Tækni og vísindi

Boeing Starliner skotið í átt að geimstöðinni í dag
Bandaríski flugvélaframleiðandinn Boeing hyggst senda ómannað Starliner far að alþjóðlegu geimstöðinni á morgun, þriðjudag. Farinu verður skotið frá Canaveral höfða í Florida klukkan ríflega fimm síðdegis að íslenskum tíma.
Tregða til bólusetninga
Yfirvöld í fjölmörgum ríkjum hafa áhyggjur af því að hægar gangi að bólusetja gegn COVID-19 eftir því sem fleiri hafa verið bólusettir. Víða hefur verið gripið til ráðstafana til að hvetja fólk til láta bólusetja sig. Bólusetningatregða er misjafnlega útbreidd, töluverður hluti Bandaríkjamanna, Frakka og Rússa, svo dæmi séu tekin, er tortrygginn eða andvígur bólusetningum. Hið sama gildir í mörgum ríkjum í Austur-Evrópu.
Hægir á bílaframleiðslu vegna skorts á tölvukubbum
Mjög hefur hægt á bílaframleiðslu vegna skorts á tölvukubbum sem nauðsynlegir eru nútímafarartækjum. Talið er að margir mánuðir séu í að mögulegt verði að auka framleiðslu að nýju.
Unnið að þróun bóluefnis í töfluformi gegn COVID-19
Ísraelska lyfjafyrirtækið Oramed vinnur nú að þróun lyfs við COVID-19 sem hægt væri að taka í pilluformi. Framkvæmdastjóri fyrirtækisins segir lyf á töfluformi hafa marga kosti umfram þau sem gefin eru með sprautu.
Heimsminjum á skrá fjölgar um 34
Um það bil sexhundruð kílómetra langur kafli meðfram Dóná var settur á heimsminjaskrá Menningar- og vísindastofnunar Sameinuðu þjóðanna UNESCO. Alls fjölgaði um 34 minjar á skránni þetta árið.
31.07.2021 - 23:56
Bráðinn Grænlandsís dygði til að þekja Flórída
Óvenjulega mikill hiti á austurhluta Grænlands undanfarið hefur orðið til þess að gríðarlega mikið hefur bráðnað úr íshellunni yfir landinu.
31.07.2021 - 05:49
Rauði krossinn norski leitar að leifum loftsteins
Rauði krossinn í Noregi leitar að brotum úr loftsteini sem talið er að geti legið einhvers staðar í Finnmörku. Hópur fólks fer nú um í skóglendinu þar í von um að finna hann.
31.07.2021 - 01:12
Skjálftar líklegast tengdir bráðnun í jöklinum
Allt hefur verið með kyrrum kjörum í Kötluöskju eftir að tveir skjálftar, 3,2 að stærð, mældust þar í kvöld. Fyrri skjálftinn varð klukkan 19:20 og fylgdi annar tveimur mínútum síðar. Náttúruvársérfræðingur segir mögulegt að bráðnun jökla hafi komið skjálftunum af stað.
Óhapp við tengingu við geimstöðina olli nokkru uppnámi
Rússum tókst að tengja Nauka rannsóknarferjuna við alþjóðlegu geimstöðina í dag. Áhöfn geimstöðvarinnar þurfti að bregðast skjótt við þegar óvænt kviknaði á brennurum ferjunnar eftir teninguna.
Málshöfðun vegna óleyfilegrar nýtingar krabbameinsfruma
Afkomendur Henriettu Lacks tilkynntu í dag að þeir hygðust höfða mál á hendur lyfjarisunum sem högnuðust á því að nota frumur úr líkama hennar áratugum saman til vísindarannsókna. 
Bárðarbunga að jafna sig eða að undirbúa næsta gos
Bárðarbunga hefur verið að þenjast út. Það gæti verið vegna kvikusöfnunar og bungan því að undirbúa næsta gos eða að hún er að jafna sig eftir Holuhraunsgosið. Páll Einarsson jarðeðlisfræðingur telur líklegast að stórir jarðskjálftar í fyrrakvöld hafi orðið vegna landriss.
Allt með kyrrum kjörum í Geldingadölum og Bárðarbungu
Allt hefur verið með kyrrum kjörum í Geldingadölum í gær og nótt. Nú rýkur aðeins upp af gígnum og sérfræðingar veðurstofunnar bíða eftir hvað gosið geri næst. Bárðarbunga hefur einnig haft hægt um sig í nótt eftir jarðskjálfta í gærkvöldi.
Múmíur, strandbær og dómkirkja bætast á heimsminjaskrá
Fjölgað hefur nokkuð á heimsminjaskrá UNESCO, Menningar- og vísindastofnunar Sameinuðu þjóðanna. Meðal þess sem heimsminjanefndin ákvað að skyldi bætast á skrána eru dómkirkja í Mexíkó, forn stjörnuathugunarstöð í Perú og múmíur í Síle.
Branson og Bezos teljast ekki til geimfara
Auðkýfingarnir Jeff Bezos og Richard Branson geta ekki bætt titlinum „geimfari" á ferliskrána -- að minnsta kosti ekki í Bandaríkjunum -- þótt báðir hafi þeir brugðið sér upp fyrir heiðhvolfið á dögunum, hvor í sinni flauginni. Ástæðan er sú að Flugmálastofnun Bandaríkjanna hefur hert skilyrðin sem uppfylla þarf til að fá að skrá sig sem geimfara í þeirra bókum. Til þess þarf fólk nú að tilheyra áhöfn geimfarsins og leggja sitt af mörkum til að tryggja öryggi um borð.
24.07.2021 - 05:21
Sjónvarpsviðtal
Aðgerðir verða ekki eins harðar og áður
Sóttvarnalæknir segist ekki leggja til jafn harðar aðgerðir og áður. Það megi þakka bólusetningum en hann telur að smit geti verið útbreiddara en vitað sé. Hann segir vonbrigði að þurfa að grípa til aðgerða nú.
22.07.2021 - 15:56
Nú er vitað um 160 miltisbrandsgrafir á Íslandi
Vitað er um 160 miltisbrunagrafir við 130 bæi víðs vegar um landið. Sumarið 2017 hófu hjónin Sigurður Sigurðarson dýralæknir og Ólöf Erla Haraldsdóttir að merkja þekktar miltisbrunagrafir í landinu.
Fyrstu einkenni COVID geta líkst ertingu frá gosmóðu
Sérfræðingur í loftgæðum segir að fyrstu einkenni COVID-19 geti líkst þeim óþægindum sem skapast geta af völdum gosmóðu. Mökkurinn sem legið hefur yfir suðvesturhluta landsins er nokkurra daga gamall.
Elon Musk: „Ég vil styðja en ekki sturta“ 
Stofnandi Tesla, frumkvöðullinn og auðkýfingurinn Elon Musk, sagði í dag að hann hafi persónulega fjárfest í Bitcoin og öðrum rafmyntum en þvertók fyrir að hann véli um verðmæti þeirra eða losi stórar stöður af hinum stafrænu gjaldmiðlum til að hafa áhrif á verðgildi þeirra.
21.07.2021 - 22:06
Geimferð Jeffs Bezos gekk vel
Jeff Bezos, stofnandi Amazon netverslunarinnar og ríkasti maður heims, flaug út í geim á öðrum tímanum í dag frá eyðimörk í Texas og lenti mjúklega nokkrum mínútum síðar.
Mótefnalyf við COVID-19 samþykkt í Japan
Japönsk heilbrigðisyfirvöld eru þau fyrstu sem samþykkja notkun COVID-mótefnalyfsins Ronapreve. Þetta kemur fram í yfirlýsingu svissneska lyfjarisans Roche sem framleiðir lyfið. Það er ætlað fólki með lítil eða miðlungi mikil COVID einkenni en gæti átt á hættu að veikjast verr.  
20.07.2021 - 10:35
Kínverjar sakaðir um netárás á vefþjón Microsoft
Evrópusambandið og stjórnvöld í Bretlandi og Bandaríkjunum hafa sakað stjórnvöld í Kína um að standa að baki stórri netárás sem gerð var á vefþjóna Microsoft fyrr á þessu ári.
Áhrif erfðaefnis móður meiri en talið var
Vísindamenn Íslenskrar erfðagreiningar hafa kortlagt 243 erfðabreytileika sem tengjast fæðingarþyngd, annars vegar í erfðamengi fósturs og hins vegar móður.
Vígahnötturinn var líklega á stærð við lítið hús
Vígahnötturinn sem  sprakk yfir Suðurlandi föstudaginn 2. júlí var líklega um sjö metrar í þvermál. Það samsvarar litlu húsi. Þetta sýna útreikningar jarðeðlisfræðings sem byggðir er á gögnum úr skjálftamælum. 
15.07.2021 - 12:31
Óhjákvæmileg fjölgun smita fylgir fjölgun ferðamanna
Íslensk erfðagreining vinnur að raðgreiningu fimm smita sem greindust í gær. Kári Stefánsson, forstjóri, segir fjöldann sem kemur núna yfir landamærin slíkan að búast megi við talsverðum fjölda smitaðra dag hvern.
Icelandair kannar möguleika á orkuskiptum
Icelandair Group hefur skrifað undir tvær viljayfirlýsingar um að kanna möguleika á orkuskiptum í innanlandsflugi félagsins. 
14.07.2021 - 10:29