Færslur: Álftanes

Afkomendur þriggja forseta kepptu í fótboltaleik
Símamótið fór fram síðustu helgi þar sem um þrjú þúsund keppendur í 5., 6. og 7. flokki kvenna tóku þátt. Í leik Gróttu og Álftaness á laugardeginum spiluðu afkomendur þriggja forseta Íslands.
Viðtal
Fjöldi hefur skoðað hvalshræið í morgun
Margir hafa lagt leið sína á norðanvert Álftanes í morgun til að sjá hvalshræið sem fannst þar seint í gærkvöld. Sérfræðingar Hafrannsóknarstofnunar hafa rannsakað hræið í morgun og þegar því lýkur kemur það í hlut sveitarfélagsins og Umhverfisstofnunar að ákveða hvað verður gert við það.
30.09.2021 - 13:17
Hrefnu rak á land á Álftanesi
Átta metra langt hvalshræ rak á land við Jörfa á norðanverðu Álftanesi, líklega í gær. Að sögn Daníels Daníelssonar, starfsmanns þjónustuvers Garðabæjar, er talið líklegt að þetta sé hrefna, fullorðinn tarfur. Lögreglu var tilkynnt um hvalrekann í gær og bæjarfélaginu í morgun.
30.09.2021 - 10:56
Sjónvarpsfrétt
Óttast að friðlýsing kippi fótunum undan sjódrekaflugi
Maður sem iðkar sjódrekaflug í Skerjafirði við Álftanes segir áform um að friðlýsa svæðið til þess fallin að kippa fótunum undan íþróttinni, í það minnsta á höfuðborgarsvæðinu. Friðlýsingaráformin byggja á því að fuglalífið á svæðinu hafi alþjóðlegt mikilvægi. 
19.07.2021 - 21:45
Sjónvarpsfrétt
Spyr hvort Álftnesingar þurfi golfvöll
Umhverfisverndarsamtök segja að með framkvæmdum við nýjan golfvöll á Álftanesi sé varpfuglum sýnt mikið tillitsleysi. Bæjarstjóri Garðabæjar segir að fuglar og menn geti þar lifað í sátt og samlyndi. 
04.06.2021 - 18:48
Heita vatnið streymir á ný í Hafnarfirði og Álftanesi
Vinnu við viðgerð á stórri hitaveitulögn í Hafnarfirði er lokið og heitu vatni hefur verið hleypt aftur á stofnlagnir þeirra hverfa í Hafnarfirði, Álftanesi og Garðbæ, sem verið höfðu heitavatnslaus um lengri og skemmri tíma. Byrjað var að hleypa heitu vatni á Álftanesið laust fyrir þrjú í nótt, að því er fram kemur á heimasíðu Veitna, og var vatninu síðan hleypt á annars staðar í áföngum. „Síðustu áhleypingu“ lauk klukkan 6.30, samkvæmt vef Veitna, og ættu allir að vera komnir með heitt vatn.
22.08.2020 - 05:19
Heitavatnslaust víða í Hafnarfirði og hluta Álftaness
Heitavatnslaust er í hluta Hafnarfjarðar og Álftaness og verður áfram fram undir klukkan fjögur í nótt, að því er segir á vef Veitna. Fjölmargir Hafnfirðingar hafa verið án heits vatns drjúgan hluta dags vegna viðgerða á stórri lögn. Sú vinna dróst á langinn og í kvöld bættust íbúar Setbergshverfis og hluta Álftaness í hóp heitavatnslausra, þegar leki kom að stórri lögn. UPPFÆRT: Áður var áætlað að viðgerð lyki um klukkan tvö í nótt, en nú hefur því verið seinkað til klukkan fjögur.
21.08.2020 - 23:42
Rafmagn komið á í Hafnarfirði og Garðabæ
Rafmagn er komið á aftur í Hafnarfirði, Garðabæ og á Álftanesi, en það fór af í tvígang í kvöld, fyrst á sjöunda tímanum og svo aftur seint á áttunda tímanum. Á Facebook-síðu HS Veitna kemur fram að bilun hafi orðið í háspennustreng.
17.05.2019 - 00:32
Viðbragðsbúnaður virkaði ekki sem skyldi
Vegna bilunar í viðbragðsbúnaði hafði rafmagnsleysið í Hafnarfirði, Garðabæ og á Álftanesi í gærkvöld víðtækari áhrif en ella. Rafmagnslaust var í eina klukkustund frá klukkan frá 21:57.
31.08.2018 - 16:37
Í heimsókn hjá Manfreð
„Nesti er eitt af fyrstu verkefnunum sem ég vann og mér þótti ákaflega vænt um það. Þessi hús hafa verið rifin og það hefur sært mig.“ Víðsjá sótti Manfreð Vilhjálmsson arkitekt heim í Smiðshús á Álftanesi en hann fagnaði níræðisafmæli á dögunum.
30.05.2018 - 20:15