Sveitarfélagið Skagaströnd

Í morgun hófst kosning um sameiningu sex sveitarfélaga á Norðurlandi. Kosið er um sameiningu fjögurra sveitarfélaga í Austur-Húnavatnssýslu og tveggja sveitarfélaga í Suður-Þingeyjarsýslu. Formenn samstarfsnefnda um sameiningu vonast eftir góðri þátttöku íbúa í kosningunum.

Tilslakanir sem taka áttu gildi á öllu landinu á morgun frestast um eina viku í Skagafirði og Akrahreppi, samkvæmt ákvörðun sóttvarnalæknis. Þetta er vegna sex COVID-19 smita sem greinst hafa í sveitarfélaginu. Á þriðja hundrað eru í sóttkví og um 400 sýni voru tekin í dag til að meta útbreiðslu faraldursins. Aðgerðastjórn almannavarna á Norðurlandi vestra ákvað á fundi sínum í dag að grípa til harðra aðgerða.

Á Skagaströnd er starfrækt vottað vinnslurými fyrir smáframleiðendur sem kallast Vörusmiðjan. Þar geta smáframleiðendur leigt vottaða aðstöðu þar sem hægt er að þróa og framleiða matvöru og snyrtivöru. Rás 2 brá sér í heimsókn og forvitnaðist um starfsemina.

Húnaþing vestra ætlar ekki að endurnýja samstarfssamning sem er í gildi til áramóta á milli sveitarfélaga á Norðurlandi vestra um málefni fatlaðra. Sveitarstjóri segir að sveitarfélagið ætli sjálft að veita þjónustuna með skilvirkari hætti en áður.

Aðferðir til að fullnýta afurðir heima í héraði voru rauði þráðurinn á íbúafundi í Varmahlíð. Óskað var eftir hugmyndum íbúa á Norðurlandi vestra vegna vinnu við sóknaráætlun fyrir árin 2020-2024. Umhverfismál vega þyngra en áður í nýrri sóknaráætlun og meðal annars er mælst til þess að mötuneyti á svæðinu kaupi meira beint frá býli eða beint úr bát.

Allar líkur eru á að viðræður um sameiningu sveitarfélaga í Austur-Húnvatnssýslu hefjist að nýju á næstunni. Stefnt er að sameiningu fjögurra sveitarfélaga, en hlé var gert á viðræðum vegna sveitarstjórnarkosninga. Tvær af fjórum sveitarstjórnum hafa tilnefnt fulltrúa í nýja sameiningarnefnd. 

Átta sóttu um starf sveitarstjóra hjá sveitarfélaginu Skagaströnd, þrjár konur og fimm karlar. Umsóknarfrestur rann út mánudaginn 2. júlí. Ráðningarskristofan Strá hefur umsjón með ráðningarferlinu.

Samstarfsnefnd um sameiningu allra sveitarfélaga í Austur-Húnavatnssýslu mun hittast á öðrum fundi sínum í næstu viku. Formaður nefndarinnar segir vinnuna ganga vel.

Sveitarstjórnir í Austur-Húnavatnssýslu taka á næstunni afstöðu til þess hvort skuli hefja formlegar sameiningarviðræður. Þetta var ákveðið á fundi sveitarfélaganna í morgun. Forsvarsmenn Skagabyggðar er nú þegar í viðræðum við Skagafjörð um sameiningu og þurfa að ákveða hvoru megin borðsins þeir ætla að vera. 

Hafnir landsins þurfa sitt viðhald eins og önnur mannvirki og í því sambandi gegna dýpkunarskip mikilvægu hlutverki.

Allt að 50% munur er á leiguverði félagslegra leiguíbúða milli sveitarfélaga. Hæst er leigan í Mosfellsbæ, Hafnarfirði og í Seltjarnarnesbæ. Dregið hefur úr rekstrarvanda í félagslega leiguíbúðakerfinu en hlutfall milli íbúða og íbúa er afar misjafnt eftir sveitarfélögum.