Færslur: Bakvarðasveit heilbrigðisþjónustunnar

Frítekjumark námsmanna hækkar um 46 þúsund krónur
Í nýjum úthlutunarreglum sjóðsins fyrir skólaárið 2021 til 2022 kemur fram að frítekjumark námsmanna verði 1.410 þúsund krónur sem er hækkun um 46 þúsund krónur frá síðasta ári. Framfærsla, húsnæðisbætur og barnastyrkur hækka um 3,45% með hliðjón af verðlagsbreytingum 
Bakvarðasveitir endurvaktar
Ákveðið hefur verið að endurvekja bakvarðasveitir heilbrigðis- og velferðarþjónustunnar. Óskað er eftir liðsinni starfsfólks sem er reiðubúið að koma til starfa með skömmum fyrirvara, í fullt starf, hlutastarf eða í tímavinnu.
Ótækt að tekjur bakvarða skerði ellilífeyrisgreiðslur
Þórunn Sveinbjörnsdóttir, formaður Landssambands eldri borgara, segir ótækt að tekjur vegna starfa í bakvarðasveitum heilbrigðis- og menntakerfisins skerði ellilífeyri, sérstaklega í ljósi ákvörðunar Lilju Alfreðsdóttur, mennta- og menningarmálaráðherra, að tryggja að tekjur bakvarða skerði ekki námslán.
Fylgir hjartanu og hjálpar til
Menntasjóður námsmanna og Háskólinn í Reykjavík hafa breytt reglum til að koma til móts við námsmenn í bakvarðasveitinni. Sjúkraliði, sem neyddist til að hætta sem bakvörður vegna skertra námslána, hefur nú snúið aftur á Landspítalann. 
Hafa ekki rætt undanþágur fyrir aðra en bakverði
Ekki hefur verið rætt hvort til standi að koma til móts við aðra námsmenn sem starfa innan heilbrigðis- og velferðarkerfisins með sama hætti og þá sem starfa sem bakverðir. Þetta segir Lárus Sigurður Lárusson, stjórnarformaður Menntasjóðs námsmanna, í samtali við fréttastofu. Með fyrirhuguðum breytingum á úthlutunarreglum sjóðsins koma tekjur bakvarða ekki til skerðingar á námslánum.
Endurskoða námslán bakvarðarins
Mál konu sem fékk skert námslán vegna vinnu í bakvarðasveit heilbrigðiskerfisins verður tekið aftur til umfjöllunar hjá Menntasjóði námsmanna. Menntamálaráðherra er vongóð um að lausn finnist á málinu, þannig að vinna við bakvarðasveitina skerði ekki lán nemenda.   
Myndskeið
Námslánin skert vegna þátttöku í bakvarðasveitinni
Námslán konu, sem fór í bakvarðasveit heilbrigðisþjónustu í vor, verða skert um helming vegna launa fyrir vinnuna og álagsgreiðslu til heilbrigðisstarfsfólks. Fleiri eru í svipaðri stöðu og segist konan þekkja til fólks með heilbrigðismenntun sem ætlar ekki að skrá sig í bakvarðasveitina af ótta við tekjuskerðingu.
Auglýsa eftir fólki í bakvarðasveit heilbrigðisþjónustu
Heilbrigðisráðuneytið auglýsir eftir heilbrigðisstarfsfólki í bakvarðasveit heilbrigðisþjónustunnar. Leitað er að fólki sem getur komið tímabundið til starfa í heilbrigðisþjónustunni með skömmum fyrirvara, hvort sem er í fullt starf eða hlutastarf.