Rannsókn á flugslysi þar sem einn lést við Haukadalsmela í fyrra beinist meðal annars að notkun sætisbeltis sem stýrisláss. Slíkt getur komið í veg fyrir skemmdir af völdum veðurs á jörðu niðri en hindrar að hægt sé að stýra flugvélinni ef lásinn er ekki fjarlægður fyrir flugtak. 

Icelandair tapaði 12,3 milljörðum á öðrum ársfjórðungi samkvæmt ársfjórðungsuppgjöri sem félagið skilaði til Kauphallarinnar í gær, ef miðað er við gengi dagsins í dag.

Icelandair þarf ekki að fella niður flug í vikunni, þar eð löndum á lista yfir örugg ríki verður fjölgað. Forstjórinn segist hafa átt í reglulegum samskiptum við yfirvöld um allt ferlið. Hann telur ekki að ferðamönnum fjölgi umfram skimunargetu í fyrirsjáanlegri framtíð.

Alþjóðasamtök flugfélaga, IATA, áætla að tekjutap flugfélaga í heiminum vegna útbreiðslu COVID-19 veirunnar verði á bilinu 63 til 113 milljarðar bandaríkjadala. Það jafngildir átta til fimmtán þúsund milljörðum íslenskra króna.

Boeing flugvél Icelandair, þar sem hjólabúnaður brotnaði í lendingu í gær, er mikið skemmd og hefur verið tekin úr umferð. Vélin var framleidd um aldamót. Flugritar vélarinnar verða sendir til greiningar á næstu dögum.

Á Vestfjörðum hefur verið viðvarandi óveður og ófærð í viku. Snjóflóð hafa fallið og úrval ferskvöru er hverfandi. Íbúi segir þó ekki væsa um fólk, að undanskildum majónesskorti.

Fólk streymir nú frá flugstöðinni í Keflavík eftir að vegurinn þaðan var opnaður um klukkan eitt og er unnið að því að koma fólki, sem átti bókaða flugferð með Icelandair í kvöld eða nótt, í húsaskjól. Um fjögur þúsund voru innlyksa í Leifsstöð þegar mest var, ýmist fólk sem kom þangað í dag og hugðist fljúga þaðan síðdegis eða í kvöld, eða fólk sem kom til landsins seinnipartinn og í kvöld og komst hvergi.

Fjöldi Íslendinga eyðir jólum og áramótum utan landsteinanna. Forstjóri ferðaskrifstofunnar Úrvals útsýnar segir fjöldann sambærilegan við fyrri ár. Fólk hafi þó bókað ferðirnar tímanlegar í ár. Tæplega fjórtán þúsund Íslendingar fóru af landi brott dagana 17. til 22. desember í fyrra, samkvæmt mælingum Isavia. „Mjög stór hópur verður á Tenerife og Kanarí á okkar vegum þessi jólin.“

Undirbúningur við stofnun flugfélagsins Play er á lokametrunum, segir María Margrét Jóhannsdóttir, upplýsingafulltrúi félagsubs. Stefnt er á að miðasala hefjist í janúar að fjármögnun lokinni.

Biðin í jómfrúarflug nýs WOW air er talin í vikum frekar en mánuðum, segir Gunnar Steinn Pálsson, talsmaður Michele Ballarin hér á landi. Ballarin, sem er stjórnarformaður bandaríska félagsins US Aerospace Associates, stendur að endurreisn flugfélagsins. Upphaflega átti fyrsta vél félagsins að taka á loft frá Keflavíkurflugvelli í október en ferlið við endurreisnina gengur hægar en vonast var til.

Farþegaflugvél Icelandair, sem var á leið frá Keflavík til Boston, var snúið við um hálftíma eftir flugtak. Tæknibilun kom upp í jafnþrýstibúnaði vélarinnar.

Sveinn Andri Sveinsson, hæstaréttarlögmaður og skiptastjóri WOW air, segir að það liggi ekki fyrir að svo stöddu hvort það verði til nóg í þrotabúi WOW til að greiða allar forgangskröfur. Búið sé að samþykkja launatengdar forgangskröfur upp á 3,8 milljarða króna. Eignir og fjármagn þrotabúsins breytist frá viku til viku, enn er unnið að því að selja eignir félagsins, segir hann. Skiptastjórar funduðu með Flugfreyjufélagi Íslands í dag.