Færslur: Angela Merkel

Merkel segir vart til orð yfir eyðilegginguna
Angela Merkel kanslari Þýskalands segir að þýsk tunga eigi vart orð til að lýsa eyðileggingunni sem flóðin í vestanverðu landinu hefur haft í för með sér. Hún kannaði aðstæður í þorpinu Schuld í Rheinland- Pfalz ríki í dag.
18.07.2021 - 17:52
Standa saman gegn Rússum og Kínverjum
Joe Biden Bandaríkjaforseti sagði á blaðamannafundi með Angelu Merkel, kanslara Þýskalands, í gærkvöld að ríkin standi saman gegn yfirgangi Rússa. Biden sagði blaðamönnum að hann hafi lýst áhyggjum sínum vegna Nord Stream 2 gasleiðslunnar sem liggur frá Rússlandi til Þýskalands. Þau Merkel voru þó sammála um að Rússar fái ekki að nota orku sem vopn í deilum við önnur ríki, að sögn BBC.
16.07.2021 - 01:33
Höfnuðu tillögu Merkels og Macrons um fundi með Pútín
Leiðtogaráð Evrópusambandsins hafnaði í gærkvöld óvæntri tillögu Angelu Merkel, Þýskalandskanslara, og Emmanuels Macron, forseta Frakklands, um að taka aftur upp beina fundi leiðtoganna með Vladimír Pútín Rússlandsforseta. Leiðtogar Póllands og Eystrasaltsríkjanna fóru fyrir andstöðunni við tillöguna og sögðu slíka eftirgjöf senda röng skilaboð til Evrópubúa og umheimsins.
Bandaríkjastjórn fús að upplýsa um njósnamál
Karine Jean-Pierre, talsmaður Hvíta hússins, sagði í gærkvöld að Bandaríkjastjórn væri fús að svara öllum spurningum varðandi njósnir um evrópska bandamenn. Þetta er hið fyrsta sem heyrist frá Bandaríkjastjórn um hleranir þjóðaröryggisstofnunar Bandaríkjanna, NSA, í samvinnu við leyniþjónustu danska hersins. Jean-Pierre, sem er aðstoðarblaðafulltrúi Joe Bidens forseta, svaraði spurningum blaðamanna um borð í forsetaflugvélinni Air Force Once í gær. Hún var spurð um hleranir NSA í Evrópu.
Bjartsýni á efnahagsbata í Þýskalandi
Peter Altmaier, efnahagsráðherra Þýskalands, segir ástæðu til bjartsýni á efnahagsbata í landinu eftir mjög erfitt ár í skugga kórónuveirufaraldursins. Öll gögn bendi til þess að hagvöxtur í landinu verði hærri en þau þrjú prósent sem spáð var í janúar síðastliðnum.
Merkel búin að fá fyrri sprautuna af Astrazeneca
Angela Merkel Kanslari Þýskalands fékk fyrri sprautuna bóluefni Astrazeneca í dag. Merkel segir að þriðja bylgjan standi enn yfir þar í landi og ástandið sé grafalvarlegt.
16.04.2021 - 15:54
Merkel hvetur Pútín til að minnka umsvif við Úkraínu
Angela Merkel, kanslari Þýskalands, hvatti Vladimír Pútín, forseta Rússlands, til þess í dag að minnka hernaðarumsvif við landamæri Rússlands að austurhluta Úkraínu. Spennan hefur aukist á svæðinu að undanförnu og aukin harka hefur færst í bardaga úkraínska hersins og aðskilnaðarsinna.
08.04.2021 - 15:27
Spegillinn
Faraldurinn hefur áhrif á kosningar í Þýskalandi
Covid-19 faraldurinn, viðbrögðin við honum og tafir á bólusetningu setja svip sinn á þýsk stjórnmál um þessar mundir. Kosið verður til sambandsþingsins í september, en kosningaúrslti í tveimur ríkjum af sextan á sunnudag eru taldar gefa vísbendingar um hvað gerist í haust.
16.03.2021 - 09:06
Armin Laschet kjörinn formaður Kristilegra demókrata
Armin Laschet var rétt í þessu kosinn formaður Kristilegra demókrata í Þýskalandi á stafrænum landsfundi flokksins. Hann hlaut 522 atkvæði og tekur þar með við af Annegret Kramp-Karrenbauer sem formaður flokksins.
16.01.2021 - 11:02
Fordæma árasina og minna á virðingu fyrir lýðræðinu
Þjóðarleiðtogar og fyrrverandi Bandaríkjaforsetar fordæma framferði þeirra sem réðust inn í þinghúsið í gær. Mikilvægi þess að úrslit lýðræðislegra kosninga séu virt er flestum þeirra hugleikið.
Vænta strangra sóttvarnarráðstafana áfram í Þýskalandi
Búist er við að stjórnvöld í Þýskalandi framlengi strangar sóttvarnarreglur í landinu sem renna á út 10. janúar næstkomandi. Angela Merkel kanslari fundar með forsætisráðherrum allra sambandsríkjanna sextán síðar í dag, sem hafa sent skýr skilaboð um vilja til að áfram gildi strangar reglur um samkomur fólks.
Árið 2021 gengur í garð um heimsbyggð alla
Árið 2021 gekk fyrst í garð í eyríkjunum Kiribati og Samoa í Kyrrahafi. Næst hófst nýja árið á Nýja-Sjálandi þar sem fjölmenni safnaðist saman í miðborg höfuðborgarinnar Auckland og fylgdist með flugeldasýningu.
01.01.2021 - 06:28
Evrópuleiðtogar fagna Brexit-samningi
Samkomulagi Breta og Evrópusambandsins hefur verið fagnað víða í dag og þeir leiðtogar Evrópusambandsríkja sem hafa tjáð sig um samninginn allir verið á jákvæðu nótunum. Angela Merkel, Þýskalandskanslari, segir samninginn sögulegan og leggja grunninn að nýjum kafla í sambandi Bretlands og Evrópusambandsins.
25.12.2020 - 01:02
Enn langt á milli Breta og ESB
Björn Þór Sigbjörnsson og Bogi Ágústsson ræddu pattstöðuna í samningaviðræðum Breta og Evrópusambandsins. Kvöldverðarfundur Boris Johnsons og Ursulu von der Leyen skilaði engri niðurstöðu annarri en að viðræðum yrði haldið áfram til sunnudags. Mikið skilur enn í milli.
Mikilvægur Brexit símafundur áætlaður í dag
Samningamenn Bretlands og Evrópusambandsins gera tilraun til að leysa úr þrátefli samningaviðræðnanna með því að kalla þau Boris Johnson forsætisráðherra og Ursulu Von Der Leyen forseta framkvæmdarstjórnar ESB að borðinu. Til stendur að þau haldi símafund í dag.
Fimm látin eftir árásina í Trier 1. desember
Nú liggur fyrir að fimm létust þann 1. desember síðastliðinn þegar smájeppa var ekið á gangandi vegfarendur í borginni Trier í vesturhluta Þýskalands. Þeirra á meðal er níu mánaða gamalt stúlkubarn.
03.12.2020 - 02:59
Milljarðar í að flytja COVID-sjúklinga milli ESB-landa
Leiðtogaráð Evrópusambandsins samþykkti í kvöld að leggja jafnvirði um 36 milljarða króna í flutninga á COVID-19 sjúklingum milli aðildarríkja; frá löndum þar sem sóttin geisar hvað heitast til ríkja þar sem staðan er betri og álag á sjúkrahúsum minna.
30.10.2020 - 01:34
Demókratar með gott forskot en fólk man 2016
Björn Þór Sigbjörnsson og Þórunn Elísabet Bogadóttir ræddu hertar aðgerðir í Evrópuríkjum vegna kórónuveirunnar við Boga Ágústsson í Heimsglugga dagsins. Bæði Frakkar og Þjóðverjar hafa gripið til lokana til að reyna að koma böndum á COVID-19 faraldurinn.
Tvísýnt um Brexit viðskiptasamning
Boris Johnson, forsætisráðherra Breta, segir að Bretar verði að búa sig undir að viðskiptin við Evrópusambandið verði á grundvelli alþjóðlegra viðskiptasamninga. Horfur á að viðskiptasamningur takist á milli ESB og Breta hafa minnkað. Lítill vilji virðist til að slaka á afstöðu. Angela Merkel, kanslari Þýskalands, segir þó að báðir þurfi að gefa eftir til að ná samkomulagi. 
16.10.2020 - 13:34
Mögulega hætt við Nord Stream 2
Þjóðverjar hafa gefið í skyn að mögulega verði hætt við gaslögnina Nord Stream 2, gefi Rússar ekki viðunandi skýringar á hvernig stjórnarandstæðingurinn Alexei Navalny veiktist af taugaeitrinu novichok. Navalny er kominn til meðvitundar eftir að hafa verið haldið sofandi á Charite-sjúkrahúsinu í Berlín. Hann er áfram í öndunarvél og segja læknar að of snemmt sé að segja til um langtímaáhrif eitursins.
07.09.2020 - 18:17
Morðtilraun við Alexei Navalny og stjórnmál í Bretlandi
Í Heimsglugganum á Morgunvaktinni á Rás 1 var rætt um rússneska stjórnarandstæðinginn Alexei Navalny, sem liggur fársjúkur á Charité-spítalanum í Berlín. Þýsk stjórnvöld segja hafið yfir allan vafa að veikindi hans séu afleiðingar eitrunar, honum hafi verið byrlað taugaeitrið novichok.
03.09.2020 - 10:14
Merkel fordæmir tilræðið við Navalny
Angela Merkel, kanslari Þýskalands, krefur rússnesk stjórnvöld skýringa á banatilræði við stjórnarandstæðinginn Alexei Navalny. Hún segir engan vafa leika á að honum hafi verið byrlað taugaeitrið nocvichok. Navalny er á Charité spítalanum í Berlín þar sem honum er haldið sofandi.
02.09.2020 - 17:06
Navalny gefið sama mótefni og Skripal-feðginum
Angela Merkel Þýskalandskanslari hvatti í dag rússnesk yfirvöld til að rannsaka hvort eitrað hafi verið fyrir stjórnarandstæðingnum Alexei Navalny sem nú liggur nú í dái á sjúkrahúsi í Berlín.
24.08.2020 - 22:43
Glæparannsókn í Hvíta-Rússlandi vegna andófshóps
Glæparannsókn er hafin í Hvíta-Rússlandi vegna þess sem stjórnvöld kalla tilraunir stjórnarandstöðunnar til að hrifsa völdin. Alexander Lukasjenkó gerir enn allt hvað hann getur til að treysta völd sín eftir umdeildar forsetakosningar fyrr í mánuðinum.
Þjóðverjar mótmæla hugmyndum um viðskiptabann
Þýski utanríkisráðherrann Heiko Maas lýsir yfir vanþóknun sinni við Mike Pompeo utanríkisráðherra Bandaríkjanna vegna hótana Bandaríkjamanna um að beita viðskiptabanni á höfnina í Sassnitz við Eystrasalt. Ástæðan er tengsl borgarinnar við lagningu Nord Stream 2 gasleiðslunnar.
10.08.2020 - 16:10