Færslur: Atvinnulíf og iðnaður

Hátt álverð jákvætt fyrir álver hér á landi
Heimsmarkaðsverð á áli rýkur upp og hefur ekki verið hærra í 13 ár. Hækkunin hefur góð áhrif á rekstur álvera hér á landi. Í gær fór verð á tonni yfir þrjú þúsund dollara. Hækkunin nemur um það bil fjörutíu prósentum það sem af er ári.
Íslenskir karlar vinna 12% lengri vinnuviku en konur
Munur á vinnutíma karla og kvenna í fullu starfi er mestur á Íslandi af öllum löndum OECD. Ein ástæða þess er að jaðarskattar eru meiri á konur í sambúð en karla. Bjarni Benediktsson efnahags- og fjármálaráðherra segir að ástæður þess þurfi að skoða nánar.
Myndskeið
Markmiðið að fjölga eggjum í körfunni
Þórdís Kolbrún Reykfjörð Gylfadóttir iðnaðarráðherra sér sóknarfæri í stóriðjunni og vill að Ísland verði fyrsta landið til að vera óháð jarðefnaeldsneyti. Hún vill fjölga störfum og breikka atvinnugreinina sem nú þegar skapi verðmæti, mörg hundruð störf og milljarðatugi í gjaldeyristekjur.
28.01.2021 - 16:29
Landsnet hækkar gjaldskrá, Landsvirkjun semur um lækkun
Landsnet hefur tilkynnt stórnotendum í hópi viðskiptavina sinna að þeir eigi von á 5,5 prósenta hækkun gjaldskrár frá og með 1. janúar á næsta ári. Á sama tíma berast fregnir af því að Rio Tinto sé að ná fram verulegri lækkun á rafmagnsverði í samningum sínum við Landsvirkjun.
25.11.2020 - 05:23
100 misstu vinnuna á hverjum degi í október
Um 3.000 manns bættust á skrár Vinnumálastofnunar yfir atvinnulausa í október. Það jafngildir því að um 100 hafi misst starf sitt á hverjum degi. Unnur Sverrisdóttir forstjóri Vinnumálastofnunar segir að þetta sé í takt við spár stofnunarinnar. Búast megi við svipaðri þróun út árið.
Þurfa að komast í hefilbekk, sög og suðu til að læra
Hertar sóttvarnareglur í skólum hafa áhrif á viðveru nemenda í iðnnámi sem ekki eiga gott með að stunda nám sitt í fjarnámi. Færri mega koma saman í hverjum áfanga. Þó útsjónarsemi nemenda og kennara sé mikil þá þurfa þeir að komast í góða aðstöðu og viðeigandi verkfæri.
Hópuppsögnum fækkar
Vinnumálastofnun hafa ekki borist fleiri tilkynningar um hópuppsagnir um nýliðin mánaðamót fyrir utan þær tvær sem stofnuninni bárust í síðustu viku þar sem samtals 71 missti vinnuna. Unnur Sverrisdóttir forstjóri Vinnumálastofnunar segir að ef um hefði verið að ræða fleiri hópuppsagnir, þá væri þegar búið að tilkynna stofnuninni um þær. Þetta eru talsvert færri hópuppsagnir en hafa verið síðustu mánuði.
Rúmlega 70 missa vinnuna í tveimur hópuppsögnum
Vinnumálastofnun hefur borist tilkynningar um tvær hópuppsagnir sem taka eiga gildi núna um mánaðamótin. Annars vegar er um að ræða fyrirtæki í veitingageiranum og hins vegar fyrirtæki í verslunarrekstri.
Starfsfólki fækkar í öllum greinum iðnaðar
Starfsfólki hefur fækkað í öllum greinum iðnaðar frá upphafi kórónuveirufaraldursins. Sú fækkun starfa sem orðið hefur undanfarna mánuði er alfarið bundin við einkageirann og á sama tíma hefur opinberum störfum fjölgað. Brýnt er að skapa störf í einkageiranum til að komast út úr því ástandi á vinnumarkaði og þeirri niðursveiflu sem nú ríkir. Þetta kemur fram í nýrri greiningu Samtaka iðnaðarins.
Leggja til að iðnaðarstefna verði mótuð
Þingmenn Pírata og hluti þingmanna Framsóknarflokks mæltu fyrir þingsályktunartillögu á Alþingi í dag þess efnis að Þórdís Kolbrún Reykfjörð Gylfadóttir Iðnaðar-nýsköpunar og ferðamálaráðherra komi á fót nefnd sem vinni að opinberri iðnaðarstefnu.
15.10.2020 - 22:45
Vilja selja álverið í Helguvík
Forsvarsmenn álvers Norðuráls í Helguvík hafa óskað eftir því við bæjaryfirvöld á Suðurnesjum að geta selt byggingar fyrirtækisins undir annars konar starfsemi en álver.
Stjórnendur þeirra stærstu svartsýnir
85% stjórnenda stærstu fyrirtækja landsins telja aðstæður slæmar í atvinnulífinu, matið er lakast í byggingariðnaði en jákvæðast í verslun. Meirihluti stjórnenda telur að ástandið verði enn verra eftir sex mánuði og á það við um flestar atvinnugreinar. Flestir búast við minni hagnaði í ár. Þetta er meðal niðurstaðna könnunar Gallup sem gerð var meðal stjórnenda 400 stærstu fyrirtækja landsins.
48% innflutningstollar á íslenskan kísilmálm
Allt að 48% innflutningstollar verða mögulega lagðir á íslenskan kísilmálm í Bandaríkjunum. Rannsóknarnefnd bandaríska viðskiptaráðuneytisins skoðaði undirverðlagningu á innfluttum kísilmálmi á Bandaríkjamarkaði í sumar.
16.09.2020 - 10:04
„Til skammar að vera ekki búin að semja“
Kjaradeila um 600 félagsmanna Verkalýðsfélags Akraness og Norðuráls á Grundartanga er í hnút. Þetta segir Vilhjálmur Birgisson, formaður félagsins. Hann segir að Norðurál bjóði kjör undir Lífskjarasamningnum, ekki komi til greina að samþykkja það.
Félögin fimm krefjast að Rio Tinto standi við hækkunina
Fundi samninganefnda fimm stéttarfélaga og Samtaka atvinnulífsins fyrir hönd Rio Tinto á Íslandi hjá ríkissáttasemjara lauk á tólfta tímanum í morgun. Kolbeinn Gunnarsson formaður Hlífar, sem er eitt félaganna fimm, sagði eftir fundinn að um hefði verið að ræða stöðufund, en þetta var fyrsti fundurinn í deilunni frá því að henni var vísað til ríkissáttasemjara. Félögin krefjast þess að Rio Tinto standi við hækkun sem samið hafði verið um með skilyrðum.
ASÍ leggur til að grunnbætur hækki strax um tæp 10%
ASÍ leggur til að grunnbætur verði hækkaðar þegar í stað, tímabil tekjutengingar lengt, tekjutengdar bætur greiddar í tvöfalt lengri tíma og að dregið verði úr skerðingum. Þá vill ASÍ lengja framlengja hlutabótaleiðina til 1. júní á næsta ári.Samhliða þurfi að standa að atvinnusköpun og uppbyggingu.
Rio Tinto sækir um nýtt starfsleyfi
Rio Tinto á Íslandi hefur sótt um nýtt starfsleyfi fyrir álver ISAL í Straumsvík. Mikið tap hefur verið á rekstrinum undanfarin ár og var álverið afskrifað að fullu í síðasta uppgjöri Rio Tinto. Stjórnendur Rio Tinto hafa gagnrýnt hátt orkuverð hér á landi og kærðu Landsvirkjun til Samkeppniseftirlitsins í síðasta mánuði fyrir misnotkun á yfirburðastöðu fyrirtækisins á raforkumarkaði.
Enginn grundvöllur fyrir viðræðum í Herjólfsdeilunni
Verkfall Herjólfs, sem hófst á miðnætti og lýkur á miðnætti annað kvöld, veldur miklu tjóni í ferðaþjónustunni í Vestmannaeyjum. Þetta segir hóteleigandi í Eyjum sem segist hafa orðið fyrir miklu tapi vegna þess og á von á að það verði meira. Hann biðlar til deiluaðila um að finna lausn. Talsmenn þeirra segja engan grundvöll fyrir viðræðum.
Rio Tinto og Landsvirkjun ræða enn raforkuverð
Landsvirkjun á enn í viðræðum við Rio Tinto, sem rekur álverið í Straumsvík, um hugsanlegar breytingar á raforkusamningi og segist reiðubúin að koma til móts við fyrirtækið vegna rekstrarerfiðleika þess. Talsmaður Rio Tinto hér á landi segir að lokun á álveri móðurfélags þess á Nýja Sjálandi hafi engin áhrif á starfsemina hér á landi. 
14% atvinnuleysi - óttast frekari uppsagnir strax í dag
Atvinnuleysi í Reykjanesbæ er komið um eða yfir 14%. Þetta segir Kjartan Már Kjartansson, bæjarstjóri. Isavia sagði í gær rúmlega hundrað manns upp störfum, vegna áhrifa kórónuveirufaraldursins á flugsamgöngur. Flestar uppsagnirnar eru á Keflavíkurflugvelli. Um tíu þúsund manns hafa unnið á flugvellinum þangað til núna í mars, en fjölmargir hafa misst vinnu sína að hluta eða öllu leyti á undanförnum dögum og vikum. Kjartan Már óttast fleiri slæmar fréttir strax í dag.
Myndskeið
Ísland undantekningin í samkeppninni við Kína
Kínverjar hafa lagt undir sig meira en helming allrar álframleiðslu í heiminum á síðustu tuttugu árum. Evrópskir álframleiðendur eiga erfitt með að standast ágjöfina, en aukin umhverfisvitund neytenda gæti fært íslenskum framleiðendum forskot.
09.02.2020 - 20:10
Atvinnuleysi á Suðurnesjum verulegt áhyggjuefni
Atvinnuleysi mælist nú það hæsta í fimm ár og er hlutfallslega lang mest á Suðurnesjum. Það, og atvinnuleysi útlendinga er verulegt áhyggjuefni, segir forstjóri Vinnumálastofnunar.
Sögur af landi
„Við megum ekki gleyma“
Nýverið opnaði Halldóra Helgadóttir myndlistarmaður málverkasýninguna Verkafólk á Listasafninu á Akureyri. Sýningunni er ætlað að varpa ljósi á líf og störf verkafólks sem að mati Halldóru voru undirstaðan í samfélaginu í byrjun síðustu aldar og fram eftir öldinni. Á sýningunni er sérstaklega horft til þeirra sem störfuðu í verksmiðjunum á Gleráreyrum á Akureyri. 
14.10.2019 - 15:29
Myndskeið
Hefur sláandi áhrif á vinnumarkað á Íslandi
Forsætisráðherra segir sláandi að sjá hversu mikil áhrif sjálfvirknivæðing hefur á íslenskan vinnumarkað. Miklar líkur eru á að þriðja hvert starf verði óþarft, samkvæmt skýrslu sem starfshópur, sem hún skipaði, kynnti í dag.
Líkur á að 86% starfa breytist verulega
Miklar líkur eru á því að um þriðja hvert starf á Íslandi breytist verulega eða hverfi alveg á allra næstu árum, samkvæmt nýrri skýrslu nefndar forsætisráðherra um fjórðu iðnbyltinguna. Aðeins 14% starfa eru ólíkleg til þess að taka breytingum.