Færslur: eimskip

Þór og Lagarfoss komnir langleiðina til lands
Ferð varðskipsins Þórs með Lagarfoss, flutningaskip Eimskips, í togi hefur gengið mun betur en búist við og áætlað er að skipin verði komin til hafnar í Reykjavíkur upp úr klukkan 13 í dag, en áætlað var að þau kæmu á morgun. Lagarfoss varð vélarvana úti á rúmsjó, um 230 sjómílur suðvestur af Garðskaga um hádegisbil á sunnudaginn og viðgerðir um borð báru ekki árangur. Þór lagði af stað til aðstoðar þá um kvöldið.
30.12.2020 - 12:44
Þór og Lagarfoss á leið í land
Varðskipið Þór er nú komið með flutningaskip Eimskips, Lagarfoss, í tog áleiðis til Reykjavíkur. Lagarfoss varð aflvana úti á rúmsjó, um 230 sjómílur suðvestur af Garðskaga um hádegisbil í fyrradag, eftir að aðalvél þess bilaði á siglingu til Kanada. Viðgerðir um borð báru ekki árangur og var því kallað eftir aðstoð varðskipsins sem lagði af stað í fyrrakvöld. Engin hætta stafaði að skipverjum Lagarfoss.
29.12.2020 - 12:22
Þór sækir vélarvana Lagarfoss
Áhöfn varðskipsins Þórs var kölluð út í gærkvöld vegna Lagarfoss, flutningaskips Eimskips, sem varð vélarvana um 230 sjómílur suðvestur af Garðskaga í gær. Búast má við að Þór verði kominn að Lagarfossi í fyrramálið. Aðstæður á staðnum eru góðar og skipverjum er engin hætta búin.
28.12.2020 - 11:16
Tilboð Samherja runnið út án yfirtöku á Eimskipi
Samherji Holding tekur ekki yfir eignarhaldi á Eimskipi. Yfirtökutilboð Samherja á fyrirtækinu rann út í gær og var því tekið af eigendum sem áttu 0.011 prósent af hlutafé Eimskips, í allt hlutafé þess. Þessi prósenta dugir þó ekki til yfirtöku hjá Samherja. Samherji er stærsti eigandi Eimskips og hefur myndast yfirtökuskylda hjá fyrirtækinu í tvígang á þessu ári, en það fékkst undanþága frá þeirri fyrri vegna faraldursins.
09.12.2020 - 12:15
Samherji stefnir á að gera yfirtökutilboð í Eimskip
Félagið Samherji Holding hefur aukið hlut sinn í Eimskipafélaginu og á nú yfir 30 prósent í félaginu. Í tilkynningu Þorsteins Más Baldvinssonar, forstjóra Samherja, til Kauphallarinnar segir að félagið geri yfirtökutilboð til hluthafa Eimskips í samræmi við lög um verðbréfaviðskipti og að Samherji stefni ekki á að skrá félagið úr Kauphöllinni.
21.10.2020 - 13:36
Kastljós
Festa kemur Eimskipi til varnar 
Hrund Gunnsteinsdóttir, framkvæmdastjóri Festu – miðstöðvar um samfélagslega ábyrgð, segist hafa átt fund með forsvarsmönnum Eimskips í dag vegna sölu fyrirtækisins á tveimur skipum í niðurrif á Indlandi. Hún segir að Festa líti málið alvarlegum augum en að Eimskip endurskoði nú samskipti sín við birgja og gangi úr skugga um að mál á borð við þetta komi aldrei fyrir aftur. Hrund var gestur í Kastljósi kvöldsins. 
30.09.2020 - 21:31
Kastljós
Segir málflutning forsvarsmanna Eimskips ótrúverðugan
Það er ekki trúverðugt þegar forsvarsmenn Eimskips halda því fram að þeir hafi ekki vitað að til stæði að rífa tvö fragtskip félagsins á hinni alræmdu indversku Alang-strönd, eins og greint var frá í fréttaskýringaþættinum Kveik fyrir helgi. Þetta segir Baskut Tuncak, sérstakur erindreki mannréttindaráðs Sameinuðu þjóðanna sem hefur það hlutverk að fjalla um áhrif af flutningi hættulegs og mengandi úrgangs til þróunarlanda.
28.09.2020 - 20:15
„Ljótur blettur á alþjóðlegu viðskiptakerfi“
Festa - miðstöð um samfélagsábyrgð, ætlar að kalla eftir upplýsingum frá Eimskip, um niðurrif tveggja gámaflutningaskipa í Asíu. Eimskip er aðildarfélagi Festu. Skipaniðurrif í Alang er ljótur blettur á alþjóðlegu viðskiptakerfi, segir framkvæmdastjóri Festu.
28.09.2020 - 12:37
Ætla að óska eftir skýringum frá Eimskip
Stærstu lífeyrissjóðir landsins ætla að óska eftir skýringum frá stjórnendum Eimskips um meint brot félagsins á lögum um meðhöndlun úrgangs vegna tveggja skipa þess. Stjórnendur Eimskips hafna ásökunum um lögbrot.
25.09.2020 - 19:50
Eimskip hafnar ásökunum um lögbrot
Í tilkynningu sem Eimskip sendi til Kauphallarinnar í dag kemur fram að félagið hafni ásökunum sem fjallað var um í Kveik í gær um brot á lögum um meðhöndlun úrgangs. Þar segir einnig að félagið hafi ekki haft upplýsingar um kæru Umhverfisstofnunar á hendur því fyrr en eftir samtal við stofnunina fyrr í dag og að stofnunin hafi ekki aflað neinna gagna frá Eimskipi vegna málsins.
25.09.2020 - 14:17
Innlent · Umhverfismál · eimskip · Kveikur · Skip · Goðafoss · Laxfoss
Kveikur
Svona losar Eimskipafélagið sig við skip
Eimskipafélag Íslands notaði alræmdan millilið til að komast fram hjá evrópskum reglum og farga tveimur risastórum gámaflutningaskipum á sandströnd við Indland. Hundrað þrjátíu og sjö hafa látist í skipaniðurrifi á ströndinni síðasta áratuginn.
24.09.2020 - 20:00
Myndskeið
Nýtt kaupskip Eimskips skráð í Færeyjum
Nýtt kaupskip Eimskips er skráð í Færeyjum og siglir því undir færeyskum fána. Forstjóri félagsins segir Færeyjar hafa það umfram Ísland að bjóða upp á alþjóðlega skipaskrá. Þá skipti skattaumhverfi máli.
14.07.2020 - 22:48
Vörðu Dettifoss með hnífum prýddum gaddavír 
Áður en nýi Dettifoss kom til hafnar í Reykjavík í gær sigldi skipið um sjóræningjaslóðir á leið sinni til Íslands. Til að verjast sjóránum á þeirri leið var skipið vafið gaddavír. Bragi Björgvinsson, skipstjóri á Dettifossi, segir nánast algilt að þau skip sem sigla um þessar slóðir séu þannig útbúin.
14.07.2020 - 21:24
Nýr Dettifoss lagðist að bryggju
Jómfrúarferð nýs Dettifoss lauk í dag þegar skipið lagði að bryggju í Reykjavíkurhöfn síðdegis. Skipið sigldi úr höfn í Guangzhou í Kína þann 7. maí og siglidi um Suez-skurðinn á leið sinni norður á bóginn.
13.07.2020 - 17:45
Spegillinn
Innflutningur raskast minna en ætla mætti
Stærstu flutningsfyrirtækin á Íslandi, hafa fækkað skipum í rekstri og breytt flutningsleiðum vegna COVID-19. Heildsalar segjast ekki verða varir við skort eða truflanir í innflutningi, hingað komi öll aðföng og matvæli sem hafi verið pöntuð, einu hnökrarnir tengist kannski klósettpappír - en það skrifast ekki á skort heldur aukna eftirspurn. 
08.04.2020 - 15:01
Lítil sem engin röskun orðið á vöruflutningum
Eimskip og Samskip hafa gert tímabundnar breytingar á leiðakerfum sínum og fækkað skipum vegna Covid-19. Icelandair Cargo nýtir farþegaflug til vöruflutninga. Lítil röskun hefur þó orðið á flutningum til og frá landinu.
07.04.2020 - 11:34
Samherji sleppur við yfirtökuskyldu
Fjármálaeftirlit Seðlabankans hefur veitt Samherja Holding undanþágu frá því að gera öðrum hluthöfum í Eimskipafélaginu tilboð í hlutabréf sín í Eimskipi.
31.03.2020 - 19:52
Eimskip losar sig við tvö skip
Eimskip mun í fyrri hluta apríl gera tímabundnar breytingar á gámasiglingakerfi félagsins. Skipum félagsins fækkar um tvö í tengslum við þessar breytingar. Í tilkynningu frá félaginu segir að Goðafossi og Laxfossi verði skilað fyrr en áætlað var. Þannig verði rekstrarkostnaður lækkaður. Eftir breytingarnar verður Eimskip með átta gámaskip.
31.03.2020 - 11:00
Stöðugildum fækkað um 14 hjá Eimskip og TVG-Zimsen
Stöðugildum hjá Eimskip og dótturfélagi þess, TVG-Zimsen, verður fækkað um 14 í kjölfar skipulagsbreytinga sem taka gildi í dag. Að sögn Eddu Rutar Björnsdóttur, markaðs- og samskiptastjóra, verður stöðugildunum fækkað með þeim hætti að ekki verður ráðið í störf fólks sem er að fara á eftirlaun, tímabundnar ráðningar verða ekki framlengdar, auk þess sem nokkrum er sagt upp störfum.
18.02.2020 - 13:18
Samkeppniseftirlitið fær að halda gögnum Eimskips
Samkeppniseftirlitið fær að halda þeim gögnum sem það hefur lagt hald á hjá Eimskipi í tengslum við rannsókn á meintu ólögmætu samráði fyrirtækisins við Samskip.
Geta ekki hlutast til um stjórn Eimskips
Lífeyrissjóðirnir geta ekki sammælst um breytingar í stjórnum fyrirtækja, líkt og formaður VR vill að gert verði í stjórn Eimskips, segja viðmælendur fréttastofu hjá lífeyrissjóðum.
22.11.2019 - 13:13
Galið að Samherji ráði en sjóðir eigi 53% segir Ragnar
Formaður VR gagnrýnir að Samherji stjórni Eimskipi þótt lífeyrissjóðirnir eigi meira en helmingshlut í fyrirtækinu. Þetta sé galin staða, sérstaklega í ljósi þess sem komið hafi fram um meinta vafasama viðskiptahætti Samherja. 
21.11.2019 - 19:56
Bréf í Eimskipum lækka eftir fréttir af Samherja
Hlutabréf í Eimskipum hafa fallð um sjö prósent frá því á mánudag. Kveikur greindi frá því á þriðjudagskvöld að gögn bentu til þess að Samherji hefði mútað hátt settum ráðamönnum í Namibíu og tóku upplýsingar um efni þáttarins að berast í fréttum á mánudag.
14.11.2019 - 12:51
Niðurstaðan vekur furðu
Samkeppniseftirlitið hefur lagt blessun sína yfir samstarfssamning Eimskips og grænlenska ríkisskipafyrirtækisins Royal Arctic Line. Helsti keppinautur Eimskips segir ákvörðunina án fordæma og til þess fallna að styrkja enn frekar markaðsráðandi stöðu Eimskips.
15.09.2019 - 12:29