Sveitarfélagið Vogar

Líkur á sérstaklega mikilli gasmengun í Vogum í dag
Síðdegis í dag eru líkur á að gasmengun nái miklum styrk yfir byggð á Reykjanesskaga, þá sérstaklega í Vogum en einnig í Garði. Í hægviðrinu í nótt má gera ráð fyrir að gasmengun hafi safnast saman á gosstöðvunum í Meradölum sem síðan færist norður með sunnanátt. 
Gunnar Axel ráðinn bæjarstjóri í Vogum
Gunnar Axel Axelsson, viðskipta- og stjórnsýslufræðingur og deildarstjóri á efnahagssviði Hagstofu Íslands, hefur verið ráðinn bæjarstjóri Sveitarfélagsins Voga.
Ekkert erindi barst Vogum
Vistheimilishópurinn sem forsætisráðherra skipaði á síðasta ári og var falið að gera úttekt á meðferð á fullorðnu fólki með fötlun eða geðræn vandamál, skilaði ráðherra skýrslu í vikunni. Þar var lagt var til að rannsókn yrði gerð á vistheimilum ríkisins, allt aftur til ársins 1970.
Sjónvarpsfrétt
Nærri helmingur sveitarfélaga hunsaði vistheimilahóp
Nærri helmingur sveitarfélaga landsins hunsaði ítrekaðar óskir starfshópsins sem skilaði skýrslu í dag og skoðaði meðferð á fólki með fötlun og geðræn vandamál. Meðal þeirra sveitarfélaga eru bæði fjórðu og fimmtu fjölmennustu sveitarfélög landsins. Framkvæmdastjóri Þroskahjálpar segir vanta betra eftirlit með þessu berskjaldaða fólki. 
5400 skjálftar á Reykjanesskaga
Nokkuð stöðug skjálftavirkni hefur verið á Reykjanesskaga síðustu viku. Virkni er við Þorbjörn, austan Sýlingarfells sem er norðan Grindavíkur, við Kleifarvatn og við Sandfellshæð sem er mitt á milli Reykjanestáar og Bláa lónsins. Sigríður Kristjánsdóttir, náttúruvársérfræðingur á Veðurstofunni, segir að ekkert bendi þó til þess að kvika sé að fara að leita upp á yfirborðið. Það sem af er ári hafa verið 5400 skjálftar á Reykjanesskaga.
Morgunútvarpið
Segir ekkert kalla á hraða sameiningu sveitarfélaga
Fannar Jónasson bæjarstjóri Grindavíkur segir að ekkert kalli á að hraða skuli sameiningu við sveitarfélagið Voga eða önnur sveitarfélög á svæðinu. Sveitarstjórn Voga hafi leitað óformlega eftir samtali um sameiningu.
Áhugi í Vogum fyrir sameiningu
Nokkurn áhuga mátti greina á íbúafundi í sveitarfélaginu Vogum á að hefja sameiningaviðræður við annað sveitarfélag. Grindavík er það sveitarfélag sem fékk flest atkvæði en einnig var töluverður áhugi á Suðurnesjabæ. Rúmlega þrettán hundruð eru búsett í Vogum.
Vogar í sameiningarhug - 4 sveitarfélög til skoðunar
Sveitarfélagið Vogar skoðar nú hug íbúa til þess að sameinast öðru sveitarfélagi. Fjórir eða jafnvel fimm valmöguleikar eru til skoðunar og verða kynntir á íbúafundi í kvöld. Bæjarstjóri segir margar áskoranir fram undan fyrir fámennasta sveitarfélagið á Suðurnesjum. 
Lagning Suðurnesjalínu 2 þokast nær
Lagning Suðurnesjalínu 2 þokast nær með úrskurðum Úrskurðarnefndar umhverfis- og auðlindamála í gær. Línan á að tryggja öryggi rafmagns á Reykjanesskaga.
Sjónvarpsfrétt
Vogar skjálfa en Grindavík ekki
Jarðskjálftahrinan á Reykjanesskaga heldur áfram og frá hádegi urðu tveir skjálftar sem fundust greinilega á höfuðborgarsvæðinu. Í Vogum á Vatnsleysuströnd finna íbúar vel fyrir skjálftunum en Grindvíkingar síður, þótt Grindavík sé nær upptökum þeirra.
Varnargarður til að tefja lokun Suðurstrandarvegar
Þriggja til fimm metra hár varnargarður verður gerður í dalsmynni Nátthaga til að freista þess að seinka því að hraun flæði frá eldgosinu niður á Suðurstrandarveg og yfir Ísólfsskála. Í fréttatilkynningu almannavarna kemur fram að miðað við virknina í gosinu núna nái hraun að öllum líkindum niður á veg á næstu vikum.
Myndskeið
Hraun gæti flætt á Suðurstrandarveg innan 2ja vikna
Eldfjallafræðingur telur að hraun geti farið að renna út á Suðurstrandarveg innan hálfs mánaðar. Bæjaryfirvöld í Grindavík einbeita sér nú að því að koma í veg fyrir að gos geti runnið til Grindavíkur eða í Svartsengi því Suðurstrandarvegi verði ekki bjargað. 
Ekki reynt að stöðva hraunrennsli yfir Suðurstrandarveg
Ekkert verður aðhafst til að reyna að koma í veg fyrir að hraun streymi yfir Suðurstrandarveg. Þetta segir Rögnvaldur Ólafsson, aðstoðaryfirlögregluþjónn hjá almannavarnadeild ríkislögreglustjóra. Hraunið er nú þunnfljótandi og rennur hratt ofan í Nátthaga. Talið er að vika sé þangað til það finnur sér leið þaðan. 
Spegillinn
Leggja til hraunvarnir við Grindavík og Svartsengi
Ráðast þyrfti í umfangsmiklar aðgerðir til að verja innviði á Reykjanesskaga vegna eldsumbrota sem búast má við á næstu árum, áratugum og öldum. Verja þarf bæi, orkuver, heita- og kaldavatnslagnir og háspennulínur. Hópur, sem almannavarnir hefur kallað til, telur að rétt sé að hefja vinnu við forvarnir frekar en að bregðast við þegar eldgos er hafið.
Landinn
Kajak-siglingar hluti af náminu
Krakkar á unglingastigi í Stóru-Vogaskóla geta valið um að fara á kajak á miðjum skóladegi og notið þannig náttúrunnar og lífsins í kringum skólann á einstakan hátt. Þau fara ýmist út á sjó eða Vogatjörn og siglt er allan ársins hring.
Landinn
Lettnesk páskahátíð í Vogum
„Ég myndi segja að páskarnir séu þriðja stærsta hátíðin í Lettlandi á eftir jónsmessu og jólum,“ segir Lauma Gulbe frá Lettneska skólanum í Reykjavík. Hún bauð Landanum að upplifa lettneska páskahátíð á heimili sínu í Vogum á Vatnsleysuströnd. 
05.04.2021 - 07:30
Viðtal
Minni skjálftavirkni gæti verið undanfari eldgoss
Hugsanlegt er að minni skjálftavirkni nú á Reykjanesskaga sé undanfari eldgoss. Kristín Jónsdóttir, náttúruvársérfræðingur á Veðurstofu Íslands, segir að áður en Kröflueldar hófust hafi dregið úr skjálftavirkni og aflögun. Vísindaráð kom saman í dag og niðurstaðan var sú að of snemmt væri að segja að jarðhræringum væri lokið þó skjálftum færi fækkandi. „Miðað við stöðuna núna finnst mér líklegast að þessi kröftuga hrina sé búin í bili,“ segir Kristín.
Sjónvarpsfrétt
Íbúar í Vogum smeykir við mögulegt eldgos
Íbúar í Vogum á Vatnsleysuströnd voru smeykir og töluðu um óvissu um hvernig eigi að bregðast við hugsanlegu eldgosi á Reykjanesskaga þegar þeir voru teknir tali síðdegis í dag. Það fylli þau öryggistilfinningu að heyra að almannavarnir telji ekki hættu vera á ferðum í byggð. Bæjarstjórinn segir innviði vera í góðu ástandi ef til elgoss kemur.
Myndskeið
Ónotaðar skurðstofur valda húsnæðisskorti á HSS
Heilbrigðisstofnun Suðurnesja (HSS) skortir húsnæði þrátt fyrir að fimmtán hundruð fermetrar standi ónotaðir. Skurðstofur þar hafa staðið meira og minna ónotaðar í áratug. Á meðan er slysa- og bráðamóttaka og heilsugæslan rekin í afar þröngum húsakynnum. Stjórnvöld ætla að verja tvö hundruð milljónum svo unnt sé að breyta húsnæðinu svo það nýtist. 
Vélarvana bátur í tog undan Vogum
Björgunarsveit var kölluð út vegna vélarvana báts undan Vogum á Vatnsleysuströnd seint í gærkvöld. Báturinn var tekinn í tog af Hannesi Þ. Hafstein, björgunarbát Björgunarsveitar Hafnarfjarðar. Að sögn Lögreglunnar á Suðurnesjum gengur allt vel og eru bátarnir væntanlegir að bryggju á Sandgerði.
17.02.2020 - 02:22
Jólastuð!
Bogomil Font og Big Band Samúels Jóns Samúelssonar voru í jólastuði í Vikunni með Gísla Marteini. Þeir fluttu gamlan jólasmell með nýjum íslenskum texta sem heitir einfaldlega Jólastuð. Samúel Jón Samúelsson Big Band verða með jólatónleika 18. desember næstkomandi í Gamla bíó ásamt góðum gestum.
Bátur brann og sökk í Vogum
Trébátur varð alelda og sökk í höfninni í Vogum á Vatnsleysuströnd í nótt. Ásgeir Þórisson, varðstjóri hjá Brunavörnum Suðurnesja, segir slökkvilið hafa fengið tilkynningu um eldinn um klukkan hálf fimm og að báturinn hafi verið alelda þegar slökkvilið bar að garði.
19.11.2019 - 09:49
Myndskeið
Í ætisleit með mismikilli fyrirhöfn
Það er mikið dýralíf í fjörunni við Voga á Vatnsleysuströnd þar sem Kristinn Þeyr Magnússon myndatökumaður fylgdist nýverið með fuglum og fjórfætlingum. Minkur læddist þar um þangfulla fjöruna og mávur fylgdist grannt með sjófarendum. Þessir tveir félagar voru í ætisleit með mismikilli fyrirhöfn þó.
30.10.2019 - 14:04
Stefnt að uppbyggingu jarðvangs á Reykjanesi
Samningur um uppbyggingu jarðvangs á Reykjanesi auk nýrrar þjónustumiðstöðvar við Reykjanesvita verður undirritaður í dag. Jarðvangurinn er samstarfsverkefni sem byggist á því að nýta sérstöðu svæðisins og einstaka jarðsögu þess, svo sem Atlantshafshrygginn og flekaskilin, til verðmætasköpunar.
Samgönguáætlun vonbrigði
Samgönguáætlun er vonbrigði, segir framkvæmdastjóri Sambands sveitarfélaga á Suðurnesjum. Þá geti gjaldtaka verið of íþyngjandi fyrir íbúa á Suðurnesjum. Varaformaður samgöngunefndar Alþingis segir samgönguáætlun gefi vonir um dýrar framkvæmdir eftir fimm til fimmtán ár sem ekki verði hægt að standa við.