Færslur: Álverið í Straumsvík

Verkfallsaðgerðum í Straumsvík frestað
Verkfallsaðgerðum starfsmanna í álveri Rio Tinto í Straumsvík sem hefjast áttu á morgun hefur verið frestað. Samninganefnd þeirra fimm stéttarfélaga hjá Rio Tinto sem höfðu samþykkt verkfallsboðun, fundaði með samninganefnd Samtaka atvinnulífsins fram á í nótt og aðaltrúnaðarmaður starfsmanna álversins segir að náðst hafi samkomulag sem hægt sé að byggja áframhaldandi viðræður á.
Verkfalli í Straumsvík frestað um viku
Verkfalli sem hefjast átti í álveri Rio Tinto í Straumsvík (ISAL) á morgun föstudag, hefur verið frestað um viku.
15.10.2020 - 18:10
Atkvæðagreiðslu um verkfall hjá Rio Tinto lýkur í dag
Atkvæðagreiðsla um skæruverkfall 400 starfsmanna, fimm stéttarfélaga, hjá Rio Tinto klukkan eitt í dag. Það er mikill meirihluti alls starfsfólks í álverinu. Samþykki þau aðgerðir, hefjast þær á föstudag eftir rúma viku.
07.10.2020 - 08:04
Kosið um verkfall í álverinu í Straumsvík
Félagsmenn í fimm stéttarfélögum sem starfa hjá álveri Rio Tinto í Straumsvík undirbúa nú aðgerðir til að knýja á um gerð kjarasamninga. Könnun var gerð meðal félagsmanna í stéttarfélögunum, yfirgnæfandi meirihluti styður aðgerðir, kosið verður um þær á næstu dögum og áformað er að þær hefjist 16. október.
Spegillinn
Samningar lausir í öllum álverunum
Kjarasamningar eru lausir hjá starfsmönnum álveranna þriggja sem rekin eru hér á landi. Öll verkalýðsfélög álvers Norðuráls á Grundartanga hafa boðað verkföll frá 1. desember. Formaður Verkalýðsfélags Akraness segir að deilan á Grundartanga sé stál í stál.
07.09.2020 - 17:00
Félögin fimm krefjast að Rio Tinto standi við hækkunina
Fundi samninganefnda fimm stéttarfélaga og Samtaka atvinnulífsins fyrir hönd Rio Tinto á Íslandi hjá ríkissáttasemjara lauk á tólfta tímanum í morgun. Kolbeinn Gunnarsson formaður Hlífar, sem er eitt félaganna fimm, sagði eftir fundinn að um hefði verið að ræða stöðufund, en þetta var fyrsti fundurinn í deilunni frá því að henni var vísað til ríkissáttasemjara. Félögin krefjast þess að Rio Tinto standi við hækkun sem samið hafði verið um með skilyrðum.
Rio Tinto sækir um sambærilegt starfsleyfi
Í umsókn Rio Tinto á Íslandi til Umhverfisstofnunar um nýtt starfsleyfi er sótt um leyfi sambærilegt því sem nú er í gildi. Engar ákvarðanir hafa verið teknar um framtíð ISAL, álvers fyrirtækisins í Straumsvík sem er eina álver Rio Tinto sem eftir er í Evrópu. 
20.08.2020 - 14:14
Rio Tinto sækir um nýtt starfsleyfi
Rio Tinto á Íslandi hefur sótt um nýtt starfsleyfi fyrir álver ISAL í Straumsvík. Mikið tap hefur verið á rekstrinum undanfarin ár og var álverið afskrifað að fullu í síðasta uppgjöri Rio Tinto. Stjórnendur Rio Tinto hafa gagnrýnt hátt orkuverð hér á landi og kærðu Landsvirkjun til Samkeppniseftirlitsins í síðasta mánuði fyrir misnotkun á yfirburðastöðu fyrirtækisins á raforkumarkaði.
Afskrifa allar óefnislegar eignir vegna álversins
Námufyrirtækið Rio Tinto hefur fært niður óefnislegar eignir sínar vegna álversins í Straumsvík um 269 milljónir dollara. Það jafngildir um 37 milljörðum íslenskra króna. Þetta kemur fram í árshluta reikningi Rio Tinto, sem birtur var í dag.
29.07.2020 - 12:06
Óljóst hvort kæra Rio Tinto verður rannsökuð formlega
Samkeppniseftirlitið þarf að afla frekari upplýsinga frá Rio Tinto og Landsvirkjun áður en tekin verður ákvörðun um hvort kæra Rio Tinto til embættisins verður tekin til rannsóknar.  Páll Gunnar Pálsson, forstjóri Samkeppniseftirlitsins, segir að þessi vinna taki einhverjar vikur. Ákvörðunin um hvort hafin verði formleg rannsókn á grundvelli kvörtunarinnar liggi í fyrsta lagi fyrir í ágúst.
23.07.2020 - 16:44
Vill halda í álverið en horfir líka á stóra samhengið
Þórdís Kolbrún Reykfjörð Gylfadóttir, Iðnaðarráðherra segir álverið í Straumsvík mikilvægt fyrirtæki sem vont væri að missa. Það sé þó nauðsynlegt að líta til stóra samhengisins. Móðurfélagið hafi þegar lokað 7 af 8 álverum sínum í Evrópu. Óljóst er hvort álverið þraukar þar til kvörtun sem það lagði fram í gær fæst afgreidd hjá Samkeppniseftirlitinu.
Kvörtun Rio Tinto kom Landsvirkjun á óvart
Forstjóri Landsvirkjunar segir að kæra Rio Tinto til Samkeppniseftirlitsins komi á óvart. Hann vísar ásökunum um samkeppnisbrot á bug.
22.07.2020 - 20:46
Rio Tinto kvartar til Samkeppniseftirlitsins
Rio Tinto lagði í dag fram formlega kvörtun til Samkeppniseftirlitsins vegna Landsvirkjunar. Að þeirra mati fela mismunandi verð í raforkusamningum Landsvirkjunar í sér mismunun gagnvart viðskiptavinum, fyrirtækið misnoti þannig markaðsráðandi stöðu sína gagnvart ISAL, álverinu í Straumsvík.
Rio Tinto og Landsvirkjun ræða enn raforkuverð
Landsvirkjun á enn í viðræðum við Rio Tinto, sem rekur álverið í Straumsvík, um hugsanlegar breytingar á raforkusamningi og segist reiðubúin að koma til móts við fyrirtækið vegna rekstrarerfiðleika þess. Talsmaður Rio Tinto hér á landi segir að lokun á álveri móðurfélags þess á Nýja Sjálandi hafi engin áhrif á starfsemina hér á landi. 
Töldu fyrirvara skynsamlegan á kjarasamningi Rio Tinto
Talið var skynsamlegt að hafa fyrirvara á kjarasamningi við starfsmenn Rio Tinto þess efnis að hann sé bundinn því skilyrði að nýr raforkusamningur takist við Landsvirkjun. Þetta segir Halldór Benjamín Þorbergsson, framkvæmdastjóri Samtaka atvinnulífsins.
Furðar sig á skilyrðum kjarasamnings Rio Tinto
Forstjóri Landsvirkjunar segir það sæta furðu að Rio Tinto hafi skilyrt kjarasamninga við starfsmenn sína á Íslandi við að raforkusamningur við Landsvirkjun verði endurskoðaður. Formaður verkalýðsfélagsins Hlífar segir Rio Tinto að ákveðnu leyti beita starfsmönnum fyrir sig í baráttu fyrir betri raforkusamning.
07.04.2020 - 12:29
Forstjóri Landsvirkjunar: Þurfum að standa í lappirnar
Hörður Arnarson, forstjóri Landsvirkjunar, telur rétt að Rio Tinto, sem rekur álverið í Straumsvík, sýni fram á að hátt raforkuverð sé ástæðan fyrir rekstrarerfiðleikum álversins með því að birta reikninga fyrirtækisins.
24.02.2020 - 21:21
Viðtal
Segir að lokun álversins yrði gríðarlegt högg
Guðrún Hafsteinsdóttir, formaður Samtaka iðnaðarins, segir að það yrði gífurlegt högg fyrir íslenskt atvinnulíf ef Rio Tinto hættir starfsemi í Straumsvík. Um 1.250 störf séu þarna undir, 500 störf hjá fyrirtækinu og 750 afleidd störf. Þá skapi fyrirtækið 60 milljarða króna í gjaldeyristekjur á ári, þar af skilja það hér eftir 22-23 milljarða króna í sköttum, launum og raforku á hverju ári.
Öll þrjú álfyrirtækin rekin með tapi í fyrra
Öll álverin þrjú voru rekin með tapi í fyrra. Árið á undan var Norðurál á Grundartanga það eina sem var rekið réttu megin við núllið og skilaði þá hagnaði upp á hálfan milljarð.
13.02.2020 - 18:23
Viðtal
Bætist í óveðurskýin yfir Íslandi
„Við höfum talað um það síðustu vikur að það séu óveðurský yfir Íslandi og fréttir af Straumsvík í morgun eru enn ein staðfesting þess. Og þetta eru býsna skýr skilaboð sem þarna koma fram,“ sagði Sigurður Hannesson, framkvæmdastjóri Samtaka iðnaðarins, í hádegisfréttum RÚV. Tilkynnt var í morgun að Rio Tinto endurskoðar rekstur álversins. Hugsanlega verður dregið úr framleiðslu fyrirtækisins eða því lokað.
12.02.2020 - 12:48
Starfsfólk álversins slegið og áhyggjufullt
Starfsfólk álversins í Straumsvík er slegið vegna mögulegrar lokunar álversins. Boðað var til starfsmannafundar í morgun þar sem stjórnendur fyrirtækisins upplýstu fólk um stöðuna.
12.02.2020 - 11:32
Staða álversins alvarleg fyrir Hafnarfjörð
„Þetta er alvarlegt mál og við fylgjumst náið með framvindu þess. Við höfum áhyggjur,“ segir Rósa Guðbjartsdóttir, bæjarstjóri í Hafnarfirði, um fréttir af álverinu í Straumsvík. Fyrirtækið hefur tilkynnt að reksturinn verði endurskoðaður. Horft sé til ýmissa möguleika, meðal annars að draga úr framleiðslu eða jafnvel lokun álversins. Ástæðan er lækkandi heimsmarkaðsverð á áli og raforkukostnaður sem fyrirtækið segist ekki ráða við.  
12.02.2020 - 10:39