Færslur: ASÍ

ASÍ höfðar mál gegn SA vegna Ólafar Helgu og Icelandair
Stefna Alþýðusambands Íslands gegn Samtökum atvinnulífsins vegna uppsagnar Ólafar Helgu Adolfsdóttur, trúnaðarmanns Eflingar hjá Icelandair, var þingfest í Félagsdómi í dag. ASÍ krefst þess að viðurkennt verði með dómi að uppsögnin feli í sér brot gegn lögum um stéttarfélög og vinnudeilur og sé því ólögmæt, Icelandair verði sektað og SA greiði málskostnað.
19.10.2021 - 15:49
Innlent · Félagsdómur · Icelandair · SA · ASÍ
Aðgerða þörf vegna dýrtíðar og bensínverðs
Stjórnvöld hafa tæki í hendi til að tryggja að verðbólga komi ekki hart niður á þeim sem síst skyldi. Lækkun á olíugjaldi og öðrum lífsnauðsynjum er þar á meðal segir forseti ASÍ. Forseti ASÍ segir stjórnvöld þurfa að llíta á álögur á lífsnauðsynjar og þar með talið olíu og grípa til aðgerða til að aukin dýrtíð komi ekki niður á þeim sem síst skyldi.  
17.10.2021 - 10:19
Spegillinn
Skýla þarf fólki fyrir vaxta- og verðsveiflum
Húsnæðismál eiga að snúast um að fólk komist í öruggt skjól en ekki þjóna fjármálaöflunum að mati Drífu Snædal forseta Alþýðusambands Íslands. Verkalýðshreyfingin geri kröfur á ríkið í húsnæðismálum - hver sem staða samninga sé. 
Stýrivaxtahækkunin ógn við húsnæðisöryggi, segir Drífa
Hækkun stýrivaxta er ógn við húsnæðisöryggi fólks að mati forseta ASÍ. Framkvæmdastjóri Samtaka atvinnulífsins segir hækkunina hafa verið mildari en gert var ráð fyrir. Vextir hafa tvöfaldast síðan í vor.
Forstjóri Play: „Þetta eru bara órökstuddar dylgjur“
Birgir Jónsson, forstjóri Play, gefur lítið fyrir gagnrýni Drífu Snædal, forseta ASÍ, á framgöngu flugfélagsins gagnvart starfsfólki. Hann segir hana fara með órökstuddar dylgjur og hvetur hana til að birta gögn máli sínu til stuðnings.
01.10.2021 - 16:48
Starfsfólk Play leitar til ASÍ vegna aðbúnaðar
Starfsfólk flugfélagsins Play hefur ítrekað leitað til Alþýðusambands Íslands og kvartað undan slæmum aðbúnaði. Þetta segir Drífa Snædal, forseti ASÍ.
01.10.2021 - 14:47
Sammála um að rugga ekki bátnum
Einhugur var á meðal atvinnurekenda og verkalýðshreyfingarinnar að láta lífskjarasamninginn gilda út samningstímann þótt forsendur hans væru brostnar.
Lífskjarasamningar í gildi út samningstímann
Samtök atvinnulífsins og aðildarfélög ASÍ hafa sammælst um að Lífskjarasamningar standi og halda þeir því gildi sínu þar til þeir renna út þann 1. nóvember 2022.
27.09.2021 - 17:00
Sjónvarpsfrétt
Kosningaloforðin - meira um útgjöld en tekjur
Halldór Benjamín Þorbergsson framkvæmdastjóri Samtaka atvinnulífsins segir flokkana lofa miklu meira útgjalda- en teknamegin og segir stjórnmálamenn þurfa að forgangsraða. Hann hefur áhyggjur af áhrifum vaxtahækkana á lán heimilanna. Drífa Snædal forseti ASÍ segir stjórnmálaflokkana þurfa að skýra hver eigi að borga fyrir samneysluna og hvernig þeir ætli að breyta henni.
Gera athugasemdir við skýrslu AGS
Alþýðusamband Íslands hefur gert athugasemdir við skýrslu Alþjóðagjaldeyrissjóðsins um horfur í íslenskum efnahagsmálum. Skýrslan var gefin út 8. júní síðastliðinn en ASÍ sendi athugasemdir sínar til AGS í gær.
ASÍ aflýsir þingi vegna faraldursins
Miðstjórn Alþýðusambands Íslands tilkynnti í morgun að þeir hafi aflýst málefnahluta þings sambandsins, sem átti að fara fram 8. og 9. september. Þau segja ástæðuna vera samkomutakmarkanir og fjöldi smita í samfélaginu. Þó ítrustu sóttvarnarráðstafana yrði gætt telja þau samt umtalsverða hættu á því að smit gæti breiðst út meðal þingfulltrúa.
Spegillinn
Langtímaatvinnuleysi í eðlilegt horf á vormánuðum
Vinnumálastofnun spáir að það dragi jafnt og þétt úr langtímaatvinnuleysi og að á vormánuðum verði það komið í eðlilegt horf. Í lok júlí höfðu um 5400 verið án vinnu lengur en í 12 mánuði og fækkaði um tæplega 500 frá í júní.
Ekki hægt að leggja á framlínufólk annan eins vetur
Forseti ASÍ segir brýnt að tryggja afkomu fólks sem missir tekjur vegna kórónuveirufaraldursins og huga að öryggi og velferð framlínufólks. Ekki sé hægt að leggja á það annan eins vetur og í fyrra.
Bjarg lækkar leigu um allt að 35 þúsund
Íbúðafélagið Bjarg ætlar lækka leigu stórs hóps leigjenda sinna frá og með 1. september næstkomandi og nemur lækkunin allt að 35.000 kr. á mánuði. Íbúðafélagið er húsnæðissjálfseignarstofnun stofnuð af ASÍ og BSRB.
Segir ástæðu til bjartsýni eins og staðan er núna
Drífa Snædal forseti ASÍ telur útlitið á vinnumarkaði nú almennt ágætt. Ferðaþjónustan sé að fara af stað með miklum krafti og fólk að snúa til fyrri starfa þar. Hún segir alla finna það á eigin skinni hve mjög er að lifna yfir samfélaginu.
Play verður að semja, segir forseti ASÍ
Forseti ASÍ telur það ekki spurningu hvort heldur hvenær nýja flugfélagið Play verði að ganga til samninga við Flugfreyjufélag Íslands.
25.06.2021 - 12:36
Fjölmargir verið án vinnu frá upphafi Covid
Yfir sex þúsund manns hafa verið án vinnu í ár eða lengur en forseti Vinnumálastofnunar er bjartsýnn á að það fækki hratt í þeim hópi á næstu misserum. Forseti ASÍ segir að koma þurfi í veg fyrir að ungt fólk lendi í vanvirkni, líkt og gerðist eftir bankahrun.
Gagnrýndi Play í ávarpi á formannafundi ASÍ
Drífa Snædal, forseti ASÍ, gagnrýndi hið íslenska flugstéttarfélag, ÍFF, og flugfélagið Play í ávarpi forseta á formannafundi Alþýðusambands Íslands sem hófst klukkan 11 í dag. Drífa sagði aldrei hafa verið mikilvægara að vera með sterka verkalýðshreyfingu, sterk stéttarfélög og sterk heildarsamtök nú þegar harðnað hefur á dalnum.
15.06.2021 - 14:59
Spegillinn
Frumvarp um févíti ekki lagt fram
Frumvarp um brotastarfsemi á vinnumarkaði sem átti að leggja fram í tengslum við lífskjarasamninginn verður ekki lagt fram fyrir þinglok. Þrátt fyrir ítrekaðar tilraunir að leggja fram frumvarp hefur ekki náðst sátt um það innan verkalýðshreyfingarinnar. Líklegt er að tekist verði á um málið í næstu kjaraviðræðum.
Samdráttur bitnar á smærri og viðkvæmari hópum
Hlutfall þeirra sem teljast langtímaatvinnulaus er nú um 30 af hundraði en nokkuð hafði borið á langtímaatvinnuleysi áður en kórónuveirufaraldurinn skall á. Í lok árs 2019 höfðu um 1.700 verið án atvinnu lengur en í tólf mánuði.
Segir ósvífni ÍFF og Play smita út á vinnumarkaðinn
Drífa Snædal, forseti ASÍ segir að ÍFF, Íslenska flugstéttafélagið, beri öll merki þess að vera gult stéttarfélag. Þeir sem sömdu kjarasamning flugfreyja og flugþjóna séu ekki þeir sem eiga að sinna störfunum sem hann snýr að. Ósvífni ÍFF og Play gagnvart launafólki muni smitast út um allan vinnumarkaðinn ef ekki verði spyrnt við fótum.
28.05.2021 - 15:50
Stjórn ÍFF stígur fram með semingi
Stjórn Íslenska flugstéttafélagsins (ÍFF) hefur upplýst ríkissáttasemjara um hverjir það voru sem skrifuðu undir kjarasamninga félagsins við Play. Stjórnarmenn harma að nöfn þeirra hafi verið dregin inn í umræðuna.
Segja ummæli Drífu sorglegan og annarlegan áróður
PLAY segir ummæli Drífu Snædal, forseta ASÍ, um launakjör starfsmanna fyrirtækisins vera sorglegan og annarlegan áróður. Fyrirtækið lýsir yfir sárum vonbrigðum með að hún „skuli bregða fæti fyrir nýtt flugfélag sem er beinlínis stofnað til að færa Íslendingum kjarabætur í formi lægri flugfargjalda," segir í fréttatilkynningu PLAY.
20.05.2021 - 02:12
ASÍ segir vaxtahækkun ekki vænlega á þessum tímapunkti
Miðstjórn ASÍ mótmælir hækkun stýrivaxta Seðlabankans í ljósi þess að enn séu miklar takmarkanir á möguleikum atvinnulausra og fjölmörg fyrirtæki glími við rekstrarerfiðleika vegna sóttvarnaráðstafana.
Spegillinn
Lægstu laun á íslenskum vinnumarkaði
Íslenska flugstéttarfélagið sendi í dag sáttasemjara ríkisins kjarasamninga sem það hefur gert fyrir flugmenn og flugliða flugfélagsins Play. Sáttasemjari hafði ítrekað leitað eftir að fá samningana því skylda er að skila öllum kjarasamningum til embættisins. Forseti ASÍ segir að sér hafi brugðið þegar hún sá samning flugfreyja. Hann kveði á um lægstu laun sem sést hafi á íslenskum vinnumarkaði núna.
17.05.2021 - 17:20