Færslur: dómstólar

Áfrýjunardómstóll dæmir í fjársvikamáli Fillons
Áfrýjunardómstóll ákveður í dag hvort fangelsisdómur yfir François Fillon, fyrrverandi forsætisráðherra Frakklands, verður staðfestur. Árið 2020 var hann á lægra dómstigi dæmdur til fimm ára fangavistar fyrir að misfara með opinbert fé.
Pólverjar skulda Evrópusambandinu 160 milljónir evra
Pólland skuldar Evrópusambandinu 160 milljónir evra í sektir vegna tregðu þarlendra stjórnvalda við að fella úr gildi umdeild lög um breytingar á dómskerfinu. Sektarfjárhæðin verður dregin frá greiðslum sambandsins til Póllands.
Vöruðu Alþingi við afnámi leyfisveitinga og trygginga
Félag íslenskra bifreiðaeigenda og Bílgreinasambandið vöruðu Alþingi við því að fella niður skilyrði um leyfisveitingu og starfsábyrgðartryggingu fyrir sölu notaðra bíla. Það gæti leitt af sér að sviksamlegt athæfi færðist í aukana.
Dæmd í sjö ára fangelsi fyrir að villa á sér heimildir
Kanadísk kona var í gær dæmd til sjö ára fangelsisvistar fyrir að villa á sér heimildir og þykjast vera hjúkrunarfræðingur áratugum saman. Sömuleiðis brá hún sér í gervi fleiri sérfræðinga og notaði til þess fölsuð persónuskilríki.
Ástralir leggjast ekki gegn framsali Assanges
Áströlsk stjórnvöld leggjast ekki gegn því að Julian Assange, stofnandi Wikileaks, verði framseldur til Bandaríkjanna. Fjármálaráðherra Ástralíu kveðst hafa fulla trú á bresku réttarkerfi.
Duda hyggst leita réttar Pólverja vegna Katyn
Andrzej Duda forseti Póllands greindi frá því í dag að Pólverjar hygðust leita réttar síns vegna fjöldamorðanna í Katyn-skógi í apríl 1940. Þá myrtu sovéskar sveitir 22 þúsund Pólverja að skipun Jósefs Stalín.
Karl Gauti kærir lögregluna á Vesturlandi
Karl Gauti Hjaltason hefur kært lögreglustjórann á Vesturlandi til ríkissaksóknara fyrir að hætta rannsókn á hendur yfirkjörstjórn á Vesturlandi vegna talningar atkvæða í Borgarnesi að loknum alþingiskosningum í haust.
Ber ekki að vernda börn fyrir loftslagsbreytin
Dómstóll í Ástralíu hefur komist að þeirri niðurstöðu að umhverfisráðherra landsins beri ekki skylda til að vernda börn fyrir neikvæðum áhrifum loftslagsbreytinga. Með því er snúið við tímamótadómi frá því fyrir tveimur árum.
Djokovic gert að yfirgefa Ástralíu
Dómstóll í Ástralíu staðfesti ákvörðun þarlendra stjórnvalda um að ógilda vegabréfsáritun serbneska tennisleikarans Novaks Djokovic og er honum því skylt að yfirgefa landið umsvifalaust. Djokovic segir að hann virði niðurstöðu dómstólsins en að hún valdi honum gríðarlegum vonbrigðum.
Saknæmt að hvetja til minningarathafnar um Tiananmen
Dómstóll í Hong Kong felldi í gær dóm yfir lýðræðissinnaum Chow Hang-tung fyrir að hvetja til að haldin yrði minningarathöfn um mótmælin sem voru brotin á bak aftur á Tiananmen, Torgi hins himneska friðar, í Peking í Kína árið 1989.
04.01.2022 - 06:21
Stofnandi Theranos sakfelld fyrir fjársvik
Elizabeth Holmes, stofnandi bandaríska tæknifyrirtækisins Theranos, var í dag sakfelld fyrir svik í garð fjárfesta. Kviðdómur sýknaði hana af nokkrum ákæruliðunum, sem voru tólf talsins, og komst ekki að samkomulagi um niðurstöðu í öðrum.
Krefjast lífstíðardóms vegna árásinnar á flug MH17
Saksóknarar í Hollandi krefjast lífstíðardóms yfir fjórum mönnum sem sakaðir eru um að bera ábyrgð á því að farþegaþota Malasaya Airlines var skotin niður yfir Úkraínu árið 2014.
22.12.2021 - 13:45
Fimm ára fangelsisdómur fyrir árásina á þinghúsið
Dómstóll í Flórídaríki í Bandaríkjunum hefur dæmt stuðningsmann Donalds Trump fyrrverandi forseta til meira en fimm ára fangelsisvistar fyrir aðild að þinghúsárásinni 6. janúar síðastliðinn og ofbeldi gegn lögreglumönnum.
Skyldubóluefnaáætlun Bidens úrskurðuð lögleg
Sjötti alríkisáfrýjunardómstóll í Bandaríkjunum úrskurðaði í dag að áfram skyldi haldið með skyldubólusetningaráætlun Biden stjórnarinnar. Líklegt þykir að niðurstöðunni verði áfrýjað til Hæstaréttar Bandaríkjanna.
Sænskur liðsmaður ISIS missir forræði yfir börnum sínum
Sænsk kona á fertugsaldri sem var liðsmaður hryðjuverkasamtakanna sem kenna sig við íslamskt ríki hefur misst forræði yfir börnum sínum. Konan sætir ákæru fyrir aðild sína að stríðsglæpum.
06.12.2021 - 00:22
Álasað fyrir endurupptöku stefnu varðandi flóttafólk
Joe Biden Bandaríkjaforseti liggur nú undir þungu ámæli eftir að hann ákvað að endurlífga þá stefnu forvera síns að hælisleitendum skuli gert að bíða í Mexíkó meðan unnið er úr umsóknum þeirra.
MeToo hreyfingin á undir högg að sækja í Kína
MeToo hreyfingin í Kína hefur mátt þola mikla ritskoðun en réttarkerfið þar í landi leggur þungar byrðar á þolendur kynferðisbrota. Femínistar eru ofsóttir og fangelsaðir.
20.11.2021 - 04:15
Málshöfðunum gegn Travis Scott fjölgar sífellt
Bandaríski rapparinn Travis Scott á yfir höfði sér fjölda málshöfðana eftir að átta fórust og tugir slösuðust alvarlega á tónleikum hans í Houstonborg í Texas síðastliðinn föstudag.
09.11.2021 - 04:11
Höfðar einkamál gegn Scott og öðrum tengdum tónleikunum
Lögmannsstofa í Texasríki í Bandaríkjunum hefur höfðað mál gegn bandaríska rapparanum Travis Scott og þeim kanadíska Drake fyrir að hvetja til upplausnar á tónleikum í Houstonborg á föstudagskvöld.
08.11.2021 - 03:23
Fjöldafundir í Póllandi vegna áframhaldi aðildar að ESB
Þúsundir Pólverja flykktust út á götur bæja og borga í dag til þess að láta í ljós vilja sinn til áframhaldandi veru landsins innan Evrópusambandsins. Forsætisráðherra landsins segir það eiga heima meðal ríkja sambandsins.
Flugumaður lögreglu braut mannréttindi aðgerðasinna
Þrír dómarar við breskan dómstól segja Lundúnalögregluna hafa brotið mannréttindi aðgerðasinna sem var blekkt til að eiga í langvinnu ástarsambandi við mann sem reyndist vera útsendari lögreglunnar.
Sautján ára brotaþola gert að mæta fyrir dóm
Landsréttur staðfesti í gær dóm héraðsdóms um að brotaþoli í kynferðisbrotamáli þurfi að bera vitni í aðalmeðferð málsins. Brotaþoli var þrettán ára þegar meint brot áttu sér stað og hafði þegar gefið tvær skýrslur fyrir dómi um brotin, sem teknar voru upp á myndband. Hún vísaði í meginreglu um að hlífa börnum við óþarfa upprifjun á atburði sem geti valdið þeim þjáningum. Réttargæslumaður brotaþola sagði að krafan um að mæta aftur fyrir dóm myndi tefja fyrir bata hennar og væri mjög þungbær.
Fátíður viðsnúningur í Landsrétti
Lögmaður manns sem sýknaður var af ákæru um manndráp í Landsrétti segir vel koma til greina að skjólstæðingur hans höfði skaðabótamál gegn ríkinu. Saksóknari segir niðurstöðuna koma á óvart en telur ólíklegt að sótt verði um áfrýjunarleyfi til Hæstaréttar.
Persónuvernd skoðar nafnbirtingar á vefsíðum dómstóla
Hæstiréttur birti dag nauðgunardóm þar sem nafn fórnarlambsins, ungrar stúlku, hafði ekki verið afmáð. Helga Þórisdóttir, forstjóri Persónuverndar, segir Persónuvernd hafa óskað eftir upplýsingum frá dómstólunum um birtingu persónuupplýsinga í dómsúrlausnum.
Grunur um stórfelld skattalagabrot tengd Airbnb
Grunur er uppi um stórfelld skattalagabrot Íslendinga samkvæmt gögnum frá Airbnb sem skattrannsóknarstjóri hefur aflað. Brotin eru að mati sett skattrannsóknarstjóra það alvarleg að sektir eða fangelsisdómur gætu legið við þeim.