Sveitarfélagið Skagafjörður

Vökvar skraufþurr túnin til að koma sprettu af stað
Bóndi í Skagafirði hefur gripið til þess ráðs að vökva hjá sér túnin til að koma af stað einhverri sprettu. Hann segir að túnin séu að skrælna, áburðurinn liggi á þeim og engin rigning sé í kortunum.
Aðgerðastjórn Skagafjarðar fundar um COVID-stöðuna
Tvö COVID-smit greindust í gær og voru viðkomandi í sóttkví. Aðgerðastjórn í Skagafirði, þar sem strangari samkomutakmarkanir eru, fundar síðar í dag og segist sveitarstjórinn þokkalega bjartsýnn á að hægt verði að rýmkar reglurnar í næstu viku. 
Eitt nýtt smit í Skagafirði - níu í einangrun
Níu er í einangrun á Sauðárkróki og nærri 400 í sóttkví. Eitt nýtt smit greindist þar í gærkvöld sem tengist starfsmanni grunnskólans. Sá var í sóttkví. Enginn af þeim sem smitast hefur í Skagafirði er mikið veikur.
Viðtal
Smit í Skagafirði tengjast skólum og heilbrigðisstofnun
„Þetta hefur tengsl inn í skólana hjá okkur, þetta hefur tengsl inn í heilbrigðisstofnunina og þetta hefur tengsl hér inn í þjónustufyrirtæki sem fer víða. Þannig það var ákvörðun aðgerðastjórnar að grípa strax inn í og með mjög ákveðnum hætti til þess að reyna að sporna við þessu og stoppa þetta strax,“ segir Stefán Vagn Stefánsson, yfirlögregluþjónn hjá lögreglunni á Norðurlandi Vestra.
Sýningum frestað og íþróttaæfingar liggja niðri
Um 160 íbúar í Skagafirði fóru í sýnatöku í dag og 76 eru komnir í sóttkví eftir að fjögur COVID-19 smit voru staðfest í sveitarfélaginu. Búið er að fresta leiksýningu og kvikmyndasýningu, slá af íþróttaæfingar og loka skíðasvæðinu, segir Stefán Vagn Stefánsson, yfirlögregluþjónn og varaformaður byggðaráðs.
Fjögur smit í Skagafirði og fjöldi í sóttkví
Fjórir hafa greinst með COVID-19 í Skagafirði og nokkur fjöldi fólks er kominn í sóttkví meðan verið er að rekja smitið og bíða eftir niðurstöðum úr sýnatökum. Smitið uppgötvaðist í sýnatöku vegna einkenna og síðan var fleira fólk sent í sýnatöku.
Krefjast upplýsinga og aðgerða vegna mengunar á Hofsósi
Byggðarráð Skagafjarðar gagnrýnir Umhverfisstofnun harðlega fyrir seinagang við rannsókn á bensínmengun á Hofósi. Brátt eru liðin tvö ár frá því mikill bensínleki uppgötvaðist úr birgðatanki N1 á Hofsósi.
Stórhuga geitabændur á Brúnastöðum í Fljótum
Það er handagangur í öskjunni á bænum Brúnastöðum í Fljótum þar sem geitburði er rétt að ljúka. Sextíu geitur verða mjólkaðar þar í sumar fyrir ostaframleiðslu og áætlað er að fjölga mjólkandi geitum enn frekar.
Sveitarfélög ekki á einu máli um Hálendisþjóðgarð
Þau sveitarfélög sem eiga aðild að óstofnuðum Hálendisþjóðgarði eru ekki einhuga í afstöðu sinni. Sum hafna áformunum alfarið eða setja fyrirvara um breytingar á frumvarpinu. Önnur styðja áformin heilshugar.
Smuga setti met á árinu 2020 – mjólkaði tæp 15 tonn
Nythæsta kýr landsins á árinu 2020 var kýrin Smuga frá Ytri- Hofdölum í Skagafirði. Smuga mjólkaði alls 14.565 kíló af mjólk á árinu 2020 og hefur engin kýr mjólkað svo mikið á einu ári hér á landi. Hún hefur á sinni ævi mjólkað tæplega 68 tonn af mjólk.
Myndskeið
Hættan liðin hjá á Hofsósi
Ekki er lengur hætta á snjóflóði við hafnarsvæðið á Hofsósi. Snjóhengjunni var mokað í burtu í gærkvöld og gekk það vel. Ingvar Gýgjar Sigurðsson er tæknifræðingur á veitu og framkvæmdasviði sveitarfélagsins Skagafjarðar. Hann segir að verkið hafi gengið vel og að hættan sé liðin hjá.
Tröllaskagahólf orðið sýkt sóttvarnarhólf
Í kjölfar riðusmita í Skagafirði undanfarið hefur Matvælastofnun skilgreint Tröllaskagahólf sem sýkt svæði. Hólfið hefur verið riðulaust fram til þessa. Riða má ekki greinast þar í 20 ár svo að það teljist riðufrítt.
Um 3.000 fjár á 4 bæjum líklega skorið niður vegna riðu
Samkvæmt bráðabirgðaniðurstöðu hefur riðusmit greinst á þremur sauðfjárbúum í Skagafirði til viðbótar við Stóru Akra 1 þar sem smit var staðfest fyrr í vikunni. Bæjirnir þrír, Syðri Hofdalir, Grænamýri og Hof í Hjaltadal eru allir í sama smitvarnarhólfi og Stóru Akrar.
Rimlahlið á mörkum varnarsvæða fjarlægt án samráðs
Yfirdýralæknir hefur beðið sveitarstjóra Húnaþings vestra afsökunar að rimlahlið sem aðskilur varnarsvæði búfjársjúkdóma hafi verið fjarlægt án vitundar sveitarfélagsins. Hliðið verði sett aftur upp í vor og lágmarksáhætta sé á að fé fari á milli hólfa á meðan.
Myndskeið
Mikil ásókn í fiskeldisnám
Nemendafjöldi í námi í fiskeldi við Háskólann á Hólum hefur tvöfaldast milli ára. Fiskeldis- og fiskalíffræðideild skólans fékk nýverið 56 milljóna króna styrk til námsefnisgerðar í fiskeldisfræðum.
Skriður að komast á rannsókn olíumengunar á Hofsósi
Í dag leggur Umhverfisstofnun mat á þær hreinsunaraðgerðir sem gripið hefur verið til vegna olíumengunar á Hofsósi og hvaða ráðstafana er þörf til viðbótar. Sveitarstjórinn í Skagafirði gagnrýnir seinagang stofnunarinnar og hefur sveitarfélagið ákveðið að hefja sjálfstæða rannsókn.
Myndskeið
Ófremdarástand vegna fjölgunar villiminks
Veiðimaður í Skagafirði segir áhyggjuefni hversu mikið villimink hafi fjölgað. Stjórnvöld og sveitarfélög þurfi að auka fjárveitingar svo hægt sé að halda honum í skefjum.
Ljúka við að leggja ljósleiðara yfir Kjöl
Fyrirhuguð lagning 84 km ljósleiðara yfir Kjöl er ekki háð mati á umhverfisáhrifum. Míla lýkur því síðasta áfanga af þremur við að tengja Suðurland og Norðurland með ljósleiðara í nóvember.
Rannsaka hvort holræsakerfið á Hofsósi er olíumengað
Sveitarfélagið Skagafjörður undirbýr nú rannsókn á því hvort olíumengun hafi borist í holræsakerfið á Hofsósi. Jarðvegur í þorpinu er mengaður eftir olíuleka frá bensínstöð N1. Þá vill sveitarfélagið að Umhverfisstofnun geri úttekt á því hversu útbreidd mengunin er.
Rimlahlið á mörkum varnarlína verða ekki fjarlægð
Yfirdýralæknir segir að ekki standi til að fjarlægja rimlahlið á hringveginum í Húnavatnssýslum og Skagafirði á mörkum varnarlína búfjársjúkdóma. Gerð hafi verið mistök þegar tilkynnt var að hliðin yrðu fjarlægð.
Viðgerðir á sjóvarnargörðum hafnar
Framkvæmdir við sjóvarnargarða á Sauðárkróki hófust í morgun. Framkvæmdin kostar um 50 milljónir og áætluð verklok eru um áramót. Hafnarstjóri segir atvinnurekendur á svæðinu geta verið rólega í vetur og haldið uppi starfsemi þrátt fyrir að veðrið versni.
Súlur Vertical, Króksmóti og Skjaldborg aflýst
Bæjarhátíðum, íþróttamótum og menningarviðburðum um allt land hefur verið aflýst eftir að tilkynnt var um hertar samkomutakmarkanir í morgun. Stjórn Skjaldborgar segist vilja sýna það í verki að við séum öll almannavarnir.
Flotbryggjan í Drangey ónothæf eftir óveður
Flotbryggjan í Drangey, sem var smíðuð í vor, skemmdist í óveðri nýverið. Bryggjan er ónothæf og því ekki hægt að fara í skoðunarferð um eyjuna. Eigandi Drangeyjarferða telur tjónið hlaupa á milljónum.
Fagna flutningi starfa til Sauðárkróks
Frá og með október verður opinberum stöðugildum fjölgað um átta á Sauðárkróki. Starfsmönnum Húsnæðis- og mannvirkjastofnunar verður fjölgað ásamt því að fjögur störf verða færð frá Reykjavík.
Sumarbúðir í Skagafirði fyrir ungmenni með sérþarfir
Sumarbúðir fyrir börn með ADHD og einhverfu verða starfræktar í Skagafirði í sumar. Búðirnar eiga að létta álagi af fjölskyldum í kjölfar COVID-19 og fjölga þeim valkostum sem stendur hópnum til boða.