Færslur: BioNTech

Pfizer og BioNTech ætla að standa við gefin loforð
Pfizer og BionNTech lofa að standa við að afhenda áður ákveðinn fjölda bóluefnaskammta frá og með 25. janúar næstkomandi. Jafnframt er því heitið að bæta enn frekar í framleiðslu bóluefnis um miðjan febrúar.
Mikilvægt að fá svör frá Pfizer og BioNTech sem fyrst
Þórólfur Guðnason sóttvarnalæknir segir að það myndi ekki hafa áhrif á mögulega rannsókn lyfjaframleiðandans Pfizer og BioNTech hér á landi á áhrifum kórónuveirubóluefnis þó að hluti þjóðarinnar hafi fengið bóluefni frá öðrum framleiðanda, svo framarlega að rannsóknin hefjist innan tíðar. Í dag var byrjað að bólusetja með bóluefni Moderna og hann segir ekki komið á hreint hvort af rannsókninni verði.
Vara við því að bíða með seinni skammt bóluefnis
Þýska lyfjafyrirtækið BioNTech varaði við því í dag að seinni skammtur bóluefnis gegn COVID-19 sé gefinn síðar en þremur vikum eftir fyrri skammtinn. Þetta kemur fram í tilkynningu fyrirtækisins sem AFP fréttaveitan greinir frá. Tilkynnt var í gær að Danir ætli að láta líða sex vikur á milli bólusetninga og Bretar í allt að tólf vikur.
05.01.2021 - 14:41
BioNTech keppist við að auka framleiðslugetu
Þýska lyfjafyrirtækið BioNTech keppist nú við að auka framleiðslugetu á bóluefninu sem það þróaði í samvinnu við bandaríska lyfjarisann Pfizer. Með því segjast forsvarsmenn fyrirtækisins vilja bæta upp fyrir það hversu hægt hefur gengið fyrir önnur fyrirtæki að fá leyfi fyrir dreifingu í Evrópu. Bóluefnið er enn það eina sem Lyfjastofnun Evrópu hefur samþykkt.
01.01.2021 - 15:30
„Tónninn var sleginn strax í upphafi faraldursins“
Bóluefnið sem smýgur inn í upphandleggi 5000 landsmanna í vikunni á sér aðeins nokkurra mánaða sögu. Smitsjúkdómalæknir segir að virkni þess sé griðarlega mikil, en talið er að 95% þeirra sem fá bóluefnið myndi ónæmissvar gegn veirunni. Þeir sem fá bóluefnið eiga ekki að geta veikst af Covid-19 en hugsanlegt er að þeir geti sýkst af veirunni og smitað aðra.
Stjórnvöld leiðrétta frétt Bloomberg um bóluefnakaup
Heilbrigðisráðuneytið hefur sent fréttaveitunni Bloomberg athugasemd vegna fréttaflutnings hennar af þeim fjölda kórónuveirubóluefnisskammta sem Bloomberg fullyrti að Ísland hefði tryggt sér. Í frétt Bloomberg sagði að Ísland væri meðal þeirra landa sem hefðu tryggt sér minnst af bóluefninu allra vestrænna þjóða. Í athugasemd ráðuneytisins segir að Ísland hafi tryggt sér að minnsta kosti 635.000 skammta sem dugi til að bólusetja 87% þjóðarinnar.
Viðurkennir mistök varðandi áætlað magn bóluefnis
Gustave Perna hershöfðingi sem hefur yfirumsjón með dreifingu bóluefna um Bandaríkin kveðst bera ábyrgð á misskilningi sem kviknaði um hve marga skammta bóluefnis hvert ríki fengi í sinn hlut.
20.12.2020 - 03:31
Svíar fá meira bóluefni fyrir áramót en búist var við
Svíar fá meira kórónuveirubóluefni frá lyfjafyrirtækjunum Pfizer/BioNtech í fyrstu afhendingu bóluefnisins í löndum Evrópusambandsins en áður hafði verið búist við. Auk þeirra 10.000 skammta, sem öll Evrópulönd munu fá, Ísland þar með talið, fá Svíar tugþúsundir skammta til viðbótar.
Spegillinn
Hjónin sem stofnuðu BioNTech
Í vikunni var greint frá því að bandaríski lyfjarisinn Pfizer og þýska líftæknifyrirtækið BioNTech væru vel á veg komin í rannsóknum á bóluefni gegn kórónuveirunni. Rannsóknir benda til þess að bóluefni þeirra verji níu af hverjum tíu fyrir COVID -19. Pfizer er með stærstu lyfjafyrirtækjum heims en BioNTech er ekki nafn sem hefur verið á hvers manns vörum fyrr en nú.