Færslur: Efnahagslíf

Úkraínumönnum boðin greiðsla fyrir bólusetningu
Úkraínumönnum verður boðin greiðsla fyrir að þiggja seinni bólusetningu gegn COVID-19. Þetta kemur fram í máli Volodymyr Zelensky forseta landsins. Lágt hlutfall landsmanna telst fullbólusett en faraldurinn geisar þar af miklum krafti.
Hæsta dánartíðni heims af völdum COVID-19 í Perú
Yfir 200 þúsund eru nú látin af völdum kórónuveirunnar í Suður-Ameríkuríkinu Perú. Hvergi í heiminum er dánartíðni af völdum COVID-19 hærri en þar í landi.
Auknum hagvexti spáð vegna loðnuveiðiráðlegginga Hafró
Mikil gleði ríkir í útgerðarbæjum vegna ráðlegginga Hafrannsóknastofnunar um veiðar á allt að 904.200 tonnum af loðnu á komandi vertíð. Hagfræðingur spáir auknum hagvexti í kjölfarið.
Bankarnir búa sig undir stýrivaxtahækkun
Hagfræðideild Landsbankans spáir 0,25 prósenta stýrivaxtahækkun í október. Greiningardeild Íslandsbanka spáði sömu hækkun í gær.
01.10.2021 - 10:33
Hagvöxtur í Ástralíu þrátt fyrir ótta um annað
Hagvöxtur í Ástralíu á öðrum ársfjórðungi er meiri áætlað var. Það dregur úr áhyggjum af tvöfaldri efnahagslægð vegna þeirrar bylgju kórónuveirufaraldursins sem nú gengur yfir.
Ríkið greiðir Sigurjóni Árnasyni 1,8 milljónir í bætur
Mannréttindadómstóll Evrópu felldi í morgun niður mál fimm Íslendinga þar sem sátt náðist milli þeirra og íslenska ríkisins í fyrra. Ríkið hefur viðurkennt að fimmmenningarnir hafi ekki fengið réttláta málsmeðferð fyrir dómi og greitt hverjum þeirra 1,8 milljónir króna í bætur.
04.03.2021 - 10:23
Myndskeið
Segir að ræða þurfi áhrif launabreytinga á verðbólguna
Fjármálaráðherra segir að ræða þurfi af fullri alvöru hvaða áhrif launahækkanir hafi haft á verðbólgu að undanförnu. Hann segir mikil vonbrigði að hlutur húsnæðis aukist þrátt fyrir aðgerðir stjórnvalda.
26.02.2021 - 19:51
Víðtæk bólusetning getur dregið úr ótta við ferðalög
Víðtæk og trygg bólusetning er talin geta orðið til að draga úr þeim ótta við flugferðir og ferðalög sem vart hefur orðið í faraldrinum. Þetta kemur fram í nýrri lokaskýrslu starfshóps fjármála- og efnahagsráðherra um sóttvarnir og efnahagsbata. Enn sé þó óvíst hvort nægilega hratt gangi að bólusetja fólk til að ferðaþjónustan fái næga viðspyrnu á komandi sumri.
Spegillinn
Vesturlönd beita sömu efnahagsaðgerðum
Ríkissjóðir vestrænna þjóða dæla fjármagni út í laskað hagkerfi í COVID-19 faraldrinum.  Slík hagfræði hefur löngum verið kennd við John Maynard Keynes, en kenningar hans hafa um áratugaskeið verið uppspretta deilna um hlutverk ríkisins í atvinnulífinu.
Ríkustu 5% áttu 40% af öllu eigin fé
242 fjölskyldur, sem eru það 0,1% framteljenda sem mest áttu í lok síðasta árs, áttu tæp 6% af eigin fé allra framteljenda og 4% allra heildareigna. Ríkustu 5% áttu 40,1% af öllu því fé sem talið var fram. Hagur þeirra Íslendinga sem mest eiga hefur vænkast talsvert frá árinu 1998.
Aðgerðir og úrræði þurfa að virka þvert á greinar
Konráð S. Guðjónsson aðstoðarframkvæmdastjóri Viðskiptaráðs segir að ef tryggja eigi að atvinnulífið nái kröftugri viðspyrnu þegar bóluefni nær útbreiðslu þurfi aðgerðir og úrræði að virka þvert á atvinnugreinar.
04.12.2020 - 05:24
Kastljós
Seðlabankastjóri segist ánægður með stöðu krónunnar
Ásgeir Jónsson seðlabankastjóri segist ánægður með stöðu krónunnar og telur að verðbólga muni hverfa á næsta ári. Nauðsynlegt hafi verið að ná fram vaxtalækkunum og örva nýbyggingar. Seðlabankinn spáir nú meiri efnahagssamdrætti en búist var við í lok sumars. Stýrivextir voru lækkaðir í gær og bankinn boðar kaup á ríkisskuldabréfum til að styðja við þjóðarbúskapinn.  
Þriðja bylgjan hefur minni áhrif á neyslu en sú fyrsta
Þriðja bylgja heimsfaraldurs kórónuveirunnar virðist hafa minni áhrif á neyslu Íslendinga en sú fyrsta gerði. Neyslan er nú svipuð og var á sama tíma í fyrra en dróst tímabundið saman um tuttugu af hundraði í fyrstu bylgju.
Færeyska flugfélagið fær fé úr landssjóði
Ríkisrekna færeyska flugfélagið Atlantic Airways fær 100 milljónir danskra króna eða sem nemur 2,2 milljörðum íslenskra króna innspýtingu frá landsstjórninni. Sömuleiðis verður aukið fé lagt til flugvallarins í Vogum og Strandfararskipa landsins.
26.10.2020 - 02:42
Samdráttur á flestum sviðum en bjartara framundan
Einn mesti samdráttur landsframleiðslu á Íslandi í heila öld blasir við á árinu 2020. Horfur eru á að landsframleiðslan dragist saman um allt að 7,6%. Atvinnuleysi er í sögulegu hámarki og getur átt eftir að aukast. Verðbólga ársins mælist um 2,8%.
Myndskeið
Sammála um að sameiginlegra viðbragða sé þörf
„Ekkert að frétta, bara allir glaðir,“ sagði Katrín Jakobsdóttir forsætisráðherra eftir fund formanna ríkisstjórnarflokkanna með fulltrúum Samtaka atvinnulífsins í Ráðherrabústaðnum. Fundinum lauk á sjöunda tímanum, en þetta var í annað skiptið sem þessir aðilar funduðu í dag um þá stöðu sem upp er komin í kjaramálum, en SA telur forsendur Lífskjarasamningsins brostnar.
Stjórnendur þeirra stærstu svartsýnir
85% stjórnenda stærstu fyrirtækja landsins telja aðstæður slæmar í atvinnulífinu, matið er lakast í byggingariðnaði en jákvæðast í verslun. Meirihluti stjórnenda telur að ástandið verði enn verra eftir sex mánuði og á það við um flestar atvinnugreinar. Flestir búast við minni hagnaði í ár. Þetta er meðal niðurstaðna könnunar Gallup sem gerð var meðal stjórnenda 400 stærstu fyrirtækja landsins.
Ríkustu 10% eiga 44% eigna á Íslandi
Heildareignir fjölskyldna á Íslandi jukust um 8,6% frá 2018 til 2019, eða úr 6.855 milljörðum króna í 7.442 milljarða króna. Þau 10% sem eiga mest eiga um 44% af heildareignum.
Fjölga þarf leiðum til verðmætasköpunar
Renna þarf styrkari stoðum undir gjaldeyrisöflun þjóðarbúsins. Hagkerfið stendur ekki undir óbreyttum kaupmætti án nýrrar verðmætasköpunar.
Viðtal
Veturinn gæti orðið erfiður
Komandi vetur gæti mögulega orðið erfiður efnahagslega en brugðist verður við samdrættinum af öllum mætti, segir Ásgeir Jónsson, Seðlabankastjóri. „Það verða vandamál sem bíða en ég trúi því að við getum leyst þau,“ sagði hann í viðtali í Kastljósi í kvöld.
Vísitala neysluverðs hækkaði óvænt á milli mánaða
Vísitala neysluverðs hækkaði um 0,15% á milli mánaða, en spáð hafði verið að hún myndi lækka. Verðbólga í júlí er 3%, en var 2,6% í júní og áhrif af sumarútsölum voru minni en ráð var gert fyrir. Þetta kemur fram í Hagsjá Hagfræðideildar Landsbankans.
24.07.2020 - 14:36
Býst ekki við verðbólgu þrátt fyrir veikari krónu
Ásgeir Jónsson seðlabankastjóri segir ekkert benda til þess að verðbólga láti á sér kræla í bráð. Í viðtali í Morgunblaðinu segir hann að samdráttur í hagkerfinu í haust muni halda aftur af verðhækkunum. Verðbólgan hafi verið undir markmiðum Seðlabankans í mars þegar gengið tók að veikjast og hún hafi fylgt markmiðum bankans og verið um 2,5 prósent á fyrri helmingi ársins.
17.07.2020 - 08:49