Færslur: Frank Jensen

Spegillinn
Ungum konum í Danmörku er nóg boðið
Síðsumars og í haust hefur Metoo-bylgja skollið á Danmörku, ekki síst velkist ríkisstjórnarflokkurinn, Jafnaðarmannaflokkurinn í brimróti hennar. Í byrjun vikunnar sagði Frank Jensen, varaformaður Jafnaðarmanna og borgarstjóri Kaupmannahafnar til tíu ára af sér embætti og stutt er síðan Morten Östergaard vék sem leiðtogi Radikale venstre eftir að hafa gengist við að hann hefði áreitt flokkssystur sína.
Borgarstjóri Kaupmannahafnar segir af sér
Frank Jensen, borgarstjóri Kaupmannahafnar og varaformaður danska Jafnaðarmannaflokksins, tilkynnti í morgun að hann segði af sér og hætti þátttöku í stjórnmálum. Jensen hefur viðurkennt að hafa áreitt konur kynferðislega og beðist afsökunar. Tilkynning Jensens kom á óvart því að hans sögn studdi yfirgnæfandi meirihluti borgarstjórnarflokks Jafnaðarmanna hann á fundi í gærkvöld.
Jensen fær stuðning til að sitja áfram
Frank Jensen, borgarstjóri í Kaupmannahöfn, segir að hann hafi stuðning samflokksfólks síns í Jafnaðarmannaflokknum til að sitja áfram í embætti, en  fjöldi kvenna  hefur stigið fram á síðustu dögum og sagt að hann hafi áreitt þær kynferðislega. Margir hafa krafist þess að Jensen láti af embætti og segi að auki af sér varaformennsku í flokknum.