Færslur: dómstólar

Fjöldafundir í Póllandi vegna áframhaldi aðildar að ESB
Þúsundir Pólverja flykktust út á götur bæja og borga í dag til þess að láta í ljós vilja sinn til áframhaldandi veru landsins innan Evrópusambandsins. Forsætisráðherra landsins segir það eiga heima meðal ríkja sambandsins.
Flugumaður lögreglu braut mannréttindi aðgerðasinna
Þrír dómarar við breskan dómstól segja Lundúnalögregluna hafa brotið mannréttindi aðgerðasinna sem var blekkt til að eiga í langvinnu ástarsambandi við mann sem reyndist vera útsendari lögreglunnar.
Sautján ára brotaþola gert að mæta fyrir dóm
Landsréttur staðfesti í gær dóm héraðsdóms um að brotaþoli í kynferðisbrotamáli þurfi að bera vitni í aðalmeðferð málsins. Brotaþoli var þrettán ára þegar meint brot áttu sér stað og hafði þegar gefið tvær skýrslur fyrir dómi um brotin, sem teknar voru upp á myndband. Hún vísaði í meginreglu um að hlífa börnum við óþarfa upprifjun á atburði sem geti valdið þeim þjáningum. Réttargæslumaður brotaþola sagði að krafan um að mæta aftur fyrir dóm myndi tefja fyrir bata hennar og væri mjög þungbær.
Fátíður viðsnúningur í Landsrétti
Lögmaður manns sem sýknaður var af ákæru um manndráp í Landsrétti segir vel koma til greina að skjólstæðingur hans höfði skaðabótamál gegn ríkinu. Saksóknari segir niðurstöðuna koma á óvart en telur ólíklegt að sótt verði um áfrýjunarleyfi til Hæstaréttar.
Persónuvernd skoðar nafnbirtingar á vefsíðum dómstóla
Hæstiréttur birti dag nauðgunardóm þar sem nafn fórnarlambsins, ungrar stúlku, hafði ekki verið afmáð. Helga Þórisdóttir, forstjóri Persónuverndar, segir Persónuvernd hafa óskað eftir upplýsingum frá dómstólunum um birtingu persónuupplýsinga í dómsúrlausnum.
Grunur um stórfelld skattalagabrot tengd Airbnb
Grunur er uppi um stórfelld skattalagabrot Íslendinga samkvæmt gögnum frá Airbnb sem skattrannsóknarstjóri hefur aflað. Brotin eru að mati sett skattrannsóknarstjóra það alvarleg að sektir eða fangelsisdómur gætu legið við þeim.
Þrjú neita sök í Rauðagerðismáli
Þrír af fjórum sakborningum í Rauðagerðismálinu neita að hafa átt þátt í morðinu á Armando Bequiri. Angelin Sterkaj lýsti því yfir við þingfestinguna að hann hafi framið morðið einn síns liðs.
Skilorðsbundinn dómur fyrir manndráp af gáleysi
Héraðsdómur Reykjaness dæmdi þrjá menn í skilorðsbundið fangelsi fyrir manndráp af gáleysi, síðastliðinn fimmtudag. Þeir voru ákærðir fyrir að hafa orðið vinnufélaga sínum í Plastgerð Suðurnesja, að bana í júlí 2017.
Myndskeið
Skaðabótalögin eiga að vernda embættismenn
Skaðabótalögin eiga að koma í veg fyrir að mál séu höfðuð gegn einstaka starfsmönnum og embættismönnum stofnana. Þetta segir sérfræðingur í vinnurétti. Atvinnurekendur séu almennt ábyrgir fyrir tjóni sem starfsmenn valda.
Umboðsmanni mannréttinda í Póllandi gert að hætta
Stjórnlagadómstóllinn í Póllandi hefur úrskurðað að Adam Bodnar, umboðsmaður mannréttindamála í Póllandi, skuli láta af embætti. Framkvæmdastjórn ESB segist hafa áhyggjur af málinu og fylgjast grannt með.
15.04.2021 - 16:45
Aðgerðum ber að vera löglegar, gegnsæjar og tímabundnar
Berglind Svavarsdóttir formaður Lögmannafélags Íslands segir viðbrögð heilbrigðisyfirvalda og aðila innan heilbrigðiskerfisins við niðurstöðu Héraðsdóms Reykjavíkur um að lagastoð skorti fyrir reglugerð um dvöl fólks frá áhættusvæðum í sóttkvíarhóteli, hafa um margt verið sérstök og umræðan þeim ekki til framdráttar.
Óvarlegar fullyrðingar um dóma grafa undan réttarríkinu
Stjórn Dómarafélags Íslands kveður það vera hlutverk sjálfstæðra dómstóla í réttarríki að hafa eftirlit með því að stjórnvöld virði þá skyldu sína að lagaheimild þurfi til að skerða frelsi borgaranna. Óvarlegar fullyrðingar um niðurstöðu dómstóla geti grafið undan stoðum réttarríkisins.
Jón Steinar hættur í sakamálaverkefni dómsmálaráðherra
Jón Steinar Gunnlaugsson, fyrrverandi hæstaréttardómari, segir í samtali við fréttastofu að verkefnið að stytta málsmeðferðartíma sakamála sé þýðingarmeira en svo að hann láti tilefnislausar árásir nokkurra spilla fyrir því. 
Leggja til afnám undanþágu hjúskapar yngri en átján ára
Breytingar varðandi undanþáguheimild vegna lágmarksaldurs til þess að stofna til hjúskapar og á könnun hjónavígsluskilyrða eru meðal þess sem lagt er til í frumvarpi til laga um breytingu á hjúskaparlögum.
Aðgengi almennings að opinberum skjölum staðfest
Ísland hefur nú staðfest samning Evrópuráðsins um aðgang að opinberum skjölum, kenndan við Tromsö í Noregi. Þeim ríkjum sem staðfesta hann ber að virða samræmdar lágmarksreglur um upplýsingarétt almennings.
Dæmdur í 30 daga fangelsi fyrir líkamsárás
Karlmaður á Akureyri hefur í Héraðsdómi Norðurlands eystra verði dæmdur í 30 daga fangelsi fyrir að ráðast á barnsmóður sína. Þá skal hann greiða konunni 300 þúsund krónur í miskabætur.
Höfnuðu kröfu um vald Pence til ógildingar atkvæða
Áfrýjunardómstóll í Bandaríkjunum ákvað í gær að hafna kröfu Louie Gohmert þingmanns Repúblikana og ákveðins stuðningsmanns Donalds Trump forseta um að staðfesta vald Mike Pence varaforseta til að ógilda niðurstöður forsetakosninganna.
Fréttaskýring
Um 30 beiðnir til dómstóla um nafnleynd í birtum dómum
Hæstarétti hafa borist 16 beiðnir um að afmá nöfn úr dómum á grundvelli nýrra reglna um persónuvernd. Landsrétti hafa borist tvær slíkar beiðnir og alls hafa um eða yfir tíu beiðnir borist til héraðsdómstólanna. Héraðsdómar Reykjavíkur, Reykjaness og Austurlands halda ekki utan um fjöldann. Mjög misjafnt er hvernig dómstólar sinna birtingu persónuupplýsinga í dómum á netinu. Persónuvernd hefur fengið þó nokkrar tilkynningar um misbresti.
Dómstólasýslan fjallar um mál Jóns Finnbjörnssonar
Sigurður Tómas Magnússon, hæstarréttardómari og formaður dómstólasýslunnar, segir stöðu Landsréttardómarans Jóns Finnbjörnssonar verða tekna til skoðunar á næsta fundi dómstólasýslunnar, að því marki sem úrlausn þess snúi að hlutverki hennar. 
Mikilvægt að vernda sjálfstæði dómstóla
Formaður Dómarafélags Íslands segir að niðurstaða Mannréttindadómstólsins í Landsréttarmálinu feli í sér skýr skilaboð um mikilvægi þess að vernda sjálfstæði dómstóla. Þetta kunni að hafa áhrif til framtíðar þegar upp komi vafamál varðandi skipan dómara.
Páll Sverrisson fékk bætur og afsökunarbeiðni
Páll Sverrisson segist hafa fengið milljónir greiddar úr ríkissjóði. Árið 2018 komst ríkislögmaður að þeirri niðurstöðu að þrír dómstólar væru bótaskyldir vegna birtinga á viðkvæmum persónuupplýsingum um hann. Auk þess fékk Páll skriflega afsökunarbeiðni frá Áslaugu Örnu Sigurbjörnsdóttur dómsmálaráðherra.
Sautján vilja setjast í Endurupptökudóm
Sautján sækja um embætti tveggja dómenda og tveggja varadómenda við Endurupptökudóm. Dómurinn er sérdómstóll sem tekur til starfa 1. desember næstkomandi og leysir endurupptökunefnd af hólmi.
Harkalegt að segja að engar bætur hefðu fengist án laga
Aðalmeðferðir í málum Kristjáns Viðars Júlíussonar og dánarbús Tryggva Rúnars Leifssonar, tveggja þeirra fimm sem sýknaðir voru í Guðmundar- og Geirfinnsmálinu í Hæstarétti haustið 2018, fóru fram fyrir Héraðsdómi Reykjavíkur í morgun.
Halldóra og Ingi dómarar við Héraðsdóm Reykjaness
Dómsmálaráðherra hefur skipað Halldóru Þorsteinsdóttur og Inga Tryggvason dómara við Héraðsdóm Reykjaness. Halldóra tók við embættinu 1. ágúst en Ingi tekur við 31. ágúst.
04.08.2020 - 12:21
Burger King má grilla grænmetisborgara með kjötinu
Dómstóll í Bandaríkjunum hefur vísað frá hópmálsókn gegn skyndibitakeðjunni Burger King frá dómstólnum. Sjö manns höfðuðu mál gegn Burger King og sökuðu fyrirtækið um svik fyrir að grilla grænmetisborgara sína á sama grilli og borgara úr kjöti.
22.07.2020 - 13:10