Færslur: Brúarlán

Myndskeið
Ekkert fyrirtæki hefur fengið lán
Ekkert fyrirtæki á Íslandi hefur enn fengið brúarlán eða stuðningslán til að halda sjó vegna Covid-19 faraldursins. Lánin áttu að vera á meðal áhrifamestu efnahagsaðgerða ríkisstjórnarinnar. Skatturinn hefur enn ekki opnað gátt til að sækja um stuðning til að greiða laun í uppsagnarfresti, þótt umsóknarfresturinn hafi runnið út fyrir þremur dögum.
Getum ekki lofað því að taka alla í fangið
Fjármálaráðherra segir ekki óeðlilegt að bankar séu ekki farnir að veita brúarlán, þótt níu vikur séu liðnar frá því að hann kynnti lánin sem eitt af efnahagsúrræðum ríkisstjórnarinnar. Brúarlánin séu mikilvægt úrræði, sérstaklega þar sem bankar hafi ekki lækkað vexti á lánum til fyrirtækja í samræmi við stýrivaxtalækkun Seðlabankans. Ríkisstjórnin geti ekki lofað að taka alla í fangið.
Takmarkaður áhugi fyrirtækja á brúarlánum
Fyrirtæki hafa takmarkaðan áhuga á brúarlánum, sem er eitt af efnahagslegum úrræðum sem ríkisstjórnin kynnti í lok mars. Arion banki hefur opnað fyrir umsóknir en Íslandsbanki og Landsbankinn eru enn að vinna að útfærslu lánanna, níu vikum eftir að þau voru kynnt.