í dag. Skipuleggjendur fullyrða að 150 þúsund manns hafi gengið um götur Lundúna, nærri Hyde Park, með skilti með áletrunum á borð við „Hættið sprengjuárásum á Gaza“.
15.05.2021 - 21:45
Sjónvarpsfrétt
„Það eru engin mannréttindi“
Í dag er sjötti dagurinn þar sem sprengjum rignir yfir íbúa á Gaza og eldflaugum er skotið þaðan í átt að Ísrael. Tíu manns úr sömu fjölskyldu voru drepin í loftárás Ísraelshers á flóttamannabúðir á Gaza og skrifstofur alþjóðlegra fjölmiðla voru jafnaðar við jörðu. Einn Ísraeli lést í eldflaugaárás í úthverfi Tel Aviv.
15.05.2021 - 19:50
Myndskeið
Biden ræðir við Netanjahú og Abbas
Benjamín Netanjahú forsætisráðherra Ísraels og Joe Biden Bandaríkjaforseti ræða saman eftir að ísraelsk sprengja jafnaði byggingu við jörðu á Gaza sem hýsir fjölmiðlafólk á vegum Al Jazeera og AP fréttaveitunnar. Biden ræðir einnig við Mahmud Abbas forseta Palestínu.
Sjónvarpsfrétt
Þúsundir flýja heimili sín á Gaza
Átökin harðna enn fyrir botni Miðjarðarhafs og þúsundir hafa leitað skjóls í skólum á Gaza undan loftárásum Ísraelshers. Forsætisráðherra Ísraels er þakklátur leiðtogum Evrópuríkja og Bandaríkjanna fyrir stuðninginn.
14.05.2021 - 19:58
Þingflokkur VG fordæmir ísraelsk stjórnvöld
Harkaleg viðbrögð Ísraelsstjórnar við eldflaugaskotum af Gaza eru óverjandi, að mati þingflokks Vinstri grænna. Katrín Jakobsdóttir forsætisráðherra segir að ráðast þurfi að rót vandans.
14.05.2021 - 12:23
Yfir 1.000 flugskeytum skotið frá Gaza að Ísrael
Yfir 1.000 flugskeytum hefur verið skotið frá Gaza-svæðinu í átt að Ísrael frá því að átök Ísraela og Palestínumanna hörðnuðu mjög á mánudagskvöld, eftir margra daga væringar í Jerúsalem. Allar lögreglustöðvar Gazaborgar eru rústir einar eftir loftárásir Ísraela í gær og nótt.
12.05.2021 - 05:50
Sjónvarpsfrétt
Tuttugu látnir eftir loftárás Ísraelsmanna á Gaza
Tuttugu létust í loftárás Ísraelsmanna á Gaza í dag eftir að Hamas samtökin skutu flugskeytum að Jerúsalem borg þar sem ein hörðustu átök í mörg ár geisa. Hundruð Palestínumanna særðust þegar lögregla rýmdi svæðið við Al-Aqsa moskuna í morgun.
10.05.2021 - 23:46
Abbas boðar til kosninga í Palestínu
Mahmud Abbas forseti Palestínu tilkynnti í dag hvenær gengið yrði til kosninga í landinu í fyrsta sinn í fimmtán ár. Hann segir að gengið verði að kjörborðinu á öllum landsvæðum Palestínu, þar á meðal í Austur-Jerúsalem.
15.01.2021 - 22:22
Lífið þungbært fyrir fatlað fólk á Gaza-svæðinu
Mannréttindavaktin segir líf fatlaðs fólks á Gaza-svæðinu sérstaklega erfitt. Því valdi herkví Ísraela og skortur á liðsinni af hálfu Hamas-liða sem ráða ríkjum á svæðinu. Tvær milljónir Palestínumanna búa á svæðinu sem hefur löngum verið þjakað af fátækt og afleiðingum stríðsátaka. 
03.12.2020 - 05:55
Skærur halda áfram milli Ísraels og Palestínu
Ísraelskar herþotur og -þyrlur gerðu í gær árás á suðurhluta Gaza-svæðisins til þess að eyðileggja jarðgöng sem Hamas-liðar eru sagðir hafa lagt yfir til Ísraels.
21.10.2020 - 00:58
Eldflaugaárásir Hamas á Ísrael magnast
Ísraelskar herþotur réðust á skotmörk á Gaza síðastliðna nótt. Með atlögunni var brugðist við eldflaugaárás Hamas-liða á bæinn Sderot í suðurhluta Ísraels, rétt handan landamæranna. Eldflaugavarnir Ísraela stöðvuðu sex flaugar en ein sprakk á þaki húss í bænum án þess að manntjón yrði.
21.08.2020 - 17:55
Togstreita eykst milli Ísraels og Palestínu
Ísraelskar flugvélar vörpuðu sprengjum á Gaza-svæðið í nótt. Það var gert í kjölfar eldflaugaárásar Palestínumanna á suðurhluta Ísraels. Gagnkvæmar árásir hafa varað í um viku og Egyptar hafa reynt að miðla málum.
Landamæri Gaza og Egyptalands opnuð í 72 klukkustundir
Landamæri Gazasvæðisins og Egyptalands í Rafah eru nú opin í báðar áttir. Það er í fyrsta sinn frá því að kórónuveirufaraldurinn brast á í mars. Opnunin varir í 72 klukkustundir.
11.08.2020 - 13:40