Færslur: Áslaug Arna Sigurbjörnsdóttir

Breyting ætluð á trúfélagalögum í samræmi við áhættumat
Áslaug Arna Sigurbjörnsdóttir dómsmálaráðherra telur fullt tilefni til að endurskoða ákvæði laga um skráð trú- og lífskoðunarfélög með hliðsjón af ábendingum í áhættumati ríkislögreglustjóra um skýrslugjöf og upplýsingar um fjárhag og ráðstöfun fjármuna slíkra félaga.
Verndarmál kosta dómsmálaráðuneyti um 4 milljarða á ári
Alls sóttu samtals 2.263 manns um alþjóðlega vernd hér á landi árin 2018 og ´19 og fyrstu tíu mánuði þessa árs. Um helmingur þessara umsókna fór beint í efnislega meðferð hjá Útlendingastofnun og um fjórðungur hafði þegar fengið vernd í öðru EES- eða EFTA-ríki. Meðallengd málsmeðferðar hefur verið rúmir fjórir mánuðir í ár og kostnaður dómsmálaráðuneytisins vegna þessa málaflokks var hátt í 12 milljarðar króna á þessu tæplega þriggja ára tímabili.
„Það er sannarlega svartur föstudagur í dag“
Svartur föstudagur, öryggi landsmanna og verkfallsrétturinn var meðal þess sem kom fram í máli þingmanna þegar þeir gerðu grein fyrir atkvæðum sínum vegna frumvarps Áslaugar Örnu Sigurbjörnsdóttur dómsmálaráðherra um lög þar sem bann er lagt við vinnustöðvun flugvirkja hjá Landhelgisgæslunni.
Samningar flugvirkja fara í gerðardóm verði ekki samið
Gerðardómi verður falið að ákveða kaup og kjör flugvirkja hjá Landhelgisgæslunni hafi samningar ekki tekist fyrir 4. janúar næstkomandi. Einnig verður gerðardómi ætlað að taka til meðferðar útfærslu á tengingu kjarasamnings flugvirkja við aðrar sambærilegar starfsstéttir á almennum vinnumarkaði.
Helmingur umsækjanda þegar með vernd í öðru landi
Um helmingur þeirra sem hafa sótt um alþjóðlega vernd hér á landi í ár höfðu þegar fengið alþjóðlega vernd í öðru landi, flestir í Grikklandi. Tveir umsækjendur hafa verið sendir til Grikklands í ár og fjórir fóru þangað sjálfviljugir.Þetta kemur fram í svari Áslaugar Örnu Sigurbjörnsdóttur dómsmálaráðherra við fyrirspurn Helga Hrafns Gunnarssonar þingmanns Pírata um endursendingu flóttafólks til Grikklands.
Fangelsisvist fyrir að dreifa kynferðislegu myndefni
Sá sem í heimildarleysi dreifir ljósmynd um nekt eða kynferðislega háttsemi annars skal sæta sektum eða fangelsi í allt að tvö ár, og fjögur ár sé brotið stórfellt. Þetta er meðal þess sem Áslaug Arna Sigurbjörnsdóttir dómsmálaráðherra leggur til í nýju frumvarpi um breytingu á almennum hegningarlögum, sem hún lagði fram í dag.
Lögreglan sýni að hún þjóni öllum sem hér búa og dvelja
„Það er alveg skýrt, haturstákn og sjónarmið verða ekki liðin innan lögreglunnar, ekki nú né framvegis. Ef við þurfum að auka menntun eða taka á því með einhverjum hætti sem yfirstjórn lögreglunnar telur rétt, þá gerum við það,“ skrifar Áslaug Arna Sigurbjörnsdóttir dómsmálaráðherra í færslu á Twitter í dag.
Kerfið verði að vera sveigjanlegra og skilvirkara
Dómsmálaráðherra segir verkefnið fram undan að svara hratt þeim sem hingað koma og biðja um alþjóðlega vernd, hvort sem þeir fá neikvæða niðurstöðu eða jákvæða. Kerfið verði að vera sveigjanlegra og skilvirkara. Þetta kom fram á Alþingi í morgun en ráðherra hafði tjáð sig um þetta á Alþingi fyrr í vikunni. Þetta er lokadagur umræðu á Alþingi um fyrstu umræðu fjárlaga og fyrri umræðu fjármálaáætlunar sem síðan verður vísað til fjárlaganefndar. 
Ný refsiákvæði vegna kynferðisofbeldis og umsáturs
Áslaug Arna Sigurbjörnsdóttir dómsmálaráðherra ætlar að leggja fram frumvörp í byrjun þings sem skýra refsiákvæði gagnvart kynferðislegri friðhelgi og umsáturseinelti. Áslaug Arna segir mikilvægt að tryggja rétt fólks til þess að vera látið óáreitt.
Áslaug Arna vill endurskoða meðferð útlendingamála
Ráðist verður fljótlega í endurskoðun á meðferð hælisumsókna og meðferð útlendingamála í heild sinni. Þetta segir Áslaug Arna Sigurbjörnsdóttir dómsmálaráðherra. Hún segir að mál Khedr-fjölskyldunnar frá Egyptalandi, sem fékk dvalarleyfi hér á landi í gær eftir að hafa farið í felur þegar vísa átti þeim úr landi, hafi gefið tilefni til þessa. Katrín Jakobsdóttir forsætisráðherra segist samgleðjast fjölskyldunni. Endurmeta þurfi lögin reglulega.
Íslandi ber að tryggja vernd og réttindi barna á flótta
„Velferðarríki eins og Íslandi ber að tryggja vernd og réttindi barna á flótta og veita þeim tækifæri til að alast upp í öruggu umhverfi.“ Þetta kemur fram í yfirlýsingu sem Félagsráðgjafafélag Íslands sendi frá sér í morgun vegna fjögurra barna fjölskyldu frá Egyptalandi sem vísa á úr landi á morgun. Fjölskyldan hefur dvalið á Íslandi í meira en tvö ár.
„Þau eiga sér framtíðardrauma“
Þau eiga sér framtíðardrauma. Þetta segir Sema Erla Serdar, formaður Solaris, hjálparsamtaka fyrir hælisleitendur og flóttafólk, um aðstæður fjögurra egypskra barna sem hafa búið hér á landi í rúm tvö ár. Samtökin gagnrýna ummæli Áslaugar Örnu Sigurbjörnsdóttur dómsmálaráðherra í sjónvarpsfréttum í gær, um að ekki yrðu gerðar reglugerðarbreytingar til að bjarga einstökum fjölskyldum sem fara í fjölmiðla.
Mistök að þiggja boð Landhelgisgæslunnar um þyrluflug
Áslaug Arna Sigurbjörnsdóttir dómsmálaráðherra viðurkennir að það hafi verið mistök að fara með þyrlu Landhelgisgæslunnar á samráðsfund heilbrigðisráðherra í síðustu viku. Hún segir tilefni til þess að endurskoða verklag og hyggst ekki þiggja sams konar boð aftur. 
Ólafur Helgi: „Ekki kunnugt um neinar breytingar“
Ólafur Helgi Kjartansson, lögreglustjóri á Suðurnesjum, segist ekki vita til þess að til standi að gera neinar breytingar á stöðu sinni, en Áslaug Arna Sigurbjörnsdóttir dómsmálaráðherra sagði fyrir um þremur vikum síðan að mál Ólafs væru til skoðunar innan ráðuneytisins eftir að hafa boðið Ólafi flutning í embætti lögreglustjóra í Vestmannaeyjum.
Myndskeið
Óvíst hvaða áhrif nýjar reglur hafa á farþegafjölda
Ekki hefur verið lagt mat á hvaða áhrif nýjar reglur um skimanir við landamærin hafa á fjölda flugfarþega. Þetta sagði Áslaug Arna Sigurbjörnsdóttir dómsmálaráðherra að loknum upplýsingafundi ríkisstjórnarinnar um landamæraskimanir í dag.
Gagnrýnir áform um að flytja Ólaf Helga til Eyja
Hildur Sólveig Sigurðardóttir, bæjarfulltrúi Sjálfstæðisflokksins í Vestmannaeyjum, gagnrýnir meint áform Áslaugar Örnu Sigurbjörnsdóttur dómsmálaráðherra um að færa Ólaf Helga Kjartansson, lögreglustjóra á Suðurnesjum, til Vestmannaeyja.
Klúr texti í prentara kveikti ófriðarbál á Suðurnesjum
Ósæmilegur texti sem lögreglustjóri prentaði út í sameiginlegum prentara á lögreglustöðinni varð til þess að upp úr sauð hjá lögreglunni á Suðurnesjum í byrjun maí. Þetta herma heimildir fréttastofu.
Tjáir sig ekki um starfsmannamál Suðurnesjalögreglunnar
Áslaug Arna Sigurbjörnsdóttir dómsmálaráðherra segir að í ráðuneytinu sé nú til meðferðar starfsmannamál tengt embætti lögreglustjórans á Suðurnesjum. Unnið sé að lausn málsins þannig að nauðsynlegri starfsemi embættisins verði áfram sinnt með eðlilegum hætti.
Lög­reglu­fé­lög mót­mæla lokun fangelsisins
Stjórnir Lögreglufélags Eyjafjarðar og Lögreglufélags Þingeyinga mótmæla fyrirhugaðri lokun Fangelsisins á Akureyri. Þetta kemur fram í yfirlýsingu frá félögunum.
Farið frjálslega með orðalag í samningunum
Farið var frjálslega með orðalag í samningum sem fyrrverandi ríkislögreglustjóri gerði við yfirlögregluþjóna og aðstoðaryfirlögregluþjóna um breytingar á launafyrirkomulagi þeirra.
Lokun á Akureyri skapar svigrúm fyrir 30 fangelsisrými
Dómsmálaráðherra segir að með lokun tíu fangelsisrýma á Akureyri skapist svigrúm til að opna fyrir þrjátíu pláss á Hólmsheiði og Litla Hrauni. 638 manns bíða nú eftir því að komast í afplánun.
Næsta skref að skoða rannsókn mála sem tengjast mansali
„Eitt af næstu skrefum er að skoða og rýna rannsókn mála þar sem grunur hefur leikið á að um mansal sé að ræða og athuga hvort sé kannski einhverja meinbugi að finna sem skýra af hverju þessi mál koma ekki til kasta ákæruvaldsins,“ segir Áslaug Arna Sigurbjörnsdóttir dómsmálaráðherra þegar hún er spurð að því hvernig standi til að bregðast við ábendingum til íslenskra stjórnvalda frá bandaríska utanríkisráðuneytinu um aðgerðir gegn mansali.
Áhersla á samfélagsþjónustu til styttingar boðunarlista
Áslaug Arna Sigurbjörnsdóttir, dómsmálaráðherra, kynnti í gær aðgerðir til að stytta boðunarlista til afplánunar refsinga. Starfshópur sem skipaður var af ráðherra skilaði skýrslu í gær með tillögum til úrbóta. Aukin áhersla á samfélagsþjónustu og sáttameðferð er þar ofarlega á baugi.
Ekki fleiri heimilisofbeldismál síðan 2015
Tilkynningar um heimilisofbeldi voru 106 í maí. Ekki hafa borist fleiri tilkynningar í einum mánuði frá 2015. Næstflestar tilkynningar bárust í apríl þegar málin voru 101. Þetta sagði Áslaug Arna Sigurbjörnsdóttir dómsmálaráðherra á Alþingi í gær.
Væntir þess að fleiri verði sendir úr landi
Lögreglan telur að með tilkomu sérhannaðs bíls til að sinna landamæraeftirliti muni þeim fjölga sem sendir eru héðan úr landi. Áslaug Arna Sigurbjörnsdóttir dómsmálaráðherra afhenti lögreglunni á höfuðborgarsvæðinu bíl í maí síðastliðnum sem er sérstaklega hannaður til að sinna landamæraeftirliti.