Færslur: Facebook

Persónugögnum 31.000 íslenskra Facebooknotenda lekið
Persónuupplýsingum rúmlega 31.000 íslenskra Facebook-notenda var lekið á netið í dag. Þetta var þó aðeins lítið brot þeirra upplýsinga sem lekið var, því alls var lekið gögnum um ríflega 530 milljónir Facebook-notendur í 106 löndum.
03.04.2021 - 23:09
Facebook bannar birtingu viðtals við Donald Trump
Tengdadóttir Donalds Trump, fyrrverandi Bandaríkjaforseta, segir facebook hafa fjarlægt viðtal sem hún tók við hann. Trump var bannaður á samfélagsmiðlinum eftir innrásina í þinghúsið Washington í janúar.
01.04.2021 - 12:09
Maduro fær 30 daga bann á Facebook
Facebook-aðgangi Nicolas Maduro, forseta Venesúela, verður lokað í einn mánuð. Forsetinn braut reglur samfélagsmiðilsins um dreifingu falsfrétta. Maduro lýsti dropunum Carvativir, sem unnir eru úr blóðbergi, sem kraftaverkameðali sem drepi kórónuveiruna sem veldur COVID-19, og það án allra aukaverkana. Læknar segja vísindin ekki styðja þessa fullyrðingu. 
27.03.2021 - 08:01
Landinn
Dansa fyrir Duchenne
„Þið vitið hvað er að fara að gerast, það er föstudagsfjör og við dönsum fyrir Duchenne!" Þannig hefjast yfirleitt dansmyndbönd sem Hulda Björk Svansdóttir tekur upp á hverjum föstudegi og dreifir á Youtube, Facebook og víðar. Hulda Björk og Ægir Þór, sonur hennar sem er með Duchenne-sjúkdóminn, fá þá hina og þessa til að dansa með sér til að vekja athygli á sjúkdómnum og baráttunni gegn honum.
Facebook og Ástralíustjórn ná samkomulagi
Stjórnendur Facebook tilkynntu í morgun að banni við dreifingu fréttaefnis ástralskra fjölmiðla verði aflétt, þar sem stjórnvöld í Ástralíu hefðu fallist á ákveðnar breytingar á boðaðri löggjöf um gjaldtöku vegna birtinga fréttaefnis á Facebook. Josh Frydenberg, fjármálaráðherra Ástralíu, og stjórnendur Facebook greindu frá því í morgun að málamiðlun hefði náðst um helstu ásteytingarsteinana í löggjöfinni.
23.02.2021 - 06:57
Örskýring
Af hverju má ekki dreifa fréttum á Facebook í Ástralíu?
Í vikunni bárust fréttir frá Ástralíu um að þar hefði Facebook bannað alfarið dreifingu á fréttum ástralskra fjölmiðla. Á sama tíma var skrúfað fyrir dreifingu á fréttum frá áströlskum fjölmiðlum á Facebook annars staðar í heiminum og þar er Ísland ekki undanskilið. Þið getið prófað sjálf.
19.02.2021 - 14:00
Facebook stöðvar deilingu ástralskra frétta
Framkvæmdastjóri Facebook í Eyjaálfu greindi frá því í gær að komið verði í veg fyrir að hægt verði að birta og deila fréttum ástralskra fjölmiðla á samskiptamiðlinum í Ástralíu. Er þetta svar Facebook við boðaðri löggjöf, sem kveður á um að Facebook, Google og sambærilegir miðlar þurfi að greiða áströlskum fjölmiðlum höfundarlaun fyrir birtingu á efni þeirra. Tekið var fyrir deilingu fréttaefnis á Facebook í Ástralíu strax í morgun, en svo virðist sem aðgerðin hafi stöðvað fleira en fréttir.
18.02.2021 - 03:40
Facebook ekki besti vettvangurinn til viðskipta
Karlmaður var um helgina úrskurðaður í tæplega mánaðar gæsluvarðhald vegna meintra fjársvika á Facebook. Forstöðumaður nýrrar netöryggissveitar Póst- og fjarskiptastofnunar segir netglæpi á samfélagsmiðlum hafa færst mjög í aukana undanfarna mánuði. Á sölusíðum miðlanna sé engin neytendavernd.
Viðtal
Hættulegri hópar grípa gæsina þegar QAnon er úthýst
Afleiðingarnar geta verið alvarlegar þegar samskiptamiðlar loka á breiðan hóp fólks sem hefur áhuga á samsæriskenningum, segir Gunnar Hrafn Jónsson blaðamaður. Hópurinn tvístrist og geti leitað í opinn faðm hættulegri öfgahópa.
25.01.2021 - 13:26
Evrópuþingmaður krafinn skýringa á fordómafullum orðum
Viktor Uspaskich litháenskur þingmaður á Evrópuþinginu þarf að útskýra ástæður þess að hann kaus að kalla samkynhneigt og transfólk „öfugugga“ í myndbandi sem hann birti á Facebook síðu sinni. Honum er gefið svigrúm til fimmtudags til útskýringa og að biðjast afsökunar á orðum sínum.
12.01.2021 - 02:19
Lokað á Facebook-aðgang embættismanna
Facebook hefur lokað aðgangi fjölda embættismanna í Úganda í aðdraganda forsetakosninga þar í landi á fimmtudag. Þeir eru grunaðir um að hafa dreift óhróðri um mótframbjóðendur sitjandi forseta með kerfisbundnum hætti.
11.01.2021 - 16:08
Twitter lokar á tístin frá Trump
Stjórnendur samfélagsmiðilsins Twitter, helsta vettvangs Donalds Trumps, Bandaríkjaforseta fyrir skoðanir sínar og skilaboð til þjóðarinnar, tilkynntu í kvöld að aðgangi forsetans að miðlinum hafi verið lokað og að hann verði lokaður til frambúðar. Í tilkynningu frá fyrirtækinu segir að þetta sé gert vegna hættu á frekari ofbeldisverkum í kjölfar árásar stuðingsfólks Trumps á þinghúsið í Washington á miðvikudag, þegar báðar þingdeildir ræddu staðfestingu á kjöri Bidens í embætti forseta.
Myndskeið
Nota gögn frá Facebook til að skoða ferðir Íslendinga
Facebook hefur fylgst með hreyfingum fólks og birt gögn um hvernig fólk hefur hegðað sér á hverjum degi síðan í mars. Gögnin eru uppfærð daglega á vef samhæfingarskrifstofu aðgerða Sameinuðu þjóðanna í mannúðarmálum.
31.12.2020 - 14:40
Facebook lokar á spjalleiginleika í Evrópu
Til að bregðast við breyttum reglum Evrópusambandsins um persónuvernd hefur Facebook fjarlægt ýmsa eiginleika í samskiptaforritinu Messenger og samfélagsmiðlinum Instagram. Enn er þó hægt að senda skilaboð og hringja hljóð- og myndsímtöl.
Alríkið og 45 ríki Bandaríkjanna í mál við Facebook
Bandaríska viðskiptaeftirlitið og ríkissaksóknarar 45 ríkja Bandaríkjanna hafa höfðað mál á hendur Facebook, þar sem þessi risi í heimi samfélagsmiðlanna er sakaður um ólögmæta viðskiptahætti og brot á lögum um hringamyndun við uppkaup sín á keppinautum og tilraunir til að drepa af sér alla samkeppni.
10.12.2020 - 03:51
Gagnrýndur fyrir óviðeigandi myndband um læknanema
Tómas Guðbjartsson, skurðlæknir á Landspítalanum, hefur fjarlægt myndband og færslu á samfélagsmiðlum þar sem hann sagði að kúrsinn sem hann kennir í skurðlæknisfræði væri eins og „Tinder á sjálfstýringu” og að fólk sæki þangað til að finna sér maka. Læknar við spítalann gagnrýndu Tómas í athugasemdakerfi Facebook, sem hefur nú verið fjarlægt, og sögðu þetta komið yfir öll mörk. Tómas hefur beðist afsökunar og segir myndbandið hafa verið grín.
05.12.2020 - 12:53
Afneitun helfararinnar bönnuð á Facebook
Orðræða þar sem helför gyðinga er afneitað eða hún skrumskæld verður bönnuð á Facebook. Þetta skrifar Mark Zuckerberg, forstjóri netrisans, í færslu í dag. Þetta er að sögn forstjórans liður í að hrekja allt hatur af Facebook.
12.10.2020 - 17:24
QAnon verður úthýst af Facebook og Instagram
Facebook og Instagram tilkynntu í gærkvöld að lokað verði á alla notendur sem tengjast samsæriskenningahópnum QAnon. Þannig vilja miðlarnir reyna að koma í veg fyrir að þeir verði nýttir til þess að blekkja eða rugla kjósendur í forsetakosningunum í Bandaríkjunum í næsta mánuði.
07.10.2020 - 04:29
Héraðsdómur dæmir ummæli á Facebook dauð og ómerk
Héraðsdómur Reykjavíkur dæmdi nýverið þrenn ummæli, sem karlmaður lét falla um barnsmóður og fyrrverandi sambýliskonu sonar síns á Facebook, dauð og ómerk. Honum var jafnframt gert að greiða konunni 250 þúsund krónur í miskabætur. Dómurinn hafnaði kröfu konunnar um að manninum yrði gert að birta dóminn á Facebook-síðu sinni.
25.09.2020 - 21:22
Facebook gæti þurft að loka á Evrópu
Facebook hótar að láta sig hverfa af Evrópumarkaði ef bann verður lagt á að deila gögnum miðilsins með bandarískum stjórnvöldum. Guardian greinir frá þessu. Evrópudómstóllinn úrskurðaði í júlí að ekki væru nægar varnir gegn því að leyniþjónustustofnanir vestanhafs gætu snuðrað um notendur Facebook í Evrópu. 
Stjörnurnar ætla að sniðganga samfélagsmiðla
Stórstjörnur á borð við Kim Kardashian ætla hvorki að setja inn færslur á Instagram né Facebook á miðvikudaginn. Ætlunin er að þrýsta á þessa öflugu samfélagsmiðla að bregðast við hatursorðræðu og dreifingu rangra eða villandi upplýsinga.
Morgunútvarpið
Íslensk erfðalög óljós þegar kemur að stafrænu lífi
Vigdís Eva Líndal, sviðsstjóri hjá Persónuvernd, segir íslensk erfðalög óljós þegar kemur að stafrænu lífi fólks. Hún ræddi dóm sem féll nýlega í Þýskalandi í Morgunútvarpi Rásar tvö í morgun en efsta dómsstig Þýskalands heimilaði foreldrum stúlku að fá fullan aðgang að Facebook aðgangi hennar. Stúlkan lést árið 2012 eftir að hafa lent undir lest. Foreldrarnir fóru fram á þetta til að komast að því hvort um sjálfsvíg hafi verið að ræða.
11.09.2020 - 09:08
Fær ekki að streyma frá dauða sínum á Facebook
Facebook hefur lokað fyrir beint streymi af Facebook síðu Frakkans Alain Cocq, sem þjáist af ólæknandi sjúkdómi. Hann á stutt eftir ólifað og hugðist senda út frá síðustu dögum lífsins í beinu streymi á samfélagsmiðlinum. Það vill hann gera til að vekja athygli á því að dánaraðstoð sé ekki leyfð í Frakklandi.
05.09.2020 - 18:28
Facebook bannar pólitískar auglýsingar fyrir kosningar
Facebook tilkynnti í dag að engar pólitískar auglýsingar yrðu leyfðar á vefsíðunni síðustu vikuna fyrir kosningarnar í Bandaríkjunum í nóvember. Í færslu frá Mark Zuckerberg forstjóra Facebook í dag segir að ekki sé hægt að líta svo á að þessar kosningar fari fram á venjulegum tímum, fyrirtækinu beri að vernda lýðræðið, það verði að aðstoða fólk við að skrá sig á kjörskrá og greiða atkvæði og gera sitt til að minnka hættu á ofbeldi og óróa.
03.09.2020 - 15:43
Standsettu íbúðina með húsgögnum sem þau fengu gefin
Íslensk fjölskylda er í sviðsljósinu hjá danskri sjónvarpsstöð í þætti sem fjallar um hve auðvelt sé að ná í húsmuni í tóma íbúð með því sem hægt sé að fái ókeypis í gegnum samfélagsmiðla. 115 fermetra íbúð fjölskyldunnar var fyllt af húsgöngum á sjö tímum.
19.08.2020 - 21:00