Færslur: Frumvarp

Pólitískt skipuð barnavernd heyrir brátt sögunni til
Stefnt er að því að pólitískt skipaðar barnaverndarnefndir verða lagðar niður. Í stað þeirra verður starfrækt barnaverndarþjónusta og umdæmisráð barnaverndar á vegum sveitarfélaga.
Stofnun innlendrar mannréttindastofnunar enn í bígerð
Ákveðið var á fundi ríkisstjórnarinnar í gærmorgun að skipa starfshóp sem hefði það hlutverk að útfæra hugmyndir og vinna við frumvarp um sjálfstæða innlenda mannréttindastofnun. Hugmyndir þess efnis eiga sér nokkurn aðdraganda.
Síðdegisútvarpið
„Ekki eðlilegt að fattarinn sé svona langur“
Lækkun kosningaaldurs úr 18 ára í 16 myndi bæta samfélagið. Málefni ungs fólks eiga sjaldan greiða leið inn á Alþingi og Ísland er eitt þeirra landa þar sem enginn þingmaður er undir þrítugu. Þetta segir Andrés Ingi Jónsson, þingmaður utan flokka sem hefur lagt fram frumvarp um lækkun kosningaaldurs úr 18 í 16 ár ásamt nokkrum þingmönnum Pírata, Samfylkingar og Viðreisnar.
05.02.2021 - 15:34
Sigurður Ingi vill fella aldargömul lög úr gildi
Sigurður Ingi Jóhannsson, samgöngu- og sveitarstjórnarráðherra, hefur lagt fram frumvarp um að fella úr gildi 25 lög, þau elstu eru frá árinu 1917 og varða sveitarfélögin, póst, síma og fjarskipti.
03.02.2021 - 20:30
Segja ekki hægt að taka upp ný kosningalög fyrir haust
Of skammur tími er til að innleiða nýtt fyrirkomulag kosninga fyrir Alþingiskosningarnar sem haldnar verða í lok september. Þetta kemur fram í umsögnum um frumvarp um breytingar á kosningalögum, en stefnt er að þvi að það verði að lögum í vor.
Grásleppa sett í kvóta nái stjórnarfrumvarp í gegn
Í nýju frumvarpi sjávarútvegs- og landbúnaðarráðherra er lagt til að tekin verði upp aflamarksstjórn, eða kvóti, við veiðar á grásleppu, sandkola í allri fiskveiðilandhelginni og sæbjúgum.
Heilbrigðisstéttir gagnrýna frumvarp um sóttvarnalög
Sjúkraliðar og læknar gagnrýna skipan og hlutverk sóttvarnaráðs í umsögnum sínum við frumvarp Svandísar Svavarsdóttur heilbrigðisráðherra um breytingu á sóttvarnalögum. Í umsögnunum segir að bagalegt sé að sóttvarnaráð hafi ekki verið haft með í ráðum við frumvarp heilbrigðisráðherra um breytingar á sóttvarnalögum. Þá ættu sjúkraliðar að eiga fulltrúa í sóttvarnaráði.
Mæla gegn því að Þjóðhagsstofnun færi þjóðhagsreikninga
Seðlabanki Íslands mælir eindregið gegn því að fyrirhugaðri Þjóðhagsstofnun verði falið að færa þjóðhagsreikninga, eins og lagt er til í frumvarpi um stofnun slíkrar stofnunar. Það sé nú á forsjá Hagstofu Íslands, sem er áþekkt fyrirkomulag og er í nálægum löndum og engin ástæða sé til að breyta því.
29.11.2020 - 14:05
Páll Magnússon ber upp frumvarp um heildaraflahlutdeild
Frekari samþjöppun aflaheimilda en sem nemur þeim 12 prósentum sem fiskveiðistjórnunarlögin gera ráð fyrir verður ekki leyfð, nái frumvarp Páls Magnússonar formanns allsherjarnefndar Alþingis og oddvita Sjálfstæðismanna í Suðurkjördæmi fram að ganga. Frumvarpið var lagt fram í kvöld.
Réttur barns að njóta samvista með báðum foreldrum
Í nýju frumvarpi félagsmálaráðherra til fæðingarorlofs er lagt til að skipting fæðingarorlofsréttar verði þannig að foreldrar geti nýtt sex mánuði hvort um sig en þó verði heimilt að framselja einn mánuð á milli foreldra sé þess óskað í því skyni að koma til móts við aðstæður fjölskyldna.
26.11.2020 - 21:05
Starfshópur leggi til breytingar á sóttvarnarlögum
Skýra ber ákvæði núgildandi sóttvarnalaga um valdheimildir stjórnvalda varðandi opinberar sóttvarnarráðstafanir. Þetta er meðal verkefna starfshóps sem heilbrigðisráðherra skipar auk þess að gera drög að frumvarpi til breytinga á lögunum.
Hlutlaus kynskráning í þjóðskrá og ókynjuð orðanotkun
Breytt kynskráning í þjóðskrá, fleiri mögulegar ástæður mismununar í jafnréttisáætlunum sveitarfélaga og breytingar á kærunefnd jafnréttismála er meðal þess sem kemur fram í frumvörpum um jafna stöðu og rétt kynjanna og stjórnsýslu jafnréttismála.
06.08.2020 - 12:43
Á annað hundrað umsagnir borist samráðsgátt
Á annað hundrað umsagnir hafa borist samráðsgátt stjórnvalda vegna frumvarps um breytingu á stjórnarskrá Íslands. Þegar þessi færsla var skrifuð voru umsagnirnar orðnar 134. Frumvarpið var birt í samráðsgáttinni 30. júní síðastliðinn. Frestur til þess að skila inn umsögn um frumvarpið rennur út í dag.
22.07.2020 - 13:42
Aldraðir með lítil réttindi fá meiri stuðning
Aldraðir sem búa hér á landi og eiga engin eða takmörkuð lífeyrisréttindi hafa nú rétt til félagslegs viðbótarstuðnings sem getur verið allt að 90% af fullum ellilífeyri. Frumvarp Ásmundar Einars Daðasonar félags- og barnamálaráðherra þar um var samþykkt á Alþingi í gær.
Fundi landbúnaðarráðherra og fulltrúa bænda frestað
Fundi Kristjáns Þórs Júlíssonar, landbúnaðar- og sjávarútvegsráðherra, með fulltrúum bænda og atvinnurekenda hefur verið frestað. Greint var frá því í hádegisfréttum að þeir myndu funda eftir hádegi í dag til að ræða frumvarp um breytingar á búvöru- og tollalögum, sem hafa verið harðlega gagnrýnd. 
06.12.2019 - 14:47