Færslur: Aldraðir

Vilja létta álagi af heimilum fólks með heilabilun
Nýju þróunarverkefni Velferðarsviðs Reykjavíkurborgar er ætlað að létta álagi af heimilum fólks með heilabilun og bæta lífsgæði þess og aðstandenda sömuleiðis. Vonir standa til að fljótlega verði hægt að fjölga þeim sem njóta þjónustunnar. Tilgangurinn er að fólk geti búið á heimilum sínum sem lengst.
Ofbeldi gegn öldruðum falið vandamál
Aldraðir tilkynna síður ofbeldi en þeir sem yngri eru. Sautján tilkynningar um ofbeldi gegn öldruðu fólki bárust til átaks Reykjavíkurborgar gegn heimilisofbeldi fyrstu átta mánuði ársins. Félagsráðgjafi segir að líklega sé það bara toppurinn á ísjakanum.  
Sjónvarpsfrétt
Nói,Hlýja,Valli og félagar bæta mannlífið á Hrafnistu
Tíu rafkettir eru til húsa á hjúkrunarheimili Hrafnistu á Sléttuvegi. Deildarstjóri segir að þeir séu góð viðbót á heimilið, þeir gleðji íbúa og veiti mikilvæga nærveru, einkum þeim sem eru með heilabilanir.
Vilja gera þjónustu við aldraða markvissari
Heilbrigðisráðherra hefur falið Sjúkratryggingum Íslands að semja við Fjallabyggð um ný og fjölbreyttari úrræði í öldrunarmálum. Bæjarstjóri Fjallabyggðar telur nauðsynlegt að endurmeta þjónustu við aldraða og horfa til lengri framtíðar en gert hafi verið.
Hjúkrunarrými: Ísland langt yfir norrænum viðmiðum
Kostnaður við hjúkrunarheimili væri 12 milljörðum minni á þessu ári ef norrænum viðmiðum væri fylgt, samkvæmt nýrri skýrslu. Varaformaður velferðarnefndar styður aukna áherslu á heimaþjónustu. Formaður Samtaka fyrirtækja í velferðarþjónustu gerir það líka en það eigi ekki að bitna á hjúkrunarheimilum.
23.08.2021 - 19:12
Segir alhæfingu um hjúkrunarheimili vonbrigði
Sú alhæfing að hjúkrunarheimili séu geymslustaðir fyrir aldraða eru mikil vonbrigði, segir formaður Samtaka fyrirtækja í velferðarþjónustu. Vísar hann þar í ummæli kanadísks sérfræðings á heilbrigðisþingi. Hins vegar þurfi regluverk um þjónustuna að vera einfaldara.
23.08.2021 - 12:22
Viðtal
Mjög brýnt að efla úrræði fyrir eldra fólk
Það er mjög brýnt að efla úrræði fyrir eldra fólk eins og dagþjálfun, endurhæfingu og heimaþjónustu til að seinka því að fólk þurfi að fara á hjúkrunarheimili. Þetta segir Alma Möller landlæknir. Drög að nýrri stefnu um heilbrigðisþjónustu við eldra fólk var kynnt á heilbrigðisþingi á föstudag. Landlæknir segir að þar sé lagt til að þjónustan verði fjölbreyttari og það sé mikilvægt.  
Viðtal
Líða ekki framkvæmdaleysi í málum eldra fólks
Eldra fólk ætlar ekki að líða framkvæmdaleysi og krefst þess að tillögur sem settar eru fram í drögum að nýrri stefnu um heilbrigðisþjónustu fyrir aldurshópinn verði að veruleika. Þetta segir formaður Landssambands eldri borgara. Nauðsynlegt sé að breyta áherslum þannig að fólk geti búið lengur heima hjá sér og fengið meiri þjónustu þar. 
Myndskeið
Furðar sig á því að fólk sé útskrifað af heimili sínu
Dæmi eru um að fólk með heilabilun sé útskrifað af hjúkrunarheimilum og sent á Landspítalann vegna þess að of lítið er af faglærðu starfsfólki er á hjúkrunarheimilum. Þetta segir yfirlækni heilabilunareiningar Landspítalans. Ástand fólks með heilabilun versni af því að starfsfólk hjúkrunarheimila hafi ekki fagþekkingu. „Hjúkrunarheimili er heimili fólks. Þannig að það sé hægt að útskrifa einhvern af hjúkrunarheimili, af sínu heimili ætti að vera óhugsandi,“ segir yfirlæknir heilabilunareiningar.
Viðtal
Hættulegar aðstæður vegna ölvunar og partístands
Stundum er ástand eldra fólks hættulegt starfsfólki heimahjúkrunar vegna ölvunar og partístands. Svæðisstjóri heimahjúkrunar hjá Heilsugæslu höfuðborgarsvæðisins segir að eldra fólk í þessari stöðu sé gjarnt á að detta og brjóta sig og glími við næringarskort.
Bjóða 90 ára og eldri í örvunarbólusetningu
Fimmtudaginn 19. ágúst verður fólki, fæddu 1931 eða fyrr, boðinn örvunarskammtur með mRNA-bóluefni. Í þeim flokki eru bóluefni Pfizer og Moderna. Bólusett verður í Laugardalshöll milli klukkan 10 og 12.
Sjónvarpsfrétt
Dóra allra Íslendinga elst - 109 ára í dag
Elsti Íslendingurinn er 109 ára í dag. Dóra Ólafsdóttir er skýr í kollinum, les og prjónar og segist aldrei hafa átt kost á að gefast upp. Aðeins fimm Íslendingar hafa orðið eldri en hún.
06.07.2021 - 18:28
Hrafnista segir upp samningi um rekstur Ísafoldar
Hrafnista hefur sent inn bréf til bæjarráðs Garðabæjar um uppsögn samning um rekstur hjúkrunarheimilisins Ísafoldar og mun uppsögnin taka gildi 1.janúar 2022. Þetta kemur fram á vef Kópavogs- og Garðapóstsins í dag.
30.06.2021 - 16:08
Myndskeið
Neitað allt að 17 sinnum um pláss á hjúkrunarheimili
Dæmi eru um að fólki sem er í sárri þörf fyrir að komast á hjúkrunarheimili sé hafnað margsinnis vegna þess að það er á dýrum lyfjum eða þarf mikla hjúkrun. Gerðar hafa verið athugasemdir við þetta við heilbrigðisyfirvöld. Formaður færni- og heilsumatsnefndar höfuðborgarsvæðisins segir að með þessu séu hjúkrunarheimilin ekki að uppfylla samning sinn við Sjúkratryggingar.
Á annað hundrað aldraðir bíða á Landspítala
124 aldraðir bíða á ýmsum deildum Landspítalans eftir að komast á hjúkrunarheimili eða í endurhæfingu. Meira en fimmtungur rúma á legudeildum spítalans var upptekinn í mars vegna þessa og hlutfallið hefur ekki verið hærra í meira en ár. Þetta kemur fram í nýjum starfsemistölum spítalans.
29.04.2021 - 08:08
Myndskeið
„Stefnir í algjört kaos“
Komi ríkið ekki til móts við fyrirtæki í velferðarþjónustu vegna aukins launakostnaðar, geta þau ekki haldið uppi óbreyttri starfsemi eftir maímánuð. Forstjóri Grundar segir að það stefni í algjört kaos.
Samfélagið
Lengi vitað að stór hluti veikra aldraða er vannærður
Um fimmtíu prósent aldraðra sem lagðir eru inn á Landspítalann eru vannærð. Þetta sýna tölur frá spítalanum. Ólöf Guðný Geirsdóttir, næringarfræðingur og dósent við Háskóla Íslands, segir að það hafi verið vitað í nokkuð mörg ár að stór hluti aldraðra sé vannærður en því miður hafi lítið sem ekkert breyst. Hún segir að til að ná tökum á þessu þurfi heilbrigðisstéttir að vinna betur saman að því að leysa þennan vanda.   
12.04.2021 - 13:00
Vantar um 400 milljónir og þjónustuskerðing blasir við
Tuttugu manns hefur verið sagt upp störfum á Hrafnistu við Sléttuveg í Fossvogi og tíu til viðbótar á öðrum Hrafnistuheimilum vegna erfiðra rekstarskilyrða. Forstjóri Hrafnistu segir stöðuna óhugnanlega og þjónustuskerðing blasi við. Ef fer sem horfir sér hún fram á þrjú til fjögur hundruð milljóna hallarekstur á árinu.
12.04.2021 - 12:58
Leki úr sjúkraskrá á Sóltúni kærður til lögreglu
Persónuvernd og Embætti landlæknis hefur verið tilkynnt um trúnaðarbrot á hjúkrunarheimilinu Sóltúni en þar veitti starfsmaður utanaðkomandi upplýsingar úr sjúkraskrá íbúa á heimilinu. Málið verður kært til lögreglu.
Hafa greitt rúmlega tvo milljarða með hjúkrunarheimilum
Þrjú sveitarfélög hafa greitt samanlagt yfir tvo milljarða króna með hjúkrunarheimilum á undanförnum árum. Þau hafa öll ákveðið að endurnýja ekki samninga við Sjúkratryggingar um áframhaldandi rekstur þeirra. Akureyrarbær hefur greitt hátt í tvo milljarða króna með rekstri hjúkrunarheimila í bænum frá 2012. Bæjarfulltrúi í bænum segir að ekki sé grundvöllur fyrir áframhaldandi rekstri heimilanna.
Spegillinn
Slæm fjárhagsstaða bitnar á öldruðu heimilisfólki
Erfið fjárhagsstaða fjölmargra hjúkrunarheimila bitnar á fólkinu sem þar býr, segir Gísli Páll Pálsson, formaður Samtaka fyrirtækja í velferðarþjónustu. Hann segir að hækka þurfi daggjöld til heimilanna um um það bil tíu prósent til þess að laga ástandið, eða um þrjá til fjóra milljarða króna á ári. Sjúkratryggingar Íslands hafa greitt heimilum aukakostnað í tengslum við faraldurinn, en deilt hefur verið um þann kostnað að undanförnu. Gísli Páll segir að heimilin muni mikið um þann kostnað.
Hröð bólusetning áhættuhópa fækkar lífshættulega veikum
Hröð bólusetning elstu aldurshópa fólks dregur verulega úr þeim fjölda sem líklegt er að veikist lífshættulega af COVID-19. Mikil útbreiðsla faraldursins hefði miklar afleiðingar fyrir heilbrigðiskerfið, þótt vel tækist til við að verja elstu hópana.
Með 20 milljóna yfirdrátt: „Ég er bara búin á því“
Hjúkrunarheimilið Lundur á Hellu hefur neyðst til að taka 20 milljóna króna yfirdrátt vegna COVID-kostnaðar, launahækkana og vanreiknaðra daggjalda. Hjúkrunarforstjórinn segir að heimilið hafi aldrei verið jafnilla sett fjárhagslega. Hún segir að hún hafi neyðst til þess að segja upp starfsfólki, og að hún sjálf sé „búin á því“.
Bíða á göngum eftir að komast í spítalarúm
Undanfarna viku hafa um 20 beðið á hverjum degi á bráðamóttöku Landspítala eftir að komast inn á ýmsar legudeildir spítalans eftir að hafa lokið meðferð á bráðamóttökunni. Alltaf þurfa einhverjir að liggja á göngum og það leiðir til þess að sóttvarnir eru ekki eins og best verður á kosið, að sögn Jóns Magnúsar Kristjánssonar yfirlæknis bráðalækninga á Landspítalanum.
Hátt í 30 biðu á bráðamóttöku eftir rúmi á Landspítala
Hátt í 30 sjúklingar biðu á bráðamóttöku Landspítala fyrr í dag eftir innlögn á aðrar deildir spítalans, en um 80 aldraðir einstaklingar bíða á ýmsum deildum spítalans eftir að komast á hjúkrunarheimili. Sumir þurftu að liggja á göngum og Jón Magnús Kristjánsson yfirlæknir bráðamóttökunnar segir að það sé engan vegin boðlegt, sér í lagi ekki á meðan kórónuveirufaraldurinn stendur yfir.