Færslur: Borgarstjóri

Leggja til heildstæða athugun á starfsemi Arnarholts
Borgarstjórn ætlar að beina því formlega til forsætisráðherra að gerð verði heildstæð athugun á vistheimilinu Arnarholti og öðrum sambærilegum heimilum. Tillaga þess efnis verður lögð fram á fundi borgarstjórnar í dag. Borgarstjóri segir að aðalatriðið sé að málið verði upplýst og að réttar ályktanir verði dregnar.
Myndskeið
„Skattar verða ekki hækkaðir“
Dagur B. Eggertsson, borgarstjóri í Reykjavík, segir að ekki standi til að hækka skatta. Þá verði gjaldskrár almennt ekki hækkaðar. Hann segir að það sé aldrei fyrsti kostur að ráðast í lántökur, en það sé þó nauðsynlegt til þess að bregðast við samdrætti vegna faraldursins. Þjónusta borgarinnar verði varin og gert sé ráð fyrir að borgin skili jákvæðri niðurstöðu eftir tvö ár.
Segir hugsanlegt að Alþingi verði að rannsaka Arnarholt
Hugsanlegt er að Alþingi þurfi að skipa formlega rannsóknarnefnd sem hefði víðtækari heimildir en nefndir á vegum Reykjavíkurborgar, til þess að skoða málefni Arnarholts. Þetta er bráðabirgðaniðurstaða borgarlögmanns, sem Dagur B. Eggertsson borgarstjóri greindi frá á fundi borgarstjórnar í dag. Dagur sagði að slík nefnd fengi væntanlega víðtækara hlutverk en að skoða einungis málefni Arnarholts.
Kynna í dag nýtt hverfi með íbúðafjölda á við Garðabæ
Reykjavíkurborg kynnir í dag fyrirhugaða íbúðauppbyggingu í borginni og „Græna planið“. Dagur B. Eggertsson borgarstjóri segir að meðal þess sem verði kynnt sé nýtt deiliskipulag fyrir Ártúnshöfða og Elliðaárvog þar sem borgin stefni að því að byggja 7.500 íbúðir og leggja grunn að einu grænasta hverfi landsins.  Dagur var gestur í Morgunútvarpinu á Rás 2 í morgun.
30.10.2020 - 08:52