Færslur: fellibylur

Isaias orðinn fellibylur
Fellibylurinn Isaias er nú genginn á land í Suður Karólínuríki. Isaias, sem áður hafði misst nokkuð af styrk sínum og var orðinn að hitabeltisstormi, jók styrk sinn á ný eftir að hafa farið yfir Flórída án þess að valda teljandi tjóni.
04.08.2020 - 06:29
Isaias færist í aukana
Hitabeltisstormurinn Isaias sækir nú í sig veðrið efir að hafa farið yfir Flórída án þess að valda teljandi tjóni.
Íbúar Flórída búa sig undir fellibyl
Íbúar á Flórída búa sig nú undir að hitabeltisstormurinn Isaias skelli á ríkinu. Veðurfræðingar óttast að hann nái aftur styrk fellibyls áður en hann nær landi.
02.08.2020 - 07:45
Fyrsta stigs fellibylur nálgast Flórída
Hitabeltisstormurinn Isaias hefur öðlast styrk fyrsta stigs fellibyls. Hann nálgast nú Flórída-ríki í Bandaríkjunum eftir að hafa farið yfir Karíbahaf.
31.07.2020 - 06:18
Fellibylurinn Hanna hamast á Texas og Norðaustur-Mexíkó
Fellibylurinn Hanna gekk á land í Texas um klukkan sautján að staðartíma, eða 22 að íslenskum tíma. Hanna er fyrsti stormur þessa fellibyljatímabils vestra og telst fyrsta stigs fellibylur, sem þýðir að meðalvindhraði nær allt að 40 metrum á sekúndu. Mikið úrhelli fylgir Hönnu og varað er við flóðahættu í suðurhluta Texas og Norðaustur-Mexíkó.
25.07.2020 - 23:47
28 hafa fundist látin eftir fellibylinn Phanfone
Staðfest dauðsföll af völdum fellibylsins Phanfone, sem gekk yfir Filippseyjar um jólin, eru orðin 28, samkvæmt tilkynningu stjórnvalda. Tólf er enn saknað. Fellibylurinn gekk yfir miðbik eyjanna og tók fyrst land á aðfangadag. Hann orsakaði mikil flóð og fjöldi heimila í mörgum héruðum á mörgum eyjum gjöreyðilagðist.
28.12.2019 - 06:15
Myndband
Minnst tuttugu hafa látist í fellibylnum Phanfone
Minnst tuttugu hafa látist á Filippseyjum af völdum fellibylsins Phanfone sem gekk yfir landið í gær. Fjöldi fólks þarf á neyðaraðstoð að halda og mörg heimili á Filippseyjum verða líklega án vatns og rafmagns vikum saman.
26.12.2019 - 20:53
200.000 manns hafa flúið fellibylinn Kammuri
Einn maður er látinn og yfir 200.000 manns hefur verið gert að yfirgefa heimili sín í strand- og fjallahéruðum sunnanverðrar Lúsoneyjar á Filippseyjum vegna fellibylsins Kammuri sem þar gekk á land um miðnæturbil að staðartíma. Óttast er að hann valdi hvorutveggja flóðum og aurskriðum auk þeirrar ógnar sem stafar af veðurofsanum sjálfum, sem fer enn vaxandi.
03.12.2019 - 02:29
Tugir þúsunda flýja fellibyl á Filippseyjum
Um 70.000 manns hafa neyðst til að flýja heimili sín vegna fellibylsins Kammuri sem búist er við að skelli á austanverðum Filippseyjum í kvöld eða nótt. Meðalvindhraði verður yfir 40 metrar á sekúndu og vindhviður yfir 50 þegar Kammuri tekur land, gangi spár veðurfræðinga eftir, og ausandi rigning fylgir honum hvert fótmál.
02.12.2019 - 06:48
Myndskeið
Japan: Tugir látnir, fimmtán saknað
Að minnsta kosti 56 létust þegar fellibylurinn Hagibis fór yfir stóran hluta Japans um helgina. Fimmtán er ennþá saknað. Björgunarsveitir leituðu að þeim fram í myrkur. Fellibylurinn er sá öflugasti sem farið hefur yfir landið í yfir sextíu ár. Honum fylgdi gríðarlegt úrhelli sem olli flóðum og skriðuföllum.
14.10.2019 - 13:23
Erlent · Asía · Veður · Japan · fellibylur
Aftakaveður yfirvofandi í Japan
Japanar búa sig undir versta fellibyl sem farið hefur yfir landið í rúmlega sextíu ár. Djúp lægð á stærð við Evrópu kemur að landi á morgun. Á annað þúsund flugferðum hefur verið aflýst og gert er ráð fyrir að samgöngur á sjó og landi fari úr skorðum.
11.10.2019 - 12:16
Erlent · Asía · Veður · Japan · fellibylur
Myndskeið
Hitabeltisstormur nær til Bahama-eyja
Hitbeltisstormur fer nú yfir hamfarsvæðin á Bahama-eyjum. Um 1.300 er enn saknað eftir fellibylinn Dorian sem skildi eftir sig fordæmalausa eyðileggingu.
14.09.2019 - 19:45
2.500 saknað af Bahamaeyjum
Um 2.500 manns er saknað eftir að fellibylurinn Dorian fór yfir norðanverðar Bahamaeyjar. Almannavarnir eyjaklasans greina frá þessu. Carl Smith, talsmaður almannavarna, segir líkur á að talan verði eitthvað lægri, þar sem ekki er búið að bera listann saman við lista stjórnvalda yfir þá sem gista í neyðarskýlum eða hefur verið komið til bjargar. Yfirvöld óttast þó að fjöldi látinna af völdum fellibylsins verði miklu meiri en þau 50 sem hafa fundist hingað til.
12.09.2019 - 03:38
Krotað á veðurspákort forsetans
Fundur Donalds Trump Bandaríkjaforseta með blaðamönnum í gær vegna fellibylsins Dorian verður að líkindum lengi í minnum hafður. Þar hélt forsetinn á korti þar sem spáð var fyrir um leið fellibylsins, og virtist kortið eiga að styðja við fyrri yfirlýsingar forsetans.
05.09.2019 - 12:48
Fellibylurinn Dorian stækkar en veiklast
Fellibylurinn Dorian færist nú frá Bahamaeyjum og fikrar sig áfram í átt að austurströnd Bandaríkjanna, á snigilshraða að kalla má. Hann hefur veiklast og telst nú annars stigs fellibylur. Þrátt fyrir það er hann talinn ákaflega hættulegur, meðal annars þar sem hann hafi stækkað og vegna flóðahættu sem honum fylgir. Að minnsta kosti fimm hafa látist á Bahamaeyjum vegna fellibylsins og er búist við fleiri dauðsföllum.
03.09.2019 - 18:18
Segir fimmta stigs fellibylji fordæmislausa
Donald Trump, forseti Bandaríkjanna, hefur ítrekað sagt, eða gefið í skyn, að fimmta stigs fellibyljir þekkist ekki, séu fordæmislausir, eða að hann hafi ekki vitað að þeir fyrirfyndust.
03.09.2019 - 15:56
Minnst fimm látnir af völdum Dorian
Að minnsta kosti fimm eru látnir á Bahamaeyjum af völdum fellibylsins Dorian sem hefur farið hægt yfir norðanverðan eyjaklasann. Styrkur Dorian hefur lækkað lítið eitt, er nú fjórða stigs fellibylur í stað fimmta og efsta stigs eins og hann náði á meðan hann var yfir Bahamaeyjum.
03.09.2019 - 01:37
Dorian veldur miklum skemmdum á Bahamaeyjum
Fellibylurinn Dorian hefur skilið eftir sig mikla eyðileggingu á nokkrum eyjum á Bahama. Hús eru ónýt og að hluta undir vatni, auk þess sem vatn flæðir um allar götur. Fellibyljamiðstöð Bandaríkjanna greindi frá því í nótt að ástandið á Bahama væri grafalvarlegt. Meðal vindhraði nær yfir 80 metrum á sekúndu, og verður meiri í hviðum. Öldur eiga eins eftir að rísa fimm til sjö metrum hærra en venjulega.
02.09.2019 - 06:44
Dorian orðin að fjórða stigs fellibyl
Fellibylurinn Dorian er orðinn fjórða stigs fellibylur. Standandi vindur getur orðið allt að 60 metrum á sekúndu, að sögn fellybyljamiðstöðvar Bandaríkjanna. Dorian stefnir á Bahamaeyjar og Flórída á næstu klukkustundum. Miðað við núverandi stefnu og yfirferð fellibylsins nær hann landi að Bahama á sunnudag, og verður yfir Flórída á mánudag og fram í vikuna. 
31.08.2019 - 01:34
32 dáin í fárviðrinu á austurströnd Kína
Fellibylurinn Lekima hefur nú kostað 32 mannslíf þar sem hann veður norður eftir austurströnd Kína með hávaðaroki og beljandi rigningu. Sextán er enn saknað. Yfirvöld segja bylinn hafa bitnað á um það bil fimm milljónum íbúa í Sejiang-héraði einu saman, suður af Sjanghæ, og yfir milljón austurstrandarbúar hafa neyðst til að yfirgefa heimili sín vegna Lekima og flóðanna sem honum fylgja.
12.08.2019 - 01:15
Erlent · Asía · Hamfarir · Veður · Kína · fellibylur
28 látin í ofsaveðri í Kína
Fórnarlömb fellibylsins Lekima sem hamast hefur á austurströnd Kína síðasta sólarhringinn eru nú orðin 28 talsins, að því er segir í tilkynningu stjórnvalda. Leitar- og björgunarsveitir hafa verið að störfum síðan í gærmorgun, þegar aurskriða féll nærri borginni Wenzhou, um 400 kílómetra suður af Sjanghæ. Tilkynnt var í gær að 18 hefðu farist í þeirri skriðu og tuttugu væri saknað.
11.08.2019 - 07:26
Erlent · Asía · Hamfarir · Veður · Kína · fellibylur
Yfir milljón manns flýr fellibylinn Lekima
Ríflega ein milljón manna hefur neyðst til að flýja heimili sín á austurströnd Kína vegna fellibylsins Lekima, sem tók þar land um það bil sem elda tók af af degi. Rafmagn fór af tugþúsundum heimila, þúsundir trjáa rifnuðu upp með rótum og samgöngur eru allar úr skorðum. Meðalvindhraðinn var um 52 metrar á sekúndu þegar bylurinn kom að landi við borgina Wenling.
10.08.2019 - 05:44
Erlent · Asía · Hamfarir · Veður · Kína · Taívan · fellibylur
Fellibylur herjar á Taívan og stefnir á Kína
Kínverjar búa sig undir komu fellibylsins Lekima, sem hamast nú á norðanverðu Taívan og hefur þegar valdið þar nokkru tjóni, enda meðalvindhraðinn um 53 metrar á sekúndu og úrhellið gríðarlegt. Lekima mjakast í átt til Kína eftir slóð sem liggur norðan Taívans en þótt eyríkið hafi af þeim sökum sloppið við allra versta fárviðrið veldur bylurinn engu að síður miklum usla.
09.08.2019 - 05:24
Erlent · Asía · Hamfarir · Veður · Kína · Taívan · fellibylur
Barry genginn á land og orðinn stormur á ný
Tugir þúsunda íbúa Louisiana í Bandaríkjunum hafa flúið undan hitabeltisstorminum Barry, sem nú er genginn á land syðst í ríkinu. Barry var um skamma hríð fyrsti fellibylurinn á þessum slóðum þetta sumarið, en er nú aftur skilgreindur sem hitabeltisstormur. Hann veldur engu að síður miklum usla. Meðalvindhraði er 28 metrar á sekúndu en það er ekki síst úrhellisrigninginn sem fylgir honum, sem veldur áhyggjum.
14.07.2019 - 00:45
Myndskeið
Farið að hvessa í Louisiana
Farið er að hvessa í strandhéruðum Lousiana vegna hitabeltislægðarinnar Barrys. Samkvæmt nýjustu spám veðurfræðinga Bandarísku fellibyljastofnunarinnar er útlit fyrir að miðja óveðursins nái landi á morgun og verði þá fyrsta stigs fellibylur.
12.07.2019 - 13:40