Færslur: Alþingiskosningar 2017

Formennirnir hittast á ný í dag
Formenn Sjálfstæðisflokksins, Vinstri grænna og Framsóknarflokksins hittast á fundi í Ráðherrabústaðnum við Tjarnargötu í Reykjavík í dag og halda þar áfram stjórnarmyndunarviðræðum. Hlé var gert á viðræðunum á föstudag vegna miðstjórnarfundar Framsóknarflokksins sem hafði verið skipulagður og dagsettur áður en stjórnarmyndunarviðræðurnar hófust. Formennirnir hittust þó aftur síðdegis á laugardag og héldu málefnavinnunni þá áfram.
Framsóknarflokkurinn aldrei verið öflugri
Sigurður Ingi Jóhannsson, formaður Framsóknarflokksins, segist ekki muna eftir flokknum öflugri en nú. Fjölmenni var á miðstjórnarfundi flokksins á Laugarbakka í Miðfirði. Þar var meðal annars rætt um komandi sveitarstjórnarkosningar og innra starf flokksins. Formaðurinn er bjartsýnn á að boðað verði til annars miðstjórnarfundar á næstu dögum til að greiða atkvæði um ríkisstjórnarssamstarf.
Vinna við málefnasamning heldur áfram
Hlé var gert á stjórnarmyndunarviðræðum eftir hádegi í gær vegna áður boðaðs miðstjórnarfundar Framsóknarflokksins sem haldinn er á Laugabakka í Miðfirði.
Málefnasamningur gæti legið fyrir eftir helgi
Formenn Framsóknarflokks, Sjálfstæðisflokks og Vinstri grænna funduðu frameftir í gærkvöld og héldu svo áfram fundum í morgun. Viðræður ganga vel og allt útlit fyrir að málefnasamningur liggi fyrir upp úr helgi. Formennirnir halda ráðherrafjölda fast að sér. 
Stjórnarmyndunarviðræður halda áfram
Formenn Framsóknarflokks, Sjálfstæðisflokks og Vinstri grænna funduðu fram á kvöld í gær um myndun ríkisstjórnar. Áður höfðu formennirnir fundað með forystufólki vinnumarkaðarins, ASÍ og Samtökum atvinnulífsins til þess að fá yfirsýn yfir þá stöðu sem við blasir í kjaraviðræðum.
Enn er allt ófrágengið um skiptingu ráðuneyta
Bjarni Benediktsson formaður Sjálfstæðisflokksins telur eðlilegt að Sjálfstæðismenn fái fleiri ráðherrastóla í ríkisstjórn Sjálfstæðisflokks, Vinstri grænna og Framsóknar ef Katrín Jakosdóttir verður forsætisráðherra. Hún hefur ekki hug á að fjölga ráðherrum eða ráðuneytum í þeirri ríkisstjórn.
Halldór: Þurfum að standa vörð um kaupmáttinn
Halldór Benjamín Þorbergsson, framkvæmdastjóri Samtaka atvinnulífsins, segir að samtökin séu ekki pólitísk. Númer eitt, tvö og þrjú sé að standa vörð um þann stöðugleika sem náðst hefur í íslensku samfélagi á undanförnum árum.
Gylfi: Leggjum af stað með jákvæðum huga
Gylfi Arnbjörnsson, forseti ASÍ, segir í samtali við fréttastofu, að þjóðin kjósi sér ríkisstjórn og allar ríkisstjórnir verðskuldi samstarf til að byrja með, síðan komi í ljós hvort það sé farsælt eða ekki. Hann segir að Alþýðusambandið leggi af stað með jákvæðum huga.
Svandís til flokksmanna: „Ekki fara“
Svandís Svavarsdóttir, þingflokksformaður Vinstri grænna biður flokksmenn að gefa sér og Katrínu Jakobsdóttur, formanni flokksins, nokkra daga til að kanna hvort grundvöllur sé fyrir ríkisstjórnarsamstarfi með Sjálfstæðisflokknum og Framsóknarflokknum. Hún biður flokksmenn um að fara ekki úr flokknum.
16.11.2017 - 17:44
Drífa Snædal hefur sagt sig úr VG
Drífa Snædal, fyrrverandi varaþingmaður og fyrrum framkvæmdastjóri Vinstri grænna , hefur sagt sig úr flokknum. Í pistli Drífu til stuðningsmanna VG segir hún ástæðuna vera mögulegt ríkisstjórnarsamstarf við Sjálfstæðisflokkinn. Drífa hafði verið í flokknum í 18 ár.
16.11.2017 - 15:27
Viðtöl
Ráðherrum verði ekki fjölgað
Formenn Sjálfstæðisflokksins, Vinstri grænna og Framsóknarflokksins segja að viðræður flokkanna um myndun ríkisstjórnar gangi vel. Formaður Sjálfstæðisflokksins segir að niðurstaða kunni að liggja fyrir um helgina. Formaður Vinstri grænna segir að hún hafi ekki hug á að fjölga ráðherrum í ríkisstjórn.
Nokkurra daga vinna eftir
Formenn Sjálfstæðisflokks, Vinstri grænna og Framsóknarflokks halda viðræðum sínum um myndun ríkisstjórnar áfram eftir hádegi en viðræðum miðar vel. Þingflokksformaður Framsóknar segir þó enn nokkurra daga vinnu eftir áður en hægt verði að kynna málefnasamning. Forseti Íslands fylgist með gangi mála. 
Halda áfram viðræðum um stjórnarmyndun
Viðræður Sjálfstæðisflokks, Vinstri grænna og Framsóknarflokks um myndun ríkisstjórnar halda áfram í dag. Búist er við að formennirnir fundi sérstaklega og síðan sé unnið í hópum þeirra sem skrifa stjórnarsáttmálann sjálfan og afla gagna.
Ræddu við aðila vinnumarkaðarins
Formenn Sjálfstæðisflokks, Vinstri grænna og Framsóknarflokks áttu fundi með aðilum vinnumarkaðarins í dag til að ræða leiðir til að ná stöðugleika. Formaður Vinstri grænna segir að því samtali verði haldið áfram á morgun. Umræða um skiptingu ráðuneyta hófst í dag en ekkert liggur fyrir.
Stjórnarmyndunarviðræður halda áfram
Stjórnarmyndunarviðræður Sjálfstæðisflokksins, Vinstri grænna og Framsóknarflokksins hafa haldið áfram í dag. Hópur með fulltrúum allra flokka hefur setið á fundi frá klukkan 10 við að fara yfir málefnin og setja saman stjórnarsáttmálann.
Vilji flokkanna ræður en ekki hver fær umboðið
Það skiptir ekki öllu máli hver fer með umboð til stjórnarmyndunar, það skiptir öllu máli hvert vilji flokkanna stendur til að vinna saman. Þetta segir Guðmundur Hálfdanarson, prófessor í sagnfræði. Hann telur að forseta Íslands finnist fullmikið hafi verið gert úr umboði til stjórnarmyndunar.
Viðtöl
Formlegar stjórnarmyndunarviðræður hafnar
Formlegar stjórnarmyndunarviðræður Vinstri hreyfingarinnar græns framboðs, Framsóknarflokks og Sjálfstæðisflokks hófust klukkan hálf tíu í morgun á nefndasviði Alþingis.
Hittast klukkan hálf tíu í dag
Formenn Vinstri grænna, Sjálfstæðisflokks og Framsóknarflokks, sem hafa ákveðið að hefja formlegar stjórnarmyndunarviðræður, ætla að hittast í húsakynnum Alþingis klukkan hálf tíu í dag til að vinna að mögulegum stjórnarsáttmála. Búist er við að undir lok vikunnar liggi fyrir hvort viðræðurnar skili árangri. Forseti hefur ekki úthlutað formlegu stjórnarmyndunarumboði.
Formlegar stjórnarmyndunarviðræður hafnar
Samþykkt var í gær að hefja formlegar stjórnarmyndunarviðræður milli Vinstri grænna, Sjálfstæðisflokks og Framsóknarflokks. Búist er við að undir lok vikunnar liggi fyrir hvort viðræðurnar skila árangri, segir í tilkynningu frá forseta Íslands. Forseti hefur ekki úthlutað formlegu stjórnarmyndunarumboði en hefur verið upplýstur um viðræðurnar og fylgist með þeim. Leiðtogar flokkanna þriggja hittast í dag til að vinna að mögulegum stjórnarsáttmála.
Viðtal
„Sundurtætt stjórnarandstaða“ helsta vonin
„Þetta er sundurtætt stjórnarandstaða, að því er virðist, og ætli það sé ekki helsti lífvænleiki þessarar stjórnar,“ segir Eiríkur Bergmann Einarsson stjórnmálafræðiprófessor um ríkisstjórnina sem nú gæti verið í smíðum með aðkomu Sjálfstæðisflokks, Vinstri grænna og Framsóknarflokks.
Viðtal
Segir VG höfuðandstæðing Sjálfstæðisflokksins
„Það hefur ekkert breyst í því að við erum, að okkar mati, höfuðandstæðingar Sjálfstæðisflokksins í íslenskum stjórnmálum og við viljum beita okkur fyrir annars konar vinnubrögðum,“ segir Katrín Jakobsdóttir, formaður Vinstrihreyfingarinnar græns framboðs, sem er á leið í formlegar stjórnarmyndunarviðræður við Sjálfstæðisflokk og Framsóknarflokk.
Viðtal
Erfiðast að ná saman um skattkerfisbreytingar
Erfiðasta viðfangsefnið í komandi stjórnarmyndunarviðræðum verður að ná lendingu á milli Vinstri grænna og Sjálfstæðisflokks um breytingar á skattkerfinu, að mati Evu Heiðu Önnudóttur stjórnmálafræðings. Hin stóra áskorunin er fyrir Vinstri græn að friðþægja bakland sitt, að Evu Heiðu.
UVG andvíg samstarfi við Sjálfstæðisflokkinn
Ung vinstri græn (UVG) leggjast eindregið gegn því að Vinstrihreyfingin grænt framboð gangi inn í ríkisstjórnarsamstarf með Sjálfstæðisflokknum. Þetta kemur fram í ályktun sem ungliðahreyfingin sendi frá sér nú undir kvöld. „Við getum ekki samþykkt síendurteknar lygar, spillingu og frændhygli. Við getum ekki samþykkt leyndarhyggju með kynferðisbrotamönnum,“ segir í ályktuninni.
Viðtal
„Kannski verðum við öll Framsóknarmenn“
Fyrirhugaðar stjórnarmyndunarviðræður leggjast mjög vel í þingkonurnar Bryndísi Haraldsdóttur frá Sjálfstæðisflokki, Svandísi Svavarsdóttur frá Vinstri grænum og Þórunni Egilsdóttur frá Framsóknarflokki, sem segjast spenntar fyrir mögulegri ríkisstjórn þrátt fyrir skoðanamun. „VG-fólk verður ekki Sjálfstæðismenn við svona samstarf eða öfugt – kannski verðum við öll Framsóknarmenn,“ segir Svandís Svavarsdóttir við nokkra kátínu starfssystra sinna.
Forseti væntir tíðinda fyrir lok vikunnar
Guðni Th. Jóhannesson forseti segir að formlegar viðræður og samningar Framsóknarflokksins, Sjálfstæðisflokksins og Vinstri grænna hefjist nú þegar og að þess sé að vænta að undir lok vikunnar liggi fyrir hvort þær skili tilætluðum árangri. Þetta kemur fram í tilkynningu forseta síðdegis. Forseti hefur ekki úthlutað formlegu stjórnarmyndunarumboði en hefur verið upplýstur um viðræðurnar og fylgist með þeim.