Rafbókasafnið er besti staður í heimi, segir Úlfhildur Dagsdóttir bókmenntafræðingur. Hún mælir með að fólk nýti sér ófyrirséðu inniveruna, sem nú blasir við flestum landsmönnum, til að lesa dularfullar glæpasögur, hlusta á klassíska tónlist og fara í rafrænt ljóðaferðalag um stræti borgarinnar.

„Það er skemmtilegt að segja fólki frá því að það hafi verið fangelsi í stjórnarráðinu,“ þetta segir leiðsögumaður sem í kvöld leiddi hóp spænskumælandi borgarbúa um miðborgina. Reykjavík Safarí, menningarganga á sex tungumálum, fór í kvöld fram í ellefta skipti. 

Á sýningu í menningarhúsi Borgarbókasafns í Grafarvogi sýnir Guðmundur W. Vilhjálmsson ljósmyndir sem hann vinnur mikið með hjálp Photoshop forritsins. Guðmundur er fæddur árið 1928 og verður því níræður síðar á árinu. Hann segir möguleika Photoshop nánast óendanlega. Víðsjá heimsótti Guðmund á sýninguna sem kallast Ummyndanir. Viðtalið má heyra hér að ofan.