Færslur: Bruni á Bræðraborgarstíg

Ráðherra kynnti tillögur til úrbóta í brunavörnum
Heimildir til að fjöldi fólks verði skráður á sama lögheimili verða endurskoðaðar og kannað skal hve margir búa húsnæði sem ekki er ætlað til íbúðar. Jafnramt skal skrá alla leigusamninga ásamt því sem skilgreina ber mismunandi tegundir útleigu.
Lögregla rannsakar hugsanlegt brot á byggingarreglugerð
Lögreglan á höfuðborgarsvæðinu er með til skoðunar hvort HD verk, fyrrverandi eigandi Bræðraborgarstígs 1, hafi brotið gegn byggingarreglugerð. Þetta staðfestir Hulda Elsa Björgvinsdóttir, sviðsstjóri ákærusviðs, í samtali við fréttastofu. Þrennt lét lífið í bruna þar í sumar og hefur karlmaður á sjötugsaldri verið ákærður fyrir að kveikja í húsinu.
Segir skort á brunavörnum á ábyrgð eiganda
Breytt notkun hússins sem brann á Bræðraborgarstíg í sumar, sem ekki ,hafði verið sótt um leyfi fyrir, gerði það að verkum að ekkert eldvarnaefirlit var og brunavarnir voru í ólestri. Það er á ábyrgð eigandans segir Húsnæðis- og mannvirkjastofnun
Skýrslutökur vegna brunans ekki fyrir luktum dyrum
Landsréttur hefur staðfest úrskurð Héraðsdóms Reykjavíkur um að skýrslutaka yfir manninum sem er ákærður fyrir að kveikja í húsinu við Bræðraborgarstíg í sumar verði ekki fyrir luktum dyrum. Þrennt lést í eldsvoðanum. Þá verður þinghaldið heldur ekki lokað á meðan geðlæknar sem hafa skoðað manninn gefa skýrslu.
Ekki fleiri dauðsföll í eldsvoðum hér á landi í 40 ár
Sex hafa látist í eldsvoðum hér á landi það sem af er ári, og hafa ekki verið fleiri í yfir fjörutíu ár. Mikið hefur mætt á slökkviliðum sem farið hafa í yfir tvö hundruð brunaútköll á árinu.
27.10.2020 - 19:30
Borgin ætlar ekki að bíða lengur með að rífa húsið
Ekki er óhætt að bíða lengur með að rífa húsið við Bræðraborgarstíg 1 sem brann í sumar. Þetta er mat byggingarfulltrúa borgarinnar sem segir að húsið hafi ekki verið rifið því lögregla hafi ekki svarað fyrirspurnum borgarinnar. Hann segir húsið hættulegt og óttast að það fjúki í næstu lægð.
„Þetta er fordæmalaus harmleikur“
„Þetta er fordæmalaus harmleikur,“ segir Þorgeir Margeirsson framkvæmdastjóri eldvarnasviðs Húsnæðis- og mannvirkjastofnunar um það sem fram hefur komið í rannsókn stofnunarinnar á brunanum sem varð í húsinu við Bræðraborgarstíg 1 í júní í sumar.
„Skynjuðu ýmislegt sem á eftir að fylgja þeim“
Íbúaráð Vesturbæjar mælist til þess að rústir hússins við Bræðraborgarstíg 1, sem brann 25. júní í sumar, verði fjarlægðar. Þrennt lést í brunanum og í bókun í fundargerð ráðsins segir að rústirnar veki slæmar minningar um þann harmleik og daglegan óhug hjá þeim sem þarna búa.
Hafa lokið rannsókn á brunanum við Bræðraborgarstíg
Húsnæðis- og mannvirkjastofnun hefur lokið við rannsókn á bruna í húsinu á horni Bræðraborgarstígs og Vesturgötu í Reykjavík 25. júní í sumar. Þrír létust í brunanum og karlmaður hefur verið ákærður fyrir að hafa valdið dauða þeirra og gert tilraun til að drepa tíu til viðbótar.
Vilja aðgerðir vegna hættulegs íbúðarhúsnæðis
Þörf er á úrbótum til að koma í veg fyrir útleigu á hættulegu íbúðahúsnæði til fólks í húsnæðisvanda.segir mannréttinda-, nýsköpunar- og lýðræðisráð Reykjavíkur, sem vill úrbætur og vísar meðal annars í brunann á Bræðraborgarstíg í sumar.
Myndskeið
Ákærður fyrir þrjú manndráp og tíu manndrápstilraunir
Marek Moszczynski er ákærður fyrir að drepa þrjá og tilraun til að drepa tíu til viðbótar með því að kveikja í húsi á horni Bræðraborgarstígs og Vesturgötu í Reykjavík í sumar. Þrettán voru inni í húsinu þegar Marek kveikti eldinn. Þrjú létust og fjögur slösuðust, sum þeirra alvarlega. EInn höfuðkúpubrotnaði og annar hlaut alvarleg brunasár á stórum hluta líkamans.
Neitar sök vegna íkveikju og manndrápa
Maður sem ákærður er fyrir íkveikju og manndráp vegna eldsvoðans sem kostaði þrjár manneskjur lífið í húsi á horni Bræðraborgarstígs og Vesturgötu í Reykjavík í sumar neitaði sök við þingfestingu málsins í Héraðsdómi Reykjavíkur í dag. Maðurinn kvað sig saklausan af báðum liðum ákærunnar, íkveikju og manndrápi.
Gefa ekki upp hvort eigandi hússins sæti rannsókn
Rannsókn Húsnæðis- og mannvirkjastofnunar á eldsvoðanum á Bræðraborgarstíg í júní stendur enn yfir. Þrír létu lífið í brunanum. Gert er ráð fyrir að niðurstaða liggi fyrir síðar í haust.
Fyrsta skipti sem ákært er fyrir að bana þremur
Ákæra á hendur manni vegna dauða þriggja í íkveikju í Reykjavík í sumar er sú fyrsta þar sem maður er ákærður fyrir að verða svo mörgum að bana, eftir því sem næst verður komist. Maðurinn er ákærður fyrir íkveikju og manndráp á þremur.
Ákærður fyrir manndráp og íkveikju
Héraðssaksóknari hefur ákært karlmann fyrir manndráp og íkveikju. Maðurinn er ákærður fyrir að hafa kveikt eld í húsi á horni Bræðraborgarstígs og Vesturgötu 25. júní. Þrennt lést af völdum eldsins.
Bruninn á Bræðraborgarstíg kominn inn á borð saksóknara
Rannsókn lögreglu á eldsvoða í húsi við Bræðraborgarstíg 1 25. júní síðastliðinn er nú lokið og málið komið á borð héraðssaksóknara. Þetta staðfestir Kolbrún Benediktsdóttir varahéraðssaksóknari í samtali við fréttastofu.
Áfram í gæsluvarðhaldi eftir brunann á Bræðraborgarstíg
Héraðsdómur Reykjavíkur hefur staðfest framlengt gæsluvarðhald yfir manni sem var handtekinn í kjölfar mannskæðs bruna á Bræðraborgarstíg 1 þann 25. júní síðastliðinn.