Færslur: Efnahagsmál og viðskipti

Undirbúa uppbyggingu Latabæjar í Borgarnesi
Nýsköpunarfyrirtækið Upplifunargarðurinn hefur um fjögurra ára skeið skoðað möguleika á uppbyggingu miðstöðvar heilsu og hollustu í anda Latabæjar í Borgarnesi. Þar er ætlunin að rísi matsölustaður, torg og myndver með Latabænum sjálfum inni í húsi.
Hjálparsamtökin Oxfam fagna birtingu Pandora skjalanna
Alþjóðlegu hjálparsamtökin Oxfam, sem berjast gegn fátækt í heiminum, fagna birtingu Pandora skjalanna, tæplega tólf milljóna skjala, sem afhjúpa fjármál og vafasöm viðskipti um 35 fyrrverandi eða núverandi þjóðarleiðtoga.
Pandora skjölin – Fjármál þjóðarleiðtoga opinberuð
Tæplega tólf milljónum skjala hefur verið lekið um áður leynileg fjármál þjóðarleiðtoga, í því sem kallað er Pandora skjölin. Fjöldi skjalanna og innihald þeirra svipar til Panama skjalanna, en Pandora skjölin eru þó nokkuð umfangsmeiri. Breska ríkisútvarpið greinir frá að í skjölunum séu opinberuð vafasöm viðskipti um 35 fyrrum eða núverandi þjóðarleiðtoga, þar á meðal við aflandsfélög í svokölluðum skattaskjólum. Einnig eru í skjölunum gögn um viðskipti um 300 embættismanna.
Sýrlendingar koma Líbanon til hjálpar
Yfirvöld í Sýrlandi hafa gefið út þau vilji aðstoða Líbanönsku þjóðina með því að leyfa flutning eldsneytis og aukins rafmagns til landsins. Líbanon tekst nú á við djúpa efnahagskreppu og er mikill skortur á bæði eldsneyti og rafmagni, en rafmagnslaust er í landinu í allt að tuttugu og tvær klukkustundir á sólarhring. Yfirvöld í Líbanon binda vonir við að hægt verði að flytja eldsneyti frá Egyptalandi og rafmagn frá Jórdaníu með aðstoð Sýrlendinga.
Erlend kortavelta tvöfaldast milli mánaða
Augljós batamerki eru á íslenskri ferðaþjónustu að svo miklu leyti sem erlend kortavelta er vísbending þar um. Erlendri kortaveltu vex hratt ásmegin eftir langvarandi niðursveiflu vegna kórónuveirufaraldursins og mældist aukning hennar á milli apríl og maí 2021 heil 95%. Þetta kemur fram í tilkynningu frá Rannsóknasetri verslunarinnar.
Myndskeið
Um 600 milljóna króna viðskipti með Bitcoin í janúar
Íslendingar versluðu með rafmyntina Bitcoin fyrir um 600 milljónir króna í síðasta mánuði samkvæmt úttekt Rafmyntaráðs. Framkvæmdastjóri ráðsins segir að eftirlit með rafmyntinni hafi aukist verulega á síðustu árum.
18.02.2021 - 19:27
Kveikur
„Kom þarna dálítið mikill go go-tími“
Jón Ásgeir Jóhannesson var einn umsvifamesti athafnamaður landsins fyrir hrun. Fjölskyldufyrirtækið, Baugur, var risafyrirtæki sem fjárfesti víða um heim og átti gríðarlegar eignir. Jón er líka einn umdeildasti maður landsins.
Krónan veiktist minna vegna færri ferðalaga Íslendinga
Íslenska krónan veiktist í fyrra um átta prósent frá árinu áður. Það er þó ekki eins mikið og í fyrri kreppum. Ástæðan er meðal annars sú að ferðalög Íslendinga til útlanda drógust verulega saman.
Sóttvarnir íþyngja síður hér en í flestum OECD-ríkjum
Innlendar sóttvarnir hafa verið minna íþyngjandi hér á landi en í flestum OECD-ríkjum. Þetta er meðal þess sem fram kemur í nýrri lokaskýrslu starfshóps fjármála- og efnahagsráðherra um sóttvarnir og efnahagsbata.
Kastljós
Seðlabankastjóri segist ánægður með stöðu krónunnar
Ásgeir Jónsson seðlabankastjóri segist ánægður með stöðu krónunnar og telur að verðbólga muni hverfa á næsta ári. Nauðsynlegt hafi verið að ná fram vaxtalækkunum og örva nýbyggingar. Seðlabankinn spáir nú meiri efnahagssamdrætti en búist var við í lok sumars. Stýrivextir voru lækkaðir í gær og bankinn boðar kaup á ríkisskuldabréfum til að styðja við þjóðarbúskapinn.  
Myndskeið
Huga þarf að líðan og atvinnutækifærum ungs fólks
Huga þarf sérstaklega að líðan og hagsmunum ungs fólk í kórónuveirufaraldrinum. Þetta sagði Una Hildardóttir, forseti Landssambands ungmennafélaga á fundinum. Tryggja þarf atvinnutækifæri fyrir ungt fólk, þannig mætti sporna við kosnaðarsömum félagslegum afleiðingum til framtíðar. Ólafur Stephensen, framkvæmdastjóri Félags atvinnurekenda, sagði á fundinum að meirihluti eigenda fyrirtækja telji að þau verði enn starfandi að ári. 
Þriðja bylgjan hefur minni áhrif á neyslu en sú fyrsta
Þriðja bylgja heimsfaraldurs kórónuveirunnar virðist hafa minni áhrif á neyslu Íslendinga en sú fyrsta gerði. Neyslan er nú svipuð og var á sama tíma í fyrra en dróst tímabundið saman um tuttugu af hundraði í fyrstu bylgju.
Myndskeið
Fengu milljarða fjármögnun og ætla að fjölga fólki
Íslenska heilbrigðistæknifyrirtækið Sidekick Health fékk nýverið tæplega þriggja milljarða króna fjármögnun frá stórum erlendum sjóðum. Fyrirtækið stefnir á að þrefalda starfsmannahópinn á allra næstu misserum. Forstjórinn segir að þörf fyrir fjarheilbrigðiskerfi sé enn meiri nú þegar heimsfaraldur geisar.
15 hótel opin af 48
15 af þeim 48 hótelum sem eru í eigu fjögurra stærstu hótelkeðja landsins eru opin, þar af eru sjö á höfuðborgarsvæðinu. Á þessum hótelum eru samtals rúmlega 5.000 herbergi en nú eru tæplega 2.200 opin. 
22.10.2020 - 06:51
97% fækkun farþega hjá Icelandair
Heildarfjöldi farþega í millilandaflugi hjá Icelandair var tæplega 12 þúsund í september og dróst saman um 97% á milli ára. Heildarframboð flugs hjá félaginu minnkaði um 96% á milli ára. Fjöldi farþega hjá Air Iceland Connect var tæplega 13 þúsund í september og fækkaði um 52% á milli ára. Flutningastarfsemi félagsins dróst saman um 18% á milli ára.
Ríkisbankarnir tveir eiga yfir 14 prósent í Icelandair
Tveir af þremur stærstu hluthöfum í Icelandair group eru Landsbankinn og Íslandsbanki. Talsverðar breytingar hafa orðið á lista yfir stærstu hluthafa í Icelandair eftir útboðið.
30.09.2020 - 18:41
Spá uppsveiflu ef bóluefni næst fyrir næsta sumar
Náist tök á kórónuveirufaraldrinum má búast við því að íslenskt efnahagslíf taki vel við sér strax á næsta ári. Þetta kemur fram í nýrri þjóðhagsspá Íslandsbanka fyrir árin 2020 til 2022. Bankinn spáir 8,6% samdrætti á þessu ári, en 3,1% hagvexti á því næsta og 4,7% hagvexti árið 2022.
Stjórnendur þeirra stærstu svartsýnir
85% stjórnenda stærstu fyrirtækja landsins telja aðstæður slæmar í atvinnulífinu, matið er lakast í byggingariðnaði en jákvæðast í verslun. Meirihluti stjórnenda telur að ástandið verði enn verra eftir sex mánuði og á það við um flestar atvinnugreinar. Flestir búast við minni hagnaði í ár. Þetta er meðal niðurstaðna könnunar Gallup sem gerð var meðal stjórnenda 400 stærstu fyrirtækja landsins.
Selur í Play fyrir rúma 70 milljarða króna
Fjárfestingafélagið Novator, sem er í eigu kaupsýslumannsins Björgólfs Thors Björgólfssonar, hefur samþykkt kauptilboð í pólska fjarskiptafyrirtækið Play. Kaupandinn er franska fjarskiptafyrirtækið Iliad Group, sem í kjölfarið gerir öðrum hluthöfum yfirtökutilboð. Í tilkynningu frá Novator segir að markaðsvirði hlutafjár Play sé metið á 2,2 milljarða evra. Novator átti 20% í félaginu og hlutur félagsins er því metinn á 440 milljónir evra, eða rúma 70 milljarða íslenskra króna.
21.09.2020 - 14:45
Myndskeið
Virði hluta vanáætlað en óvissan samt „gríðarleg“
Eigið fé Icelandair hefur minnkað um sem nemur 50 milljörðum króna frá áramótum. Greiningarfyrirtæki telur virði hluta í félaginu tvöfalt hærra en útboðsgengið, en óvissan sé mikil. Mikil hagræðing hafi náðst með nýjum kjarasamningum, en samkeppni geti gert félaginu erfitt fyrir að ná þeim tekjum sem það stefnir að.
Þrátefli í kortunum í aðdraganda áttundu lotu viðræðna
Bretland þiggur ekki að verða einhvers konar fylgiríki Evrópusambandsins eftir að samkomulag næst um endanlegt brotthvarf úr sambandinu. Þetta segir David Frost aðalsamningamaður Breta.
Útlánsvextir til fyrirtækja magna niðursveifluna
Niðursveiflan í hagkerfinu hefur magnast með því að útlánsvextir til fyrirtækja hafa ekki lækkað í takt við meginvexti Seðlabankans.
Spegillinn
Harður vetur framundan
Einkaneysla dregst saman, vinnustundum fækkar, og samdráttur landsframleiðslu var sá mesti á öðrum ársfjórðungi sem mælst hefur frá því farið var að mæla hann hér segir Hagstofan. Þessi samdráttur er rúmlega níu prósent og er sprottinn af áhrifum heimsfaraldurs  COVID-19 Katrín Ólafsdóttir hagfræðingur og lektor við Háskólann í Reykjavík segir að engu síður hefðu menn jafnvel búist við að samdrátturinn yrði enn meiri vegna þess hve höggið var þungt sem skall á ferðaþjónustunni hér.
Minni inn- og útflutningur og sjö milljarða afgangur
Sjö milljarða afgangur var á viðskiptajöfnuði við útlönd á öðrum ársfjórðungi, samanborið við 16,7 milljarða afgang ársfjórðunginn á undan. Þetta kemur fram í nýjum tölum frá Seðlabanka Íslands. Þar segir ennfremur að afgangurinn hafi verið rúmlega níu milljörðum minni en á sama ársfjórðungi í fyrra.
Kínverjar og Bandaríkjamenn vilja halda lífi í samningi
Samningamenn Kína og Bandaríkjanna ræddu saman í síma í gær um viðskiptasamning milli ríkjanna. Þeir kveðast sammála um að nauðsynlegt sé mynda þær aðstæður og andrúmsloft sem þurfi halda áfram þar sem frá var horfið fyrr á árinu.