Færslur: efnahagsmál

Könnun sýnir bjartsýni Íslendinga til náinnar framtíðar
Íslendingar eru bjartsýnni nú á framtíðarhorfur í atvinnu- og efnahagslífi landsins en þeir voru eftir að kórónuveirufaraldurinn skall á. Þetta byggir á væntingavísitölu Gallups en gildi hennar hafa mælst yfir 100 frá því í nóvember sem þýðir að fleiri séu bjartsýnir en svartsýnir á stöðuna.
Mesta lækkun leiguverðs frá upphafi mælinga
Leiguverð á höfuðborgarsvæðinu lækkaði um 1,5 prósent milli janúar og febrúar og er það mesta lækkun sem mælst hefur milli mánaða síðan í maí á síðasta ári. Þegar horft er til tólf mánaða þróunar sést að leiguverð hefur lækkað um 3,2 prósent sem er mesta lækkun sem hefur sést á því tímabili frá upphafi mælinga Landsbankans. Á sama tíma hefur kaupverð fjölbýlis hækkað. Þetta kemur fram í nýrru hagsjá bankans.
30.03.2021 - 19:12
Telja áhættu ekki hafa aukist í fjármálakerfinu
Fjármálastöðugleikanefnd Seðlabanka Íslands hefur ákveðið að halda sveiflujöfnunarauka á fjármálafyrirtæki, sem eru viðbótarkröfur á eigið fé fyrirtækjanna, óbreyttum í núlli. Að mati nefndarinnar eru ekki komin fram skýr merki um aukningu í sveiflutengdri kerfisáhættu, það er áhættu sem safnast upp yfir tíma í fjármálakerfinu, og þá telur nefndin að enn ríki nokkur óvissa um gæði útlánasafna fjármálafyrirtækja vegna áhrifa farsóttarinnar.
29.03.2021 - 17:30
Kemur til greina að taka verksmiðjuna niður
Mikil óvissa er um niðurstöðu söluferlis kísilverksmiðjunnar í Helguvík. Arion banki hefur fært niður bókfært virði verksmiðjunnar en til greina kemur að taka hana niður.
16.03.2021 - 17:41
Segir hærra endurgreiðsluhlutfall skapa ótal störf
Með einu litlu lagafrumvarpi væri hægt að skapa ótal störf í í ferðaþjónustu, listgeiranum, tónlist, iðngreinum og  tækniþróun sagði Sara Elísa Þórðardóttir varaþingmaður Pírata í sérstakri umræðu um atvinnuleysi og stöðu atvinnuleytenda á Alþingi í dag.
16.03.2021 - 14:59
Verðbólga hjaðnar hægar en gert var ráð fyrir
Aðalhagfræðingur Íslandsbanka segir verðbólgu hjaðna hægar en gert var ráð fyrir og að hún verði ekki komin niður í markmið Seðlabankans fyrr en í árslok. Útlit er fyrir að verðbólga aukist lítillega í mars. Greiningardeild Íslandsbanka spáir því að vísitala neysluverðs hækki um 0,4 prósent í þessum mánuði og að verðbólga aukist úr 4,1 prósenti í 4,2 tvö prósent.
16.03.2021 - 12:32
Fólk eyðir meiru í faraldrinum en spáð var
Einkaneysla á fjórða ársfjórðungi síðasta árs dróst mun minna saman en á fyrsta ársfjórðungi þegar fyrsta bylgja COVID-faraldursins reið yfir. Hún dróst saman um rúm 3 prósent á síðasta ársfjórðungi en um 8,7 prósent á þeim fyrsta.
Um 12 milljarða lán með ríkisábyrgð vegna rekstrarvanda
Fyrirtæki í ferðaþjónustu nýttu sér helst að taka lán með ríkisábyrgð vegna rekstrarvanda vegna COVID-19 á árinu 2020. Stuðnings- og viðbótarlán eru hluti efnahagsaðgerða stjórnvalda vegna heimsfaraldursins, sem viðskiptabankar geta veitt til 31. maí næstkomandi.
Telur markaðinn spenntan yfir mögulegum Pfizer-samningi
Hlutabréf í Icelandair Group hækkuðu um tæpt prósent í gær, 444 fjárfestu í bréfum í félaginu. Sama dag var tilkynnt um að félagið hefði tapað 51 milljarði í fyrra. Aðalhagfræðingur Íslandsbanka telur að viðskiptin tengist hugsanlegum samningi við Pfizer um fjöldabólusetningu í rannsóknarskyni. 
09.02.2021 - 12:58
Loftslagsdæmið
Kýs frekar gott líf en aðeins meiri ávöxtun
„Ég ætla ekki að fara á eftirlaun fyrr en eftir um 25 ár og auðvitað skiptir máli að fá einhverja ávöxtun á peninginn en það skiptir mig miklu meira máli að það verði ennþá siðmenning á Íslandi þegar ég fer á eftirlaun,“ þetta segir Kristján Rúnar Kristjánsson. Bjarni Herrera Þórisson, framkvæmdastjóri ráðgjafarfyrirtækisins Circular solutions, segir að hefðbundnar loftslagsaðgerðir venjulegs fólks blikni í samanburði við í hvaða lífeyrissjóð það greiðir.
Spegillinn
Ekki fasteignasala að skipta sér af óleyfisbúsetu
Í nýrri skýrslu vinnuhóps húsnæðis- og mannvirkjastofnunar er lagt til að fólki verði leyft að skrá aðsetur í atvinnuhúsnæði. Fasteignasali sem selur og leigir meðal annars íbúðir í atvinnuhúsnæði telur að það væri skref í rétta átt. Staða fólks sem leigir atvinnuhúsnæði sé oft erfið.
Starfsmenn Geysisbúða fengu hluta launa greiddan
Öllum starfsmönnum Geysis-fataverslanana hefur verið sagt upp störfum og búðunum lokað. Starfsfólk fékk einungis hluta launa sinna fyrir janúarmánuð greiddan. 
02.02.2021 - 18:59
Telur vantraust eftir bankahrun enn ríkjandi
Forsætisráðherra telur að upplifun almennings af spillingu hafi beðið það mikinn hnekki í hruninu að enn sé ekki búið að byggja upp traust á ný að fullu. 
31.01.2021 - 13:20
Hefur á tilfinningunni að umsóknin rati neðar í bunkann
Kona af pólskum uppruna, sækir um fjölda starfa á mánuði án árangurs. Hún hefur á tilfinningunni að umsóknir frá fólki með erlend nöfn rati neðarlega í bunka atvinnurekenda. Pólskur maður sem missti vinnuna í faraldrinum segir fólk reyna að lifa spart. 
Spá ögn minni hagvexti vegna lægri loðnukvóta
Hagfræðideild Landsbankans gerir nú ráð fyrir örlítið minni hagvexti á árinu 2021 en fyrri spár gerðu ráð fyrir. Því veldur að minni loðnukvóta verður úthlutað en ætlað var í þjóðhagsspá bankans í október síðastliðnum.
Telur kreppuna ekki hafa skaðað hagkerfið mikið
Aðalhagfræðingur Íslandsbanka vonar að í sögubókum verði kórónuveirukreppunnar minnst sem stystu efnahagsdýfu í sögu landsins. Í nýrri þjóðhagsspá bankans er því spáð að hagur fari að vænkast á þessu ári. Efnahagsbatinn ráðist þó að miklu leyti af því hversu hratt og vel ferðaþjónustan nær vopnum sínum. 
27.01.2021 - 12:37
Sóttvarnir íþyngja síður hér en í flestum OECD-ríkjum
Innlendar sóttvarnir hafa verið minna íþyngjandi hér á landi en í flestum OECD-ríkjum. Þetta er meðal þess sem fram kemur í nýrri lokaskýrslu starfshóps fjármála- og efnahagsráðherra um sóttvarnir og efnahagsbata.
„Árið 2020 var hroðalegt, erfitt og krafðist úthalds“
Fyrir ári síðan gat fólk ekki ímyndað sér lokuð landamæri og draugalegar flugstöðvarbyggingar, raðir af rútum sem teknar höfðu verið af númerum, mannlausa ferðamannastaði, bílskúrsútilegur. Ferðaþjónustan varð fyrir roknahöggi árið 2020. En hvernig verður árið 2021? Um það ríkir óvissa. Spegilinn gerði upp ferðaþjónustuárið með Bjarnheiði Hallsdóttur, formanni Samtaka ferðaþjónustunnar.
Viðskiptasamningur undirritaður í dag
Ursula von der Leyen forseti framkvæmdastjórnar Evrópusambandsins og Charles Michel forseti leiðtogaráðs sambandsins undirrita 1246 blaðsíðna viðskipta- og samvinnusamning við Bretland klukkan hálf níu í dag.
Bandaríkjaþing staðfestir björgunarpakka vegna COVID
Mitch McConnell leiðtogi Repúblikana í öldungadeild Bandaríkjaþings segir samþykki beggja flokka liggja fyrir um 900 milljarða dala björgunarpakka vegna fjárhagslegra afleiðinga kórónuveirufaraldursins.
Enn er uppgreiðslugjald lána dæmt ólögmætt
Héraðsdómur Reykjavíkur féllst í gær á kröfu hjóna um að ÍL-sjóður, sem áður hét Íbúðalánasjóður, endurgreiddi þeim rúmlega 2,7 milljónir króna, auk dráttarvaxta og málskostnaðar. Dómurinn er vegna ólöglegs gjalds sem Íbúðalánasjóður innheimti við uppgreiðslu íbúðaláns hjónanna í desember 2019.
Stjórnvöld mögulega of værukær gagnvart mútubrotum
Verðandi framkvæmdastjóri Íslandsdeildar Transparency International segir að skýrsla OECD um mútubrot sýni að stjórnvöld hér á landi hafi verið værukær gagnvart þessum málaflokki. Skýrsluhöfundar telja að íslensk stjórnvöld hafi vanmetið hættuna af slíkum brotum.
Hagvöxtur á þriðja ársfjórðungi á Nýja-Sjálandi
Efnahagsbati er hafinn á Nýja-Sjálandi en hagvöxtur í landinu mældist fjórtán af hundraði á tímabilinu frá júlí fram í september. Þetta sýna opinberar tölur sem birtar voru í dag.
17.12.2020 - 01:36
Útgöngubanni linnir á Englandi en strangar reglur gilda
Á morgun, miðvikudag, linnir fjögurra vikna útgöngubanni á Englandi sem var fyrirskipað til að hamla frekari útbreiðslu kórónuveirunnar í landinu.
Bankinn þurft að herða ólina
Bankastjóri Landsbankans segir að hækka hafi þurft vexti á húsnæðislánum til að bregðast við auknum fjármagnskostnaði. Hún segir að bankinn hafi á síðustu misserum þurft að herða ólina og reka sig á lægri vaxtamun en áður.
20.11.2020 - 00:34