Láglaunanfólk tekur versta skellinn í kreppunni sem nú gengur yfir og grípa verður til sértækra aðgerða til að koma í veg fyrir að ójöfnuður aukist, segir framkvæmdastjóri ASÍ.

Atvinnuleysi meðal erlendra ríkisborgara á Íslandi var í kringum 24 prósent í nóvember. Alls voru 8.553 erlendir ríkisborgarar atvinnulausir. Þetta kemur fram í nóvemberskýrslu Vinnumálastofnunar sem fréttastofa fjallaði um í gær. Um það bil 41 prósent allra á atvinnuleysisskrá hér á landi eru erlendir ríkisborgarar.

Síðan kóronuveirufaraldurinn skall á hefur aðsókn í matarúthlutun hjá Fjölskylduhjálp stóraukist og langar raðir myndast við úthlutunarstöðvar. Matarúthlutun í Reykjanesbæ hefur verið flutt í stærra húsnæði og nú er unnið að því að rafvæða úthlutunarkerfið til að koma í veg fyrir raðir, eins og hefur verið gert í hinni úthlutunarstöð samtakanna í Iðufelli í Reykjavík.

Um 11% fólks á vinnumarkaði er atvinnulaust, annað hvort alveg eða að hluta. Það eru 25 þúsund manns, átta þúsund þeirra eru erlendir ríkisborgarar. Til samanburðar fór atvinnuleysi hæst í rúm 9% í hruninu. Í lok árs er spáð að atvinnuleysi nái yfir 12%.

Bæjarstjórn Reykjanesbæjar skorar á ríkisstjórnina að lengja tímabil atvinnuleysisbóta tímabundið til að bregðast við efnahagslegum afleiðingum kórónuveirufaraldursins.

29 starfsmönnum hjá fjármálafyrirtækinu Borgun hefur verið sagt upp. Þetta er hluti hópuppsagnar sem tilkynnt var um fyrir helgi.

Fyllsta ástæða er til þess að hafa áhyggjur af því að langtímaatvinnuleysi festi sig í sessi hér á landi. Unga fólkið er sá hópur sem kemur til með að bera þyngstu byrðarnar. Þetta segir Þórunn Sveinbjarnardóttir, formaður BHM, en hún var gestur Vikulokanna á Rás eitt í morgun. Hún segir að margt sé ólíkt með núverandi stöðu á vinnumarkaði og var eftir hrun og kallar eftir opinberu fjárfestingarátaki.

Ragnar Þór Ingólfsson formaður VR vill að ríkisstjórnin leggi áherslu á stuðningsaðgerðir fyrir heimilin og fólk sem lendi í vanda með að standa við skuldbindingar sínar. Aðgerðir stjórnvalda vegna kórónuveirufaraldursins hafi ekki beinst nægilega að almenningi og heimilum í landinu.

Atvinnuleysi fer vaxandi, í síðasta mánuði var það rétt tæp tíu prósent og ef einnig er tekið tillit til þeirra sem eru í minna starfshlutfalli en áður telur Vinnumálastofnun að í október sé atvinnuleysi rúmlega ellefu prósent. Horfurnar fyrir yfirstandandi mánuð eru ekki góðar. Um 40% þeirra sem eru án atvinnu eru undir 35 ára aldri eða um tíu þúsund manns. Viðvarandi atvinnuleysi ungs fólks getur haft langvinn neikvæð áhrif á líf þess, starfsmöguleika og tekjur.

Almennt atvinnuleysi í október var 9,9% samkvæmt nýjum tölum frá Vinnumálastofnun. Það er nokkur aukning frá fyrri mánuðum, en atvinnuleysið var 9% í september, 8,5% í ágúst og 7,9% í júlí. Stofnunin spáir því að atvinnuleysi aukist enn frekar í nóvember.

Forsvarsmaður baráttuhóps smærri fyrirtækja, einyrkja og sjálfstætt starfandi aðila í ferðaþjónustu segir að skuldir eigi eftir að hlaðast upp verði ekki gripið í taumana. Eigendur rúmlega 260 smærri fyrirtækja sendu öllum þingmönnum bréf þar sem krafist er aðgerða til þess að bregðast við vandanum.