Færslur: Bárðarbunga

Spegillinn
Skjálftar á bilinu 6 til 6,5 líklegir á Reykjanesskaga
Íbúar á höfuðborgarsvæðinu og á Reykjanesskaga þurfa að búa sig undir jarðskjálfta af stærðinni 6 til 6,5 í náinni framtíð. Það sama á við um Húsvík og nágrenni. Þetta er mat Freysteins Sigmundssonar jarðeðlisfræðings hjá Jarðvísindastofnun Háskóla Íslands.
Jarðhiti í Bárðarbungu sífellt að aukast
Snarpur jarðskjálfti í Bárðarbungu um helgina er ekki endilega fyrirboði frekari atburða þar, að sögn jarðeðlisfræðings. Stórir skjálftar fylgi kvikusöfnun í eldstöðinni. Jarðhiti er sífellt að aukast á þessu svæði og eitt af því vísindamenn fylgjast með er hvort aukin hætta er á hlaupi í Jökulsá á Fjöllum.
28.09.2020 - 13:29
Snarpur skjálfti við Bárðarbungu
Jarðskjálfti af stærðinni 4,8 mældist rúmum átta kílómetru aust-suðaustur af Bárðarbungu rétt eftir miðnætti. Lítil virkni var við Bárðarbungu áður en skjálftinn varð, en síðan hafa orðið þrír eftirskjálftar, sá stærsti tveir að stærð. Síðast urðu skjálftar af þessari stærðargráðu í Bárðarbungu í apríl og janúar á þessu ári. Þeir mældust báðir 4,8 að stærð.
27.09.2020 - 00:55
Stærsti skjálftinn var 3,6
Jarðskjálfti sem reið yfir í suðaustanverðri Bárðarbunguöskjunni rétt fyrir klukkan eitt í nótt var öllu stærri en fyrst var talið. Hann var metinn 3,2 í fyrstu en frekari útreikningar náttúruvársérfræðinga Veðurstofunnar leiddu í ljós að hann var 3,6 að stærð. Rúmlega klukkutíma áður var skjálfti 3,0 á svipuðum stað. Nokkrir smærri skjálftar voru frá því skömmu fyrir miðnætti þar til snemma í morgun.
14.07.2020 - 11:03
Bárðarbunga skalf í nótt
Jarðskjálfti af stærðinni 3,2 varð í Bárðarbungu laust fyrir klukkan eitt í nótt og annar, 2,5 að stærð, fylgdi fast á hæla honum. Skjálfti sem mældist 3,0 varð á sama stað tuttugu mínútum fyrir miðnætti. Nokkrir minni skjálftar, allir undir 2 að stærð, hafa orðið í Bárðarbungu síðasta sólarhringinn.
3,4 stiga skjálfti við Bárðarbungu
Jarðskjálfti af stærðinni 3,4 varð aust-suðaustur af Bárðarbungu skömmu eftir klukkan hálf fimm í dag. Síðast mældist skjálfti af þessari stærðargráðu í Bárðarbungu 30. maí, hann var 3,5 að stærð.
Jarðskjálfti 3,5 að stærð í Bárðarbungu
Jarðskjálfti 3,5 að stærð varð í norðanverðri Bárðarbunguöskjunni þegar klukkan var gengin tuttugu mínútur í tvö í nótt. Í tilkynningu frá Veðurstofu Íslands kemur fram að engir eftirskjálftar hafi mælst í kjölfarið og engin merki sjáist um gosóróa.
30.05.2020 - 07:59
Mynduðu Bárðarbungu með ratsjám eftir skjálftann
Einn stærsti skjálfti sem orðið hefur í Bárðarbungu frá eldgosinu í Holuhrauni fyrir nærri sex árum varð í fyrrinótt þegar skjálfti mældist 4,8 að stærð. Landhelgisgæslan flaug yfir svæðið í gær og myndaði bæði Bárðarbungu og Öskju með ratsjám.
21.04.2020 - 06:38
Skjálftinn stærri en talið var og einn stærsti frá gosi
Veðurstofan hefur uppfært styrk jarðskjálftans sem varð í Bárðarbungu laust fyrir klukkan fjögur í nótt. Hann reyndist 4,8 að stærð og er einn stærsti skjálfti sem mælst hefur á svæðinu síðan gaus hófst í Holuhrauni í ágúst 2014.
Bárðarbunga skalf í nótt
Jarðskjálfti, 4,5 að stærð, varð í Bárðarbungu laust fyrir klukkan fjögur í nótt. Upptök skjálftans voru á tæplega 9 kílómetra dýpi, um 7 kílómetra aust-norðaustur af Bárðarbungu. Nokkrir litlir eftirskjálftar fylgdu, sá stærsti þeirra 1,4. Enginn gosórói er sjáanlegur í grennd, segir á heimasíðu Veðurstofunnar. Þar kemur einnig fram að síðast hafi orðið skjálfti af svipaðri stærðargráðu í Bárðarbungu þann 5. janúar síðastliðinn.
20.04.2020 - 05:30
Snarpur skjálfti í Bárðarbungu
Jarðskjálfti af stærðinni 3,6 mældist í Bárðarbungu rétt fyrir klukkan sex í morgun. Skjálftinn var stakur, það er engar jarðhræringar höfðu verið í og við Bárðarbungu í aðdraganda skjálftans og heldur engir eftirskjálftar. Að sögn jarðvársérfræðings á Veðurstofu Íslands er slíkt alvanalegt á þessum slóðum, og engin merki um aðra virkni en skjálftavirkni. Áfram verður þó fylgst vel með.
15.02.2020 - 07:11
Skjálfti að stærð 3,7 í Bárðarbungu
Jarðskjálfti að stærð 3,7 varð 8 km austan í Bárðarbungu rétt fyrir klukkan hálf þrjú í dag. Engir eftirskjálftar hafa fylgt og engin merki eru um gosóróa, að sögn vakthafandi jarðvísindamanns á Veðurstofunni.
26.01.2020 - 15:05
Tveir snarpir skjálftar í Bárðarbungu
Tveir öflugir jarðskjálftar urðu í Bárðarbungu á fimmta tímanum í morgun. Um hálf fimm varð skjálfti af stærðinni 5,0 og rétt fyrir klukkan fimm kom annar skjálfti sem var 4,2 að stærð. Að sögn sérfræðings á vakt hjá Veðurstofu Íslands eru þó engin merki um gosóróa í Bárðarbungu.
05.01.2020 - 05:46
Minni virkni í Bárðarbungu en undanfarin ár
Dregið hefur úr skjálftavirkni í Bárðarbungu í nótt og það sem af er morgni eftir að skjálftahrina gekk þar yfir í gærkvöld. Jarðskjálfti, 3,8 að stærð, varð í norðaustanverðri Bárðarbunguöskjunni í gærkvöld. Um það bil mínútu áður mældust tveir skjálftar á svipuðum slóðum af stærðinni 3,0. Samtals hafa mælst 19 skjálftar í öskjunni síðan í gærkvöld.
02.12.2019 - 12:47
Snörp skjálftahrina í Bárðarbungu
Tveir snarpir skjálftar urðu í Bárðarbungu á fimmta tímanum í morgun. Fyrri skjálftinn mældist fjórir að stærð klukkan 04:22, og aðeins sex mínútum síðar mældist annar skjálfti af stærðinni 3,5. Nokkrir eftirskjálftar hafa mælst síðan, en að sögn vakthafandi jarðvísindamanns hjá Veðurstofu Íslands eru engin merki um gosóróa.
24.11.2019 - 06:33
Jarðskjálfti yfir 3 að stærð í Bárðarbungu
Jarðskjálfti af stærðinni 3,4 mældist í Bárðarbungu um klukkan 22:30 í kvöld. Tveir smáskjálftar mældust skömmu á eftir, en enginn órói hefur mælst á svæðinu segir á vef Veðurstofu Íslands.
19.06.2019 - 01:51
Skjálfti upp á 4,8 í Bárðarbungu
Öflugur jarðskjálfti, 4,8 að stærð, varð í norðurrima Bárðarbungu þegar klukkan var stundarfjórðung gengin í tvö í nótt. Þrír snarpir eftirskjálftar, 3,5, 3,7 og 2,8 að stærð fylgdu í kjölfarið. Stórir skjálftar hafa skekið Bárðarbungu allt frá goslokum 2015 og þeir hafa farið heldur stækkandi, að sögn Einars Hjörleifssonar, náttúruvársérfræðings á Veðurstofu Íslands.
28.12.2018 - 02:13
Snarpir skjálftar í Bárðarbungu
Töluverð skjálftavirkni hefur verið við Bárðarbungu í kvöld. Þar varð skjálfti af stærðinni 3,5 þegar þrettán mínútur voru liðnar af þessum þriðjudegi og annar litlu minni, 3,3, þremur mínútum fyrr. Og tveir skjálftar, 2,7 og 2,8 að stærð, skóku bunguna laust eftir hálftólf á mánudagskvöld. Elísabet Pálmadóttir, náttúruvársérfræðingur á Veðurstofu Íslands, segir þetta eðlilegan hristing í Bárðarbungu, þar oft koma skjálftar yfir þrjá og jafnvel fjóra. Engin merki séu um gosóróa af neinu tagi.
23.10.2018 - 01:18
Öræfajökull skelfur
Jarðskjálfti, 3,6 að stærð, varð í Bárðarbungu upp úr klukkan 13 í dag. Í gærmorgun varð annar skjálfti þar, 3 að stærð. Í gærkvöld varð skjálfti í Öræfajökli, 3,1 að stærð.
02.10.2018 - 15:02
Öflugur skjálfti við Bárðarbungu
Öflugur jarðskjálfti varð skammt austur af Bárðarbungu laust fyrir klukkan ellefu í kvöld, um 4,3 að stærð. Tveir minni skjálftar fylgdu í kjölfarið; sá fyrri, 2,4 að stærð, nánast strax á hæla þess stóra, en sá seinni, sem var 2,5 að stærð, varð þegar klukkuna vantaði rúmar tuttugu mínútur í eitt í nótt. Þá varð skjálfti af stærðinni 2,8 á svipuðum slóðum um klukkan hálfsjö í gærkvöld.
22.03.2018 - 01:56
Metlosun brennisteinstvíildis í Holuhraunsgosi
Meira af brennisteinstvíildi kom upp í gosinu í Holuhrauni en í nokkru öðru hraungosi í heiminum í fjörtíu ár eða frá því að gervitunglamælingar hófust. árið 1978. Sextán sinnum meira kom upp af breinnisteinstvíildi en við losun af mannavöldum og tvisvar sinnum meira af koltvísýringi.
22.01.2018 - 14:36
Snarpur skjálfti í Bárðarbungu í gær
Jarðskjálfti af stærðinni 4,1 mældist í Bárðarbungu klukkan 23:28 í gærkvöldi. Upptök skjálftans voru í norðanverðri öskjunni. Fáir eftirskjálftar mældust í kjölfarið að sögn Sigríðar Magneu Óskarsdóttur, náttúruvársérfræðings við Veðurstofu Íslands, og engin merki um gosóróa.
24.12.2017 - 05:46
Bárðarbunga skelfur enn
Jarðskjálfti af stærðinni 3,5 varð skammt austsuðaustur af Bárðarbungu tuttugu mínútur í þrjú í nótt. Upptök hans voru á 11 kílómetra dýpi. Þar fyrir utan hefur allt verið með kyrrum kjörum og skjálftar ekki farið upp fyrir tvo síðustu tvo sólarhringana. Einar Hjörleifsson jarðvársérfæðingur á Veðurstofu Íslands segir skjálftann í nótt aðeins einn af mörgum í viðvarandi virkni sem verið hefur í Bárðarbungu frá goslokum 2015, og ekki til marks um neitt annað eða meira.
16.12.2017 - 04:51
Snarpur skjálfti í Bárðarbungu
Snarpur jarðskjálfti varð í Bárðarbungu nú á sjöunda tímanum. Mældist hann 4,1 að stærð að sögn vakthafandi jarðvísindamanns á Veðurstofu Íslands. Talsverðar hræringar hafa verið í og við Bárðarbungu nú í morgunsárið en að sögn Veðurstofunnar eru engin ummerki um gosóróa.
Bárðarbunga bifast
Jarðskjálfti af stærðinni 3.2 varð í austanverðri Bárðarbunguöskjunni laust fyrir klukkan hálf fimm í morgun. Sigþrúður Ármannsdóttir, náttúruvársérfræðingur á Veðurstofu Íslands, segir þetta framhald óróans sem þarna hefur verið að undanförnu og ekki vita á neitt annað eða meira. Enginn gosórói er sjáanlegur, að hennar sögn. Sama á við um Öræfajökul, þar sem smáskjálftahrina hefur verið í gangi í sunnanverðri öskjunni síðan um ellefuleytið í gærkvöldi.
03.12.2017 - 07:29