Færslur: Bókaútgáfa

Ný bók um Donald Trump selst sem heitar lummur
Bók Mary Trump bróðurdóttur Donalds Trump um frænda sinn Bandaríkjaforsetann seldist í nærri milljón eintökum á fyrsta degi eftir útkomu.
17.07.2020 - 04:49
„Sennilegt“ að Penninn hafi misnotað stöðu sína
Samkeppniseftirlitið beinir þeim tilmælum til Pennans að taka bækur bókaútgáfunnar Uglu aftur til sölu í verslunum sínum. Í bráðabirgðaúrskurði, sem eftirlitið sendi frá sér í dag, segir að það telji sennilegt að með því að senda til baka söluhæstu bækur Uglu í maí, hafi Penninn misnotað markaðsráðandi stöðu sína á smásölumarkaði fyrir bækur.
Áhyggjur af kaupum Storytel á Forlaginu
Rithöfundasamband Íslands telur ástæðu til að hafa áhyggjur af fákeppni í bókaútgáfu eftir kaup Storytel AB á sjötíu prósenta hlut í Forlaginu, stærstu bókaútgáfu landsins. Rithöfundar og bókaútgefendur hafa lýst yfir áhyggjum af samningnum um kaupin og hélt Rithöfundasambandið fund um málið í morgun.
Viðtal
Una útgáfuhús gefur út J.M.Coetzee
Þó Una útgáfuhús sé nokkuð nýtt af nálinni hefur verið mikið um að vera þar á bæ frá stofnun. Nýlega hlaut útgáfan þýðingastyrk til að gefa út verkið Beðið eftir barbörunum eftir nóbelsverðlaunahafann J.M. Coetzee. Stefnt er að útgáfu bókarinnar í haust.
14.05.2019 - 10:16
Segir beinan stuðning betri en skattaafnám
„Við erum að gera gott betur,“ segir Lilja Alfreðsdóttir menntamálaráðherra um þau tíðindi í fjárlagafrumvarpi næsta árs að hætt hafi verið við afnám virðisaukaskatts á bækur. Í staðinn verða bókaútgefendur styrktir beint með endurgreiðslum á fjórðungi af beinum kostnaði við útgáfuna.
11.09.2018 - 12:30
Útgefendur styrktir en bækur áfram skattlagðar
Áform um afnám virðisaukaskatts á bækur, sem lofað var í sáttmála ríkisstjórnarinnar í lok síðasta árs, hafa verið lögð á hilluna. Í staðinn mun Lilja Alfreðsdóttir menntamálaráðherra á nýju þingi leggja fram frumvarp um beinan stuðning við bókaútgefendur með það að meginmarkmiði að efla íslenska tungu. Þetta kemur fram í fjárlagafrumvarpi næsta árs. Lagt er til að bókaútgefendur fái 25% af kostnaði við útgáfu bóka á íslensku endurgreiddan.
Ekkert grín að skipta kostnaði við bókaútgáfu
Róttækni íslenskra listamanna á ýmsum sviðum kallaði á kröfuna um raunsæja túlkun á veruleikanum á síðari hluta áttunda áratugarins. Í bókmenntum voru ljóðskáld og jafnvel hópar þeirra áberandi og í myndlistinni varð hugtakið „nýlist“ þess valdandi að margir klóruðu sér í höfðinu.
Bókmenntalegt gildi 80 ára hatursskrifa?
Endurútgáfa á þremur 80 ára gömlum bæklingum hefur vakið deilur í frönsku menningarlífi. Víðsjá á Rás 1 sagði frá deilunum sem ýfa upp gömul sár en vekja líka spurningar um tjáningarfrelsið. Hér fyrir ofan má hlusta á pistilinn.
20.01.2018 - 10:52
Bjart yfir bókajólunum
„Jólabókaflóðið er farið af stað af meiri krafti en oft áður þannig að við göngum bjartsýn til vertíðarinnar. Bókin er þrátt fyrir allt langvinsælasta jólagjöf landsmanna, hefur verið það í að minnsta kosti 60 ár og ljóst að svo verður áfram þessi jólin,“ segir Egill Örn Jóhannsson, formaður íslenskra bókaútgefenda. Hann rýndi í stöðu bókaútgáfu ásamt Dögg Hjaltalín, framkvæmdastjóra Sölku.
07.12.2017 - 08:00
„Slæmt að fagið detti upp fyrir“
Í Prentsmiðjunni Odda er nú verið að búa síðustu harðspjalda bækurnar til prentunar. Til stendur að hætta að prenta harðspjalda bækur í byrjun næsta árs og selja sérhæfðar vélar sem nýttar eru við framleiðsluna úr landi. Forlagið, sem lengi prentaði sínar bækur hjá Odda, samdi í ár við finnsku prentsmiðjuna Bookwell, það gera raunar flestir útgefendur á Íslandi í dag. Listin að binda harðspjalda bækur virðist því vera að deyja út hér á landi. 
10.11.2017 - 17:05