Færslur: Efnahagsmál og atvinnulíf

Mikil óvissa um þróun efnahagsmála
Mikil óvissa ríkir um þróun efnahagsmála hér á landi að mati Alþjóðagjaldeyrissjóðsins og gera má ráð fyrir að það taki ferðaþjónustuna töluverðan tíma að ná fyrri styrk. Ný veiruafbrigði gætu hins vegar haft áhrif á bólusetningar og mögulegt hjarðónæmi.
Breytingarnar „mjög jákvæðar“
Forstjóri Icelandair segir mun minni líkur á að félagið þurfi að draga á lánalínur með ríkisábyrgð ef ferðaþjónustan tekur við sér í sumar. Hann bindur vonir við að leiðakerfið verði gangsett á næstu þremur mánuðum.
Um 12 milljarða lán með ríkisábyrgð vegna rekstrarvanda
Fyrirtæki í ferðaþjónustu nýttu sér helst að taka lán með ríkisábyrgð vegna rekstrarvanda vegna COVID-19 á árinu 2020. Stuðnings- og viðbótarlán eru hluti efnahagsaðgerða stjórnvalda vegna heimsfaraldursins, sem viðskiptabankar geta veitt til 31. maí næstkomandi.
Spá ögn minni hagvexti vegna lægri loðnukvóta
Hagfræðideild Landsbankans gerir nú ráð fyrir örlítið minni hagvexti á árinu 2021 en fyrri spár gerðu ráð fyrir. Því veldur að minni loðnukvóta verður úthlutað en ætlað var í þjóðhagsspá bankans í október síðastliðnum.
Krónan veiktist minna vegna færri ferðalaga Íslendinga
Íslenska krónan veiktist í fyrra um átta prósent frá árinu áður. Það er þó ekki eins mikið og í fyrri kreppum. Ástæðan er meðal annars sú að ferðalög Íslendinga til útlanda drógust verulega saman.
Morgunvaktin
Ísland mun halda í sinn markhóp
Kannanir sýna að kórónuveirufaraldurinn mun hafa lítil áhrif á ferðahegðun fólks þegar það mun fara að ferðast aftur. Ólíklegt er að ráðstefnur muni leggjast af þó að mikil aukning hafi orðið á fjarfundum. Líklegt er að sá hópur, sem hafði hug á að ferðast til Ísland fyrir kórónuveirufaraldurinn, hafi það enn. Þetta segir Jóhannes  Þór Skúlason framkvæmdastjóri Samtaka ferðaþjónustunnar, en hann var gestur Morgunvaktarinnar á Rás eitt í morgun. 
Sóttvarnir íþyngja síður hér en í flestum OECD-ríkjum
Innlendar sóttvarnir hafa verið minna íþyngjandi hér á landi en í flestum OECD-ríkjum. Þetta er meðal þess sem fram kemur í nýrri lokaskýrslu starfshóps fjármála- og efnahagsráðherra um sóttvarnir og efnahagsbata.
Bandaríkjaþing staðfestir björgunarpakka vegna COVID
Mitch McConnell leiðtogi Repúblikana í öldungadeild Bandaríkjaþings segir samþykki beggja flokka liggja fyrir um 900 milljarða dala björgunarpakka vegna fjárhagslegra afleiðinga kórónuveirufaraldursins.
Morgunútvarpið
Segir litla upplýsingagjöf valda óvissu
Skortur á upplýsingagjöf frá stjórnvöldum og sóttvarnayfirvöldum varðandi aðgerðir vegna kórónuveirufaraldursins veldur óvissu hjá fólki og fyrirtækjum. Þetta segir Davíð Þorláksson forstöðumaður samkeppnishæfnisviðs Samtaka atvinnulífsins. 
Myndskeið
„Meira svigrúm hjá mörgum til þess að fara í stór kaup“
Efnahagskreppan hefur enn sem komið er lítil sem engin áhrif haft á fasteignamarkaðinn. Eignir seljast sem aldrei fyrr og verð fer stöðugt hækkandi. Formaður Félags fasteignasala segir að það sé mjög mikið að gera.
Ástralir virðast á leið upp úr kórónuveirukreppunni
Ástralir virðast á leið út úr kórónuveirukreppunni, fyrstu kreppu þarlendis um þrjátíu ára skeið.
Áhyggjur af skömmum lánstíma viðbótar- og stuðningslána
Fjármálafyrirtæki hafa almennt ekki tekið afstöðu til hvort endurfjármagna megi viðbótar- og stuðningslán. Iðulega er afstaða þeirra til endurfjármögnunar neikvæð en eftirlitsnefnd með lánum með ríkisábyrgð hefur í nýrri skýrslu lýst yfir áhyggjum af skömmum endurgreiðslutíma lánanna.
Skerpa ber og skýra skilyrði viðbótar- og stuðningslána
Í nýrri skýrslu eftirlitsnefndar með lánum með ríkisábyrgð segir að talsverður munur sé milli skilyrða og skilmála hinna þriggja lánaflokka viðbótar- og stuðningslána sem sé ekki alltaf augljós. Skilyrði í lögum, reglugerðum og samningum séu ekki eins skýr og æskilegt væri að mati nefndarinnar.
Kastljós
Seðlabankastjóri segist ánægður með stöðu krónunnar
Ásgeir Jónsson seðlabankastjóri segist ánægður með stöðu krónunnar og telur að verðbólga muni hverfa á næsta ári. Nauðsynlegt hafi verið að ná fram vaxtalækkunum og örva nýbyggingar. Seðlabankinn spáir nú meiri efnahagssamdrætti en búist var við í lok sumars. Stýrivextir voru lækkaðir í gær og bankinn boðar kaup á ríkisskuldabréfum til að styðja við þjóðarbúskapinn.  
Þriðja bylgjan hefur minni áhrif á neyslu en sú fyrsta
Þriðja bylgja heimsfaraldurs kórónuveirunnar virðist hafa minni áhrif á neyslu Íslendinga en sú fyrsta gerði. Neyslan er nú svipuð og var á sama tíma í fyrra en dróst tímabundið saman um tuttugu af hundraði í fyrstu bylgju.
Fyrirtækjum að blæða út
Mörgum fyrirtækjum er að blæða út og atvinnulífið þolir núverandi ástand ekki mikið lengur. Þetta segir Halldór Benjamín Þorbergsson framkvæmdastjóri Samtaka atvinnulífsins. Staðan verði afleit takist ekki að koma í veg fyrir aukið atvinnuleysi á næstu mánuðum.
Kaldur vetur framundan á vinnumarkaði
Helstu greinendur telja að erfiður vetur sé framundan á íslenskum vinnumarkaði og atvinnuleysi haldi áfram að aukast. Forstöðumaður hagfræðideildar Landsbankans segir að efnahagsbatinn hefjist í fyrsta lagi að ári.
Líkur aukast að nýju á COVID-björgunarpakka
Líkurnar á að Bandaríkjaþing samþykki björgunarpakka vegna efnahagslegra afleiðinga kórónuveirufaraldursins hafa aukist að nýju.
97% fækkun farþega hjá Icelandair
Heildarfjöldi farþega í millilandaflugi hjá Icelandair var tæplega 12 þúsund í september og dróst saman um 97% á milli ára. Heildarframboð flugs hjá félaginu minnkaði um 96% á milli ára. Fjöldi farþega hjá Air Iceland Connect var tæplega 13 þúsund í september og fækkaði um 52% á milli ára. Flutningastarfsemi félagsins dróst saman um 18% á milli ára.
Spá uppsveiflu ef bóluefni næst fyrir næsta sumar
Náist tök á kórónuveirufaraldrinum má búast við því að íslenskt efnahagslíf taki vel við sér strax á næsta ári. Þetta kemur fram í nýrri þjóðhagsspá Íslandsbanka fyrir árin 2020 til 2022. Bankinn spáir 8,6% samdrætti á þessu ári, en 3,1% hagvexti á því næsta og 4,7% hagvexti árið 2022.
Stjórnendur þeirra stærstu svartsýnir
85% stjórnenda stærstu fyrirtækja landsins telja aðstæður slæmar í atvinnulífinu, matið er lakast í byggingariðnaði en jákvæðast í verslun. Meirihluti stjórnenda telur að ástandið verði enn verra eftir sex mánuði og á það við um flestar atvinnugreinar. Flestir búast við minni hagnaði í ár. Þetta er meðal niðurstaðna könnunar Gallup sem gerð var meðal stjórnenda 400 stærstu fyrirtækja landsins.
Ríkustu 10% eiga 44% eigna á Íslandi
Heildareignir fjölskyldna á Íslandi jukust um 8,6% frá 2018 til 2019, eða úr 6.855 milljörðum króna í 7.442 milljarða króna. Þau 10% sem eiga mest eiga um 44% af heildareignum.
Fjölga þarf leiðum til verðmætasköpunar
Renna þarf styrkari stoðum undir gjaldeyrisöflun þjóðarbúsins. Hagkerfið stendur ekki undir óbreyttum kaupmætti án nýrrar verðmætasköpunar.
Ágreiningur um fjáraukalög í bandaríska þinginu
Hætta er á að loka þurfi bandarískum ríkisstofnunum um miðjan desember leysist ekki ágreiningur um aðstoð við bandaríska bændur. Fulltrúadeild þingsins vinnur nú að gerð viðaukafjáraga sem ætlað sem fjármagna rekstur ríkisins fram yfir miðjan desember.
Myndskeið
Lítil smithætta laðar kvikmyndagerðarmenn til landsins
Erlendir kvikmyndagerðarmenn sækjast eftir því að koma til Íslands, meðal annars vegna þess að hér er tiltölulega öruggt að gera kvikmyndir í faraldrinum. Þetta segir fagstjóri hjá Íslandsstofu. Tvö stór verkefni eru í tökum, og hátt í tíu til viðbótar á teikniborðinu.