Færslur: Eldsvoði
Slökkviliðið á höfuðborgarsvæðinu brýnir fyrir fólki að huga vel að gas- og rafmagnstengingum í ferðavögnum og hvetur til varkárni. Undanfarinn sólarhring kviknaði í tveimur hjólhýsum en þau voru bæði mannlaus og engin slys urðu á fólki. Hýsin eru bæði ónýt eftir brunana.
19.07.2021 - 08:24
Minnst 53 létust og um það bil þrjátíu slösuðust þegar eldur kom upp í verksmiðju í Bangladess í gærkvöld. Um það bil þúsund manns unnu þar, en margir voru farnir heim þegar eldurinn gaus upp.
09.07.2021 - 16:13
Yfirvöld á Sri Lanka segjast óttast að eitthvað mesta mengungarslys í sögu landsins sé í uppsiglingu eftir að brak úr brennandi flutningaskipinu Pearl barst að ströndum þess.
30.05.2021 - 10:05
Slökkviliðið á höfuðborgarsvæðinu var kallað að húsi við Haðarstíg í Reykjavík á sjötta tímanum í dag. Mikill eldur logaði þegar slökkviliðið bar að. Engan sakaði.
13.05.2021 - 18:09
Átta létust og níu slösuðust í eldsvoða á ólöglegu gistiheimili í Ríga, höfuðborg Lettlands, í nótt. Talið er að flest fórnarlömbin hafi verið erlendir ferðamenn.
28.04.2021 - 16:04
Að minnsta kosti tuttugu og þrjú eru látin eftir að eldur kviknaði í gjörgæsludeild fyrir kórónuveirusjúklinga í Bagdad höfuðborg Írak. Um fimmtíu eru talin hafa slasast í eldsvoðanum.
25.04.2021 - 02:10
Engum var hætta búin þegar eldur kviknaði í vélarbúnaði í Orkuveri 3 hjá HS Orku í Svartsengi síðdegis í dag. Orkuverið var mannlaust þegar eldurinn kom upp en starfsmenn HS Orku lokuðu svæðinu.
06.04.2021 - 19:22
Gríðarlegur eldur logar í Balongan olíuhreinsistöðinni á Jövu í Indónesíu. Hún er ein hin stærsta í landinu. Öflug sprenging kvað við í stöðinni í dag og í kjölfarið breiddist út mikill eldur.
29.03.2021 - 10:38
Slökkvilið höfuðborgarsvæðisins fékk tilkynningu um eld í tveimur bílum við afleggjarann að Álfsnes í Mosfellsbæ um klukkan níu í kvöld. Tveir slökkvibílar voru sendir af stað en öðrum var fljótlega snúið við.
06.02.2021 - 21:36
Sinueldur slökktur við Korpúlfsstaði
Opnað hefur verið fyrir umferð um Korpúlfsstaði og Bakkastaði að því er fram kemur í tilkynningu frá lögreglunni á höfuðborgarsvæðinu. Götunum var lokað meðan Slökkvilið höfuðborgarsvæðisins glímdi við sinueld við Korpúlfsstaði, sem nú hefur verið slökktur.
02.02.2021 - 09:32
Bruni við Fellsmúla - slökkvistarfi lokið en mikið tjón
Slökkvistarfi í íbúð við Fellsmúla í Reykjavík er lokið. Það tók ekki langan tíma, en vinnuni var lokið um klukkan hálf níu í kvöld. Eldurinn kviknaði í íbúð á þriðju hæð í blokk og samkvæmt upplýsingum frá slökkviliðinu er mikið tjón í íbúðinni, en enginn slasaðist.
28.01.2021 - 19:11
Íbúðarhús við Kaldasel stórskemmdist í eldi í morgun
Íbúðarhús við Kaldasel í Seljahverfi í Reykjavík stórskemmdist í eldi í morgun. Það skíðlogaði í húsinu þegar slökkvilið kom að en fyrir átta var að mestu búið að slökkva eldinn.
25.01.2021 - 08:53
Allt tiltækt slökkvilið höfuðborgarsvæðisins sinnir nú útkalli í Kaldaseli Seljahverfi í Breiðholti þar sem íbúðarhús er alelda að sögn varðstjóra.
25.01.2021 - 07:11
Að minnsta kosti fimmtán létust þegar eldur kom upp í dag á elliheimili í borginni Kharkiv í austurhluta Úkraínu. Þrjátíu og þrír voru á heimilinu þegar eldurinn kviknaði. Níu var bjargað út og farið með á sjúkrahús. Volodymyr Zelensky forseti tilkynnti að rannsóknarnefnd yrði skipuð til að kanna í þaula hvað olli eldvoðanum. Hann er sá mannskæðasti í Úkraínu frá því að eldsvoði varð 42 að bana í Ódessa árið 2014.
21.01.2021 - 16:28
Björgunarfólk hefur fundið lík allra þeirra fimm sem fórust í eldsvoðanum í Andøya í Norðurlandsfylki í Noregi aðfaranótt laugardags. Ekki hafa enn verið borin kennsl á hin látnu en vonast er til að krufning leiði í ljós hver þau eru.
17.01.2021 - 18:23
Björgunarfólk hefur fundið tvö lík í brunarústum húss á Andøya í Norðurlandsfylki í Noregi. Ekki hafa enn verið borin kennsl á þau en vonast er til að krufning leiði í ljós hver þau eru.
17.01.2021 - 12:22
Framkvæmdastjóri Sorpu segir að eldsneytistankar sem geymdir voru í skemmu upp við ruslahaug á Álfsnesi verði fluttir annað eftir helgi. Við lá að illa færi í gær þegar mikill eldur kviknaði í haugnum. Í haugnum var sláturúrgangur sem þakinn hafði verið með garðaúrgangi til að minnka ólykt. Eldurinn teygði sig líka í dekk og netadræsur með tilheyrandi mengun.
09.01.2021 - 12:46
Það þurfti stórtækar vinnuvélar til þess að slökkva eld sem kviknaði á ruslahaugunum í Álfsnesi í morgun. Eldtungurnar sleiktu skemmu þar sem geymd voru fleiri tonn af metanóli og lífdísil.
08.01.2021 - 12:25
Slökkviliðinu á Akureyri hefur tekist að að ráða niðurlögum elds sem kom upp í Glerárskóla í kvöld. Að sögn Ólafs Stefánssonar slökkviliðsstjóra er verið að reykræsta húsið en mikinn reyk leggur enn frá byggingunni.
07.01.2021 - 00:32
Íbúð töluvert skemmd eftir eldsvoða í nótt
Eldur kviknaði í íbúð í fjölbýlishúsi á Ásbrú í Reykjanesbæ í nótt. Tvær manneskjur sem voru í íbúðinni náðu að komast þaðan út. Brunavarnir Suðurnesja fengu tilkynningu um eldinn um klukkan fjögur í nótt.
01.01.2021 - 15:26
Allt tiltækt slökkvilið höfuðborgarsvæðisins var að störfum við Lækjargötu 2a í Reykjavík þar til nú skömmu fyrir fréttir. Mikinn reyk lagði um ganga hússins og út um glugga sem reyndist koma frá þvottavél eða þurrkara í kjallara. Nú er unnið að því að reykræsta húsið. Húsið gereyðilagðist í bruna árið 2007 og var endurbyggt að stærstum hluta.
20.12.2020 - 06:19
Eldur kom upp í vöruskemmu við Kleppsmýrarveg eftir miðnættið. Allt slökkvilið höfuðborgarsvæðisins var kallað að húsinu rétt fyrir klukkan eitt.
19.12.2020 - 01:21
Eldur kom upp í þvottahúsinu Grandþvotti á Akureyri í morgun. Slökkvilið Akureyrar var kallað út rétt upp úr átta og var þá talsverður eldur á afmörkuðum stað í húsinu.
02.12.2020 - 09:03
Segir lukkuna hafa komið í veg fyrir fleiri dauðsföll
Slökkviliðsstjórinn á Akureyri segir lukkuna hafa komið í veg fyrir að manntjón varð ekki í fleiri en einu af þeim fjórum gömlu húsum sem brunnið hafa á Akureyri á rúmu ári. Hann segir mikilvægt að fólk fái aðstoð frá ríkinu við að laga gömul hús.
23.11.2020 - 19:55
Hjónin Guðrún María Björnsdóttir og Jóhann Páll Þorkelsson eru bændur á Snartarstöðum í Lundarreykjadal í Borgarfirði á Vesturlandi. Þau misstu heimili sitt í byrjun júní á þessu ári þegar eldur braust út á efri hæð íbúðarhússins á bænum . Eldurinn kviknaði út frá gamalli spjaldtölvu sem var í hleðslu. Þau hafa orðið að búa í garðkofa með börnin sín þrjú síðan þá með eldunaraðstöðu í gámi á hlaðinu. Þau vonast til að geta loks flutt í nýtt hús á næstunni.
19.11.2020 - 09:30
