Færslur: atvinnulífið

Mesti slaki á vinnumarkaði í fimm ár
9.900 voru atvinnulaus í september sem er 4,9% af vinnuaflinu. Samtals voru 207.100 einstaklingar á aldrinum 16-74 ára að jafnaði á vinnumarkaði í september. Það jafngildir 79,2% atvinnuþátttöku. Áætlað hlutfall starfandi fólks af mannfjölda var 76,0%.
Stjórnendur þeirra stærstu svartsýnir
85% stjórnenda stærstu fyrirtækja landsins telja aðstæður slæmar í atvinnulífinu, matið er lakast í byggingariðnaði en jákvæðast í verslun. Meirihluti stjórnenda telur að ástandið verði enn verra eftir sex mánuði og á það við um flestar atvinnugreinar. Flestir búast við minni hagnaði í ár. Þetta er meðal niðurstaðna könnunar Gallup sem gerð var meðal stjórnenda 400 stærstu fyrirtækja landsins.
Hundruð starfa auglýst - flest í félagsþjónustu
Nokkur hundruð störf eru nú auglýst til umsóknar, en aðeins hluti þeirra kemur inn á borð Vinnumálastofnunar sem kallar eftir því að atvinnurekendur hafi meira samráð við stofnunina og láti vita af lausum störfum. Unnur Sverrisdóttir forstjóri Vinnumálastofnunar segir að auðvelt ætti að vera að manna störfin, en þau eru aðallega í félags- og heilbrigðisþjónustu.
ASÍ leggur til að grunnbætur hækki strax um tæp 10%
ASÍ leggur til að grunnbætur verði hækkaðar þegar í stað, tímabil tekjutengingar lengt, tekjutengdar bætur greiddar í tvöfalt lengri tíma og að dregið verði úr skerðingum. Þá vill ASÍ lengja framlengja hlutabótaleiðina til 1. júní á næsta ári.Samhliða þurfi að standa að atvinnusköpun og uppbyggingu.
Enginn grundvöllur fyrir viðræðum í Herjólfsdeilunni
Verkfall Herjólfs, sem hófst á miðnætti og lýkur á miðnætti annað kvöld, veldur miklu tjóni í ferðaþjónustunni í Vestmannaeyjum. Þetta segir hóteleigandi í Eyjum sem segist hafa orðið fyrir miklu tapi vegna þess og á von á að það verði meira. Hann biðlar til deiluaðila um að finna lausn. Talsmenn þeirra segja engan grundvöll fyrir viðræðum.
Fleiri atvinnulausir en á sama tíma í fyrra
Atvinnuleysi var 4,4 prósent á öðrum ársfjórðungi þessa árs. Það er aukning frá sama tímabili í fyrra og fyrsta ársfjórðungi þessa árs. Þá voru atvinnulausir 3,6 prósent. Fleiri karlar eru atvinnulausir en konur.
08.08.2019 - 10:14
Fréttaskýring
Misræmi milli frídaga barna og foreldra
Á Íslandi er algengt að grunnskólabörn fái tæplega 11 vikna sumarfrí. Foreldrar fá fæstir svo langt frí og það getur skapað vanda. Misræmi milli frídaga barna og foreldra hefur oft verið til umræðu en sumum finnst hún sérstaklega hávær nú. Málið verður tekið fyrir á þingi Alþýðusambands Íslands í haust, í fyrsta skipti. 
23.08.2018 - 18:00
Rík skylda að berjast gegn áreitni og ofbeldi
Stjórn Félags atvinnurekenda hvetur félagsmenn eindregið til að tryggja að kynferðisleg og kynbundin áreitni, ofbeldi og mismunun líðist ekki í fyrirtækjum þeirra.
12.12.2017 - 14:09