Færslur: Bandaríkjaforseti

Stefnir í ákæru á hendur Trump
Þingmenn í fulltrúadeild Bandaríkjaþings greiða atkvæði í kvöld um hvort ákæra skuli Donald Trump forseta til embættismissis. Allt bendir til þess að ákæran verði samþykkt.
13.01.2021 - 18:17
Repúblikanaþingmaður útilokar ekki stuðning við ákæru
Peter Meijer, nýkjörinn fulltrúadeildarþingmaður Repúblikana segir ekki útilokað að hann styðji ákæru á hendur Donald Trump Bandaríkjaforseta fyrir embættisglöp.
Twitter lokar 70 þúsund aðgöngum tengdum QAnon
Stjórnendur samfélagsmiðilsins Twitter tilkynntu í gær að yfir 70 þúsund aðgöngum tengdum samsæriskenningahópnum QAnon hefði verið lokað.
Chad Wolf, ráðherra heimavarna, segir af sér embætti
Chad Wolf ráðherra heimavarna í Bandaríkjunum sagði af sér embætti í dag að því er kemur fram í upplýsingum frá ráðuneytinu. Að sögn heimildamanns AFP fréttastofunnar tekur afsögn ráðherrans gildi á miðnætti.
Biden bólusettur öðru sinni í dag
Joe Biden, tilvonandi forseti Bandaríkjanna, verður bólusettur öðru sinni gegn COVID-19 í dag, mánudag. Nú eru liðnar þrjár vikur frá því að sjónvarpað var beint frá fyrri bólusetningu Bidens, til að auka tiltrú almennings á öryggi bóluefnanna.
Ákæra til að halda Trump fjarri opinberum embættum
Demókratar á Bandaríkjaþingi, undir forystu Nancy Pelosi, eru staðráðnir í að ákæra Donald Trump forseta fyrir embættisglöp enda beri hann ábyrgð á árás áhangenda sinna á þinghúsið síðastliðinn miðvikudag.
Þingið tilbúið til ákæru verði ekki af brottvikningu
Nancy Pelosi, forseti fulltrúadeildar Bandaríkjaþings, segir að á morgun, mánudag, verði gerð samþykkt í þinginu um að ríkisstjórnin hlutist fyrir um að Donald Trump Bandaríkjaforseta verði vikið úr embætti á grundvelli 25. viðauka stjórnarskrárinnar.
Öldungadeildarþingmenn hvetja Trump til afsagnar
Tveir öldungadeildarþingmenn Repúblikanaflokksins segja bestu lausnina að Donald Trump Bandaríkjaforseti segði af sér og sá þriðji segir forsetann eiga að fara „afar varlega" síðustu daga sína í embætti.
Pence ætlar að mæta á innsetningarathöfn Bidens
Mike Pence, varaforseti Bandaríkjanna, hyggst vera viðstaddur þegar þau Joe Biden og Kamala Harris verða sett í embætti forseta og varaforseta þann 20. þessa mánaðar. Þetta hafa fréttastofur eftir háttsettum en ónafngreindum embættismanni í Washington.
Trump og Twitter takast á
Donald Trump, Bandaríkjaforseti, brást við lokun á Twitter-aðgangi sínum með því að gagnrýna fyrirtækið harðlega á opinberum Twitter-aðgangi forsetaembættisins. Twitter brást við skjótt og eyddi færslunum og hefur nú líka lokað Twitter-aðgangi kosningateymis forsetans. Trump boðar nú mögulega stofnun eigin samfélagsmiðils.
Twitter lokar á tístin frá Trump
Stjórnendur samfélagsmiðilsins Twitter, helsta vettvangs Donalds Trumps, Bandaríkjaforseta fyrir skoðanir sínar og skilaboð til þjóðarinnar, tilkynntu í kvöld að aðgangi forsetans að miðlinum hafi verið lokað og að hann verði lokaður til frambúðar. Í tilkynningu frá fyrirtækinu segir að þetta sé gert vegna hættu á frekari ofbeldisverkum í kjölfar árásar stuðingsfólks Trumps á þinghúsið í Washington á miðvikudag, þegar báðar þingdeildir ræddu staðfestingu á kjöri Bidens í embætti forseta.
Spegillinn
Verður að sæta ábyrgð
Sigríður Rut Júlíusdóttir lögmaður, sem hefur búið í Bandaríkjunum, segir að Donald Trump, forseti Bandaríkjanna sé ekki í jafnvægi og að hann geti ekki setið næstu tvær vikur sem forseti. Hann verði að sæta ábyrgð fyrir það sem hann hafi gert. Jón Óskar Sólnes, hagfræðingur, sem býr í Washington, hefur trú á því að forsetinn hafi misst áhugann á starfinu. Hann eigi eftir að láta lítið fyrir sér fara næstu tvær vikunnar og verði aðallega í golfi.
Ritstjóri Wall Street Journal hvetur Trump til afsagnar
Ritstjóri The Wall Street Journal hvetur Donald Trump Bandaríkjaforseta til að segja af sér, það væri best fyrir hann og alla aðra.
Betsy DeVos menntamálaráðherra Trumps segir af sér
Betsy DeVos menntamálaráðherra í stjórn Donalds Trump Bandaríkjaforseta hefur tilkynnt afsögn sína vegna árásar stuðningsmanna hans á þinghúsið í Washington.
Mike Pence andvígur því að víkja Trump úr embætti
Mike Pence, varaforseti Bandaríkjanna, er andvígur því að beita því ákvæði bandarísku stjórnarskrárinnar sem heimilar brottvikningu forsetans. Fjöldi Demókrata og nokkur hópur Repúblikana hefur lagt hart að honum að fara þá leið.
Trump fordæmir ofbeldið harðlega
Donald Trump Bandaríkjaforseti fordæmir harðlega og afdráttarlaust það ofbeldi sem stuðningsmenn hans beittu með því að ryðjast inn í þinghúsbygginguna í gær. Kayleigh McEnany, talskona forsetans greindi fréttamönnum frá þessu í dag.
Trump spyrst fyrir um heimildir til að náða sjálfan sig
Donald Trump Bandaríkjaforseti hefur að undanförnu spurst fyrir heimildir til sjálfsnáðunar, að því er heimildarmenn CNN fréttastofunnar herma. Trump ku hafa spurt aðstoðarmenn sína um þetta og lögmenn, þar á meðal lögmann Hvíta hússins, Pat Cipollone.
07.01.2021 - 23:27
Myndskeið
Þingið jafnvel tilbúið að kæra Trump fyrir embættisglöp
Nancy Pelosi, forseti fulltrúadeildar Bandaríkjaþings, biðlaði til Mike Pence, varaforseta Bandaríkjanna, í dag að virkja 25. grein stjórnarskrár Bandaríkjanna undir eins til að koma Bandaríkjaforseta, Donald Trump, frá völdum áður en hann lætur af embætti 20.janúar.
Myndskeið
Slær í brýnu á milli Trump og félaga
Eftir atburði gærkvöldsins við þinghúsið í Washington virðist sem fylgismenn Donalsd Trump ætli að draga í land stuðning sinn við baráttu forsetans fráfarandi í að fá niðurstöðu forsetakosninganna hnekkt. Trump gagnrýndi hugleysi Mike Pence í gær og í morgun var táknræn stund þar sem hann kvað upp staðfestingu þingsins á fjölda kjörmanna sem styðja Joe Biden.
Trump segir að valdaskiptin verði friðsöm
Mike Pence, varaforseti Bandaríkjanna, hefur staðfest kjör Joe Bidens sem næsta forseta Bandaríkjanna. Sífellt kvarnast úr hópi stuðningsmanna Donalds Trump, bæði á þinginu sem og í starfsliði hans. Trump segir að valdaskiptin verði friðsöm.
Þingmenn Demókrata krefjast embættissviptingar Trumps
Þingmenn Demókrataflokksins í dómsmálanefnd þingsins sendu Mike Pence varaforseta bréf í kvöld þess efnis að að beita skyldi 25. viðauka stjórnarskrár Bandaríkjanna gagnvart Donald Trump Bandaríkjaforseta. Sá viðauki heimilar að forseta sé vikið frá teljist hann af einhverjum orsökum óhæfur að gegna embætti sínu.
Allir fyrrverandi forsetar fordæma árásina á þinghúsið
„Atburðir dagsins eru skammarlegir, þeir eru hneisa sem skráð verður í sögubækur,“ segir Barack Obama, fyrrverandi Bandaríkjaforseti, í yfirlýsingu sem hann birti á Twitter í kvöld. Allir fyrrverandi Bandaríkjaforseta sem enn lifa hafa tjáð sig um atburðarás kvöldsins.Þrír þeirra eru Demókratar og einn Repúblikani.
Samfélagsmiðlaaðgangi forsetans lokað í 12 klukkutíma
Twitter-aðgangi Donalds Trump Bandaríkjaforseta var í kvöld lokað næstu tólf tímana og þremur tístum hans eytt. Í einu þeirra sagði hann hópinn sem réðst inn í þinghúsið mikla föðurlandsvini.
Biden sótti hart að Trump á kosningafundi
Joe Biden tilvonandi forseti Bandaríkjanna sótti hart að Donald Trump á kosningafundi í Georgíu-ríki í gær. Biden varpaði þeirri spurningu fram hvers vegna Trump ásældist forsetaembættið áfram þótt hann vildi ekki sinna því sem skyldi.
Vilja alríkisrannsókn á símtali Trumps
Tveir þingmenn Demókrata í fulltrúadeild Bandaríkjaþings hafa farið þess á leit að Alríkislögreglan hefji rannsókn á þeim þrýstingi sem Donald Trump Bandaríkjaforseta reyndi að beita embættismenn í Georgíu að snúa niðurstöðum forsetakosninganna sér í vil.