Von er á rúmlega sjötíu kvótaflóttamönnum til landsins á næstunni. Fólkið átti að koma á síðasta ári en för þess til landsins hefur tafist vegna heimsfaraldursins. Þrjátíu og níu kvótaflóttamenn koma til landsins á morgun og fimmtudag Fólkið er frá Sýrlandi og hefur för þess til Íslands tafist vegna heimsfaraldursins. Á næstunni kemur svipaður fjöldi til viðbótar frá ýmsum löndum. Fólkið hefði átt að koma til Íslands á síðasta ári en kemst fyrst nú.

Með nýju atvinnuátaki „Hefjum störf“ stefnir ríkisstjórnin á að skapa allt að sjö þúsund tímabundin störf í samvinnu við atvinnulífið, opinberar stofnanir, sveitarfélög og félagasamtök. Karl Björnsson, framkvæmdastjóri Samtaka íslenskra sveitarfélaga, telur alla græða á átakinu.

Í nýju frumvarpi félagsmálaráðherra til fæðingarorlofs er lagt til að skipting fæðingarorlofsréttar verði þannig að foreldrar geti nýtt sex mánuði hvort um sig en þó verði heimilt að framselja einn mánuð á milli foreldra sé þess óskað í því skyni að koma til móts við aðstæður fjölskyldna.

Brunavarnasvið Húsnæðis- og mannvirkjastofnunar (HMS) verður flutt norður á Sauðárkrók í haust. Ásmundur Einar Daðason, félags- og barnamálaráðherra, tilkynnti um flutningana í lok maí á fundi þar sem hann boðaði aðgerðir til að efla brunavarnir í landinu. Innan sviðsins starfa nú fjórir sérfræðingar og ljóst er að enginn þeirra hefur hug á að flytja norður í land.

Frá og með október verður opinberum stöðugildum fjölgað um átta á Sauðárkróki. Starfsmönnum Húsnæðis- og mannvirkjastofnunar verður fjölgað ásamt því að fjögur störf verða færð frá Reykjavík.

Félagsmálaráðherra ætlar ekki að bregðast við auknu atvinnuleysi að svo stöddu. Atvinnuleysi hefur aukist um þriðjung á þessu ári og mælist nú rúm fjögur prósent.