Færslur: Bárðarbunga

Snarpur skjálfti í Bárðarbungu
Snarpur jarðskjálfti varð í Bárðarbungu nú á sjöunda tímanum. Mældist hann 4,1 að stærð að sögn vakthafandi jarðvísindamanns á Veðurstofu Íslands. Talsverðar hræringar hafa verið í og við Bárðarbungu nú í morgunsárið en að sögn Veðurstofunnar eru engin ummerki um gosóróa.
Bárðarbunga bifast
Jarðskjálfti af stærðinni 3.2 varð í austanverðri Bárðarbunguöskjunni laust fyrir klukkan hálf fimm í morgun. Sigþrúður Ármannsdóttir, náttúruvársérfræðingur á Veðurstofu Íslands, segir þetta framhald óróans sem þarna hefur verið að undanförnu og ekki vita á neitt annað eða meira. Enginn gosórói er sjáanlegur, að hennar sögn. Sama á við um Öræfajökul, þar sem smáskjálftahrina hefur verið í gangi í sunnanverðri öskjunni síðan um ellefuleytið í gærkvöldi.
03.12.2017 - 07:29
Tveir 3,9 stiga skjálftar í Bárðarbungu
Tveir skjálftar hafa mælst við Bárðarbungu nú eftir hádegi. Sá fyrri reið yfir klukkan átta mínútur í tvö og var 3,9 að styrk. Hinn kom tveimur mínútum síðar og var einnig 3,9. Fyrri skjálftinn varð um 8 kílómetra norðnorðaustur af Bárðarbungu. Sá seinni varð 6,1 kílómetra norðaustur af Bárðarbungu.
Töluvert að gerast í Bárðarbungu
Mikil jarðhitavirkni er enn í Bárðarbungu og vísindamenn fylgjast náið með framvindu mála. Ekki hefur tekist að greina enn hvort jarðhitavatn, sem rennur í Jökulsá á Fjöllum, komi undan Bárðarbungu eða ekki. Björn Oddsson, jarðeðlisfræðingur, segir töluvert að gerast í Bárðarbungu og skjálftarnir hafi alltaf farið stighækkandi. Eldstöðin gæti alveg látið á sér kræla aftur.
Upptök frekar í Bárðarbungu en Gengissigi
Jarðhitavatnið sem mælst hefur í Jökulsá á Fjöllum er ekki úr lóninu Gengissigi í Kverkfjöllum heldur á það sennilega upptök vestar í Vatnajökli, hugsanlega í Bárðarbungu þar sem jarðhiti hefur aukist undanfarið.
Bárðarbunga skalf í nótt
Tveir hraustlegir jarðskjálftar urðu skammt norðaustur af Bárðarbungu í nótt. Sá fyrri reið yfir þegar klukkan var gengin stundarfjórðung í þrjú og var 4,1 að stærð. Upptök hans voru tæpa 5 kílómetra norðaustur af Bárðarbungu. Hinn var litlu minni, eða 4,0. Hann varð klukkan 3.08 og átti upptök sín rúma 6 kílómetra aust-norðaustur af Bárðarbungu. Í millitíðinni urðu nokkrir minni skjálftar, en allt hefur verið með kyrrum kjörum eftir þann seinni.
07.09.2017 - 06:14
Myndskeið
Gat í gegnum jökulinn
Landslag Bárðarbungu í Vatnajökli hefur breyst svo mikið síðan í umbrotunum sem hófust 2014 að nú er í fyrsta sinn hægt að sjá niður í bergið, því 100 metra þykkur ís í sigkötlum hefur bráðnað. Magnús Tumi Guðmundsson segir að ef jarðhiti eykst verulega í Bárðarbungu skapist hætta á jökulhlaupum úr öskjunni. 
Þrír skjálftar yfir 3 að stærð á 5 mínútum
Tveir jarðskjálftar af stærðinni 3,2 voru í Bárðabungu rétt fyrir klukkan tíu í morgun. Skálftarnir urðu með nokkurra mínútna millibili, annar klukkan 9:49 og hinn klukkan 9:53. Mínútu síðar varð skjálfti að stærðinni 3,6.
Tveir stórir skjálftar í Bárðarbungu
Tveir stórir jarðskjálftar urðu í Bárðarbungu í kvöld, nánar tiltekið í norðanverðri Bárðarbunguöskjunni. Þetta kemur fram í tilkynningu frá Veðurstofu Íslands. Fyrri skjálftinn mældist klukkan 20:33 og var af stærð 3,8 en sá seinni um tveim og hálfri mínútu síðar og var 3,9 að stærð. Rúmlega tíu eftirskjálftar fylgdu, sá stærsti klukkan 21:16, um 3,2 að stærð.
Öflug skjálftahrina í Bárðarbungu
Mikil skjálftahrina varð í Bárðarbunguöskjunni seinnipartinn í dag og mældist stærsti skjálftinn 4,1 að stærð. Margir smærri skjálftar fylgdu í kjölfarið, sá næst stærsti var 3,2.
Skjálftahrina í Bárðarbungu
Nokkrir skjálftar hafa orðið í Bárðarbungu í kvöld. Sá stærsti, 3,1 að stærð, varð klukkan 17:48 í kvöld, í norðanverðri Bárðarbunguöskjunni. Nokkrir minni skjálftar hafa fylgt - þeir stærstu 3,0 og 2,8 að stærð.
Þrír stórir skjálftar á fjórum mínútum
Öflug skjálftahrina varð í Bárðarbungu á Vatnajökli um fjögurleytið í nótt. Á fjögurra mínútna tímabili urðu þrír skjálftar sem allir voru stærri en þrír, í suðurbrún Bárðarbungu-öskjunnar. Stærstu skjálftarnir sem mældust voru af stærð 4,0 og 3,9.
Skjálftahrina í Bárðarbungu í morgun
Fimm jarðskjálftar stærri en 3,0 hafa orðið nálægt Bárðarbungu í Vatnajökli í morgun. Fyrsti skjálftinn, 4,1 að stærð varð 7 kílómetra norður af Bárðarbungu rétt fyrir klukkan níu í morgun, og í kjölfarið hafa fylgt nokkrir minni skjálftar.
Skjálfti 3,6 í Bárðarbungu
Skjálfti af stærðinni 3,6 varð í Bárðarbungu í Vatnajökli klukkan 9:48 í morgun. Skjálftinn varð á ríflega fjögurra kílómetra dýpi, 5,2 kílómetra norðnorðaustur af Bárðarbungu. Fáeinir minni skjálftar hafa orðið í kjölfarið, að því er fram kemur á vef Veðurstofunnar. Sá stærsti þeirra var 2,6 að stærð.
Skjálfti 3,5 í Bárðarbungu
Jarðskjálfkti af stærðinni 3,5 varð í nótt í austurhluta Bárðarbunguöskjunnar. Skjálftinn varð klukkan 3:53. Engir eftirskjálftar hafa mælst, að því er fram kemur á vef Veðurstofunnar.
Skjálfti 3,5 í Bárðarbungu
Skjálfti sem var 3,5 að stærð varð skömmu fyrir hádegið norðanmegin í Bárðarbunguöskjunni. Skjálftinn varð þegar klukkuna vantaði 23 mínútur í tólf og fylgdu nokkrir eftirskjálftar í kjölfarið, sá stærsti þeirra 2,3.
Ekki tengsl milli þriggja stórra skjálfta
Jarðskjálfti af stærðinni 3,5 varð í morgun í Kötluöskjunni undir Mýrdalsjökli. Jarðeðlisfræðingur Veðurstofunnar telur að skjálftinn tengist ekki skjálftum sem urðu í Hrómundartindi og í Bárðarbungu í gær. 
05.01.2017 - 12:27
Skjálfti 3,9 að stærð í Bárðarbungu
Skjálfti af stærðinni 3,9 varð varð í Bárðarbungu klukkan hálf sex í gær. Skjálftinn varð í norðanverðri Bárðarbunguöskjunni. Um tíu eftirskjálftar fylgdu í kjölfarið - þeir stærstu voru 3,6 og 3,3 að stærð.
Bárðarbunga skelfur
Tveir jarðskjálftar mældust í Bárðarbungu í morgun, af stærðinni 3 og 3,1. Skjálftarnir urðu með mínútu millibili, klukkan 9:36 og 9:37 í morgun. Sá fyrri varð á 5,2 kílómetra dýpi og sá síðari á einungis 0,1 kílómetra dýpi.
Skjálfti við Bárðarbungu
Um hálfsjö í morgun varð skjálfti af stærð 3,8, við norðanverða Bárðarbunguöskjuna. Nokkrir minni skjálftar hafa fylgt í kjölfarið. Engin merki eru um gósóróa skrifar jarðvísindamaður Veðurstofunnar á vef hennar.
26.11.2016 - 10:19
Skjálftahrina í Bárðarbungu í nótt
Tólf skjálftar urðu í og við Bárðabungu á tæplega 50 mínútna kafla frá um klukkan 20 mínútur yfir þrjú í nótt til rúmlega fjögur. Tveir skjálftanna mældust 3,5 af stærð en aðrir skjálftar mældust undir tveimur af stærð. Engir skjálftar hafa mælst á svæðinu síðan þá.
15.10.2016 - 06:06
Skjálftar í Bárðarbungu
Tveir jarðskjálftar, 3,6 og 3 að stærð, urðu í norðaustanverðri Bárðarbunguöskjunni á níunda tímanum í morgun. Kvika virðist flæða inn að eldstöðinni á töluverðu dýpi en sú þróun hófst í september í fyrra.
05.10.2016 - 11:14
Þriðji stærsti skjálftinn frá goslokum
Jarðskjálfti að stærð 4,0 varð á norðurbrún Bárðarbunguöskjunnar klukkan 13:17 í dag. Þetta er þriðji stærsti skjálfti frá goslokum í Holuhrauni í febrúar í fyrra. Um tuttugu eftirskjálftar hafa fylgt í kjölfarið . Þeir stærstu mældust 3,2 klukkan 13:18 og 3,9 klukkan 13:45.
25.06.2016 - 14:50
Skjálfti af stærðinni 3,5 í Bárðarbungu
Jarðskjálfti af stærðinni 3,5 varð í morgun í Bárðarbungu. Skjálftinn varð klukkan 7:19, í sunnanverðri Bárðarbunguöskjunni. Engir eftirskjálftar hafa mælst í kjölfarið, að því er fram kemur á vef Veðurstofu Íslands.
25.06.2016 - 10:41
Tveir skjálftar í Bárðarbungu í nótt
Tveir jarðskjálftar stærri en 3 urðu í nótt á norðurbrún Bárðarbunguöskjunnar. Sá fyrri sem var 3,1 að stærð varð rétt fyrir eitt og sá seinn sem var sterkari, 3,6 var hálf fjögur. Nokkrir eftirskjálftar hafa fylgt í kjölfarið. Vikuna 30. maí til 5. júní mældi Veðurstofan 350 skjálfta á landinu, tveir stærstu skjálftarnir voru í Bárðarbungu, 31. maí og 5. júní og voru 3,4 að stærð.
12.06.2016 - 11:44