Færslur: Bræðraborgarstígur

Bruninn á Bræðraborgarstíg kominn inn á borð saksóknara
Rannsókn lögreglu á eldsvoða í húsi við Bræðraborgarstíg 1 25. júní síðastliðinn er nú lokið og málið komið á borð héraðssaksóknara. Þetta staðfestir Kolbrún Benediktsdóttir varahéraðssaksóknari í samtali við fréttastofu.
Brunarannsókn miðar vel - gæsluvarðhald til 11. ágúst
Rannsókn Lögreglunnar á höfuðborgarsvæðinu á bruna á Bræðraborgarstíg í Reykjavík 25. júní síðastliðinn miðar vel og er hún langt komin. Þetta kemur fram í tilkynningu frá lögreglunni á höfuðborgarsvæðinu. Karlmaður á sjötugsaldri var handtekinn daginn sem eldurinn kom upp og hefur hann verið í haldi lögreglu síðan þá á grundvelli rannsóknarhagsmuna.
Á þriðja tug vitna yfirheyrð vegna brunans
Á þriðja tug vitna hafa verið yfirheyrð vegna bruna sem varð í húsinu við Bræðraborgarstíg 1 þann 25. júní síðastliðinn þar sem þrír létust. Meðal þeirra er fólk sem var inni í húsinu þegar eldurinn kom upp og íbúar hússins. Þetta kemur fram í Fréttablaðinu í dag og vísar blaðið í upplýsingar frá lögreglunni á höfuðborgarsvæðinu.
Bruninn á Bræðraborgarstíg talinn manndráp af ásetningi
Mannskæður eldsvoðinn sem varð á Bræðraborgarstíg 1 hinn 25. júní síðastliðinn er rannsakaður sem manndráp af ásetningi. Þetta kemur fram í gæsluvarðhaldsúrskurði Héraðsdóms Reykjavíkur yfir manni sem talinn er hafa kveikt í húsinu.
Í gæsluvarðhaldi til 6. ágúst vegna brunans í Vesturbæ
Karlmaður á sjötugsaldri var í morgun í Héraðsdómi Reykjavíkur úrskurðaður í áframhaldandi gæsluvarðhald í fjórar vikur, til 6. ágúst, á grundvelli almannahagsmuna. Maðurinn hefur verið í gæsluvarðhaldi frá 26. júní vegna gruns um aðild að eldsvoða í íbúðarhúsi á horni Vesturgötu og Bræðraborgarstígs 25. júní.
Kennsl borin á fólkið sem lést í eldsvoðanum
Rannsókn lögreglu á bruna í húsi á horni Bræðraborgarstígs og Vesturgötu miðar vel. Kennslanefnd Ríkislögreglustjóra hefur borið kennsl á fólkið sem lést í brunanum. Þau voru öll þrjú pólskir ríkisborgarar sem störfuðu hér á landi.
Skoða húsnæði þar sem margir hafa lögheimili
Slökkvilið höfuðborgarsvæðisins vinnur nú að því í samstarfi við byggingarfulltrúa og heilbrigðiseftirlitið að skoða húsnæði þar sem mikill fjöldi fólks er skráður með lögheimili.
Tvö þeirra sem fórust í eldsvoðanum voru í Eflingu
Tvö af þeim þremur sem létust í brunanum á Bræðraborgarstíg í Reykjavík í síðustu viku voru félagsmenn í Eflingu, segir í tilkynningu frá félaginu. Þau hafi verið verkafólk af erlendum uppruna og komið hingað til lands til að vinna verkamannastörf. Framkvæmdastjóri Samtaka atvinnulífsins segir að þeir atvinnurekendur sem ekki geti tryggt öryggi starfsmanna sinna eigi að finna sér eitthvað annað að gera í lífinu en fást við atvinnurekstur.
30.06.2020 - 08:59
„Svona mál er hreint og klárt glæpamál“
ASÍ kallar eftir rannsókn á tildrögum brunans við Bræðraborgarstíg í gær. Drífa Snædal, forseti ASÍ, segir í samtali við fréttastofu að bæta þurfi eftirlit með atvinnurekendum sem útvega starfmönnum sínum húsnæði og að herða þurfi viðurlög. 
Myndir
Slökkvistörfum lauk hálffjögur í nótt
Slökkviliðið á höfuðborgarsvæðinu lauk störfum klukkan hálf fjögur í nótt á vettvangi brunans á horni Bræðraborgarstígs og Vesturgötu. Þá voru fjórir menn á vegum slökkviliðsins enn að störfum. Stórum hluta af brunarústum hússins hefur verið mokað í burtu.