Sveitarfélagið Árborg

Malbikað á Selfossi og nágrenni
Búast má við töfum á umferð á þjóðvegi eitt í grennd við Selfoss næstu daga. Malbikunarframkvæmdir hefjast þar í dag og standa yfir fram eftir vikunni.
Rannsóknardeild lögreglunnar á Suðurlandi hálflömuð
Fjórir lögreglumenn af þeim sextán sem þurftu að fara í sóttkví eftir að þrír Rúmenar voru handteknir fyrir tíu dögum, eru í rannsóknardeild lögreglunnar á Suðurlandi. Sveinn K. Rúnarsson, yfirlögregluþjónn á Suðurlandi, segir sóttkví lögreglumannanna ljúki nú í vikulok. Þeir þrír sem smituðust af kórónuveirunni þurfa þó að vera lengur frá vinnu. Margir lögreglumenn hafa þurft að fresta sumarfríi eða koma inn úr sumarfríi til þess að leysa af hólmi þau sem eru sóttkví.
Myndskeið
„Menn voru kannski svolítið rólegir í tíðinni“
„Menn voru kannski svolítið rólegir í tíðinni af því að landið var lokað og áttuðu sig ekki á þessum möguleika að það væru á ferðinni einstaklingar í brotastarfsemi sem væru nýkomnir til landsins, segir Oddur Árnason, yfirlögregluþjónn á Suðurlandi. Slakað hafi verið á sóttvörnum þess vegna en jafnskjótt og kom í ljós að Rúmenar, sem handteknir voru á föstudag, hafi brotið gegn reglum um sóttkví hafi lögrelgan tekið upp sóttvarnir.
Sextán í sóttkví vegna búðarþjófa á Selfossi
Sextán eru komnir í sóttkví vegna þriggja búðarþjófa sem handteknir voru í dag á höfuðborgarsvæðinu. Þriggja manna er enn leitað. Mennirnir komu til landsins með flugi á þriðjudag og áttu að vera í sóttkví. Ákveðið var að taka sýni úr þeim og reyndust tveir vera jákvæðir. Sóttvarnalæknir gerði í framhaldinu þá kröfu að mennirnir yrðu vistaðir hjá lögreglu þar til niðurstöður mótefnamælingar lægju fyrir.
Lögregla rann á lyktina og fann tugi kílóa af kannabis
Tveir menn, Íslendingur og erlendur karlmaður, sátu í gæsluvarðhaldi og einangrun í lok síðasta mánaðar eftir að lögreglan á Selfossi kom upp um þurrkun kannabisefna í sumarbústað í uppsveitum Árnessýslu. Talið er að mennirnir hafi tekið bústaðinn á leigu í gegnum Airbnb. Lagt var hald á tugi kílóa af kannabisefnum. Mennirnir eru lausir úr haldi en útlendingurinn hefur verið úrskurðaður í farbann fram í ágúst.
Slasaðist alvarlega í sundi
Eldri maður slasaðist alvarlega í slysi í Sundhöll Selfoss í morgun. Slysið varð á ellefta tímanum í morgun en Sundhöllin var enn lokuð í hádeginu. Þar voru lögreglumenn og sjúkraflutningamenn við störf að rannsaka slysstaðinn.
Áætlað tekjutap meistaraflokka Selfoss 42,5 milljónir
Meistaraflokkar Selfoss gætu orðið af tekjum upp á 42,5 milljónir króna vegna kórónuveirufaraldursins. Framkvæmdastjórn félagsins hefur þungar áhyggjur af þeim áhrifum sem farsóttin hefur haft á starfsemi, þjónustu og rekstur þess.
04.05.2020 - 16:45
Bera kennsl á bein úr manni sem hvarf fyrir 5 árum
Sænskir réttarmeinafræðingar hafa borið kennsl á upphandleggsbein sem flæktist í veiðarfæri sjómanna sem voru við veiðar á Selvogsgrunni fyrir tæpum þremur árum. Í ljós kom að líkamsleifarnar eru af Guðmundi Geir Sveinssyni sem talið er að fallið hafi í Ölfusá á annan dag jóla 2015. Guðmundur Geir var fæddur 13. apríl 1974 og búsettur á Selfossi. Mál föður Birgittu Jónsdóttur, fyrrverandi alþingismanns, varð til þess að lögreglan lét rannsaka upphandleggsbeinið betur.
04.03.2020 - 15:02
ÍAV átti lægsta boð í tvöföldun Suðurlandsvegar
Tilboð í annan áfanga breikkunar Hringvegar á milli Hveragerðis og Selfoss voru opnuð í gær. Íslenskir aðalverktakar áttu lægsta boð í verkið sem felst í nýbyggingu Hringvegar að hluta og breikkun og endurgerð að hluta á rúmlega sjö kílómetra vegkafla.
Myndskeið
Leggja dansskóna á hilluna vegna COVID-19
Félag eldri borgara á Selfossi hefur beðið þá sem hafa nýlega verið í sólarlandaferð að halda sig frá félagsstarfi næstu vikurnar. Formaður félagsins segir að fólk hafi tekið vel í tilmælin.
28.02.2020 - 08:00
Myndskeið
Telur eðlilegt að framkvæmdin hafi farið fram úr áætlun
Viðgerð á Ráðhúsi Árborgar sem átti að kosta fimm milljónir króna stefnir í að verða að hundrað milljóna króna viðhaldsverkefni. Bæjarfulltrúar vilja rannsókn á framkvæmdunum. Bæjarstjóri segir að eðlilegar skýringar séu á framúrkeyrslunni.
27.02.2020 - 19:37
Fimm milljóna viðgerð endar í 100 milljóna framkvæmdum
Viðgerð sem upphaflega átti að kosta fimm milljónir króna stefnir í að verða að hundrað milljónir króna viðhaldsverkefni á Ráðhúsi Árborgar. Bæjarfulltrúar vilja rannsókn á framkvæmdum.
27.02.2020 - 07:59
472 milljónir þarf til að klára menningarsal Suðurlands
Heildarkostnaður við að klára framkvæmdir í menningarsal Suðurlands á Selfossi er áætlaður 472 milljónir króna. Sveitarfélagið Árborg telur raunhæft að um sextíu prósent af þeim framkvæmdakostnaði komi frá ríkinu eða 283 milljónir. Þannig yrði menningarsalurinn fullbúinn árið 2020 eða 2021.
09.02.2020 - 21:47
Myndskeið
Dúkur flettist af Hótel Selfossi
Eignartjón hefur orðið víða um land í illvirðinu sem gengur nú yfir landið. Veðrið er orðið skaplegra á suðvesturhluta landsins, en lægðin hefur fært sig austar og gengur nú yfir austur og suðausturhluta landsins.
11.12.2019 - 12:47
Unglingalandsmót UMFÍ 2020 verður haldið á Selfossi
Unglingalandsmót UMFÍ verður haldið í Árborg um verslunarmannahelgina 2020. Samningur þessa efnis var undirritaður í hálfleik í leik Selfoss og FH í Olísdeild karla í handknattleik sem fram fór á Selfossi í gærkvöld.
03.12.2019 - 12:46
Fyrsta skóflustungan tekin í dag
Uppbygging sextíu rýma hjúkrunarheimilis í Árborg, sem ætlað er íbúum sveitarfélaga á Suðurlandi, hófst í dag. Svandís Svavarsdóttir heilbrigðisráðherra og Gísli Halldór Halldórsson, bæjarstjóri Árborgar, tóku fyrstu skóflustunguna á öðrum tímanum í dag. Áætlað er að byggingaframkvæmdir hefjist af fullum krafti í desember. Stefnt er á að fyrstu íbúarnir flytji inn um haustið 2021.
Ákærður fyrir milljónastuld af björgunarsveit
Fyrrverandi gjaldkeri björgunarfélags Árborgar hefur verið ákærður fyrir fjárdrátt, umboðssvik og peningaþvætti. Umfang brotanna nemur um sautján milljónum króna. Ákæran verður þingfest í Héraðsdómi Suðurlands eftir helgi.
Árborg tekur við fimm sýrlenskum flóttamönnum
Íslenska ríkið og sveitarfélagið Árborg hafa gert samning um móttöku flóttafólks frá Sýrlandi. Ásmundur Einar Daðason, félags- og barnamálaráðherra, og Gísli Halldór Halldórsson, bæjarstjóri Árborgar, undirrituðu samninginn á dögunum.
Fyrirhugaðar viðgerðir á Ölfusárbrú
Framkvæmdir eru fyrirhugaðar á Ölfusárbrú á næstunni. Stefnt er að því að sandblása og mála grind brúarinnar.
23.06.2019 - 11:53
Hætt að aka í gegnum Selfoss
Það er of seint að bíða í sex ár eftir að hringvegurinn verði færður norður fyrir Selfoss, segir bæjarstjóri Árborgar. Tuttugu til þrjátíu þúsund bílum er núna ekið daglega yfir brúna yfir Ölfusá. Með nýjum vegi og brú er viðbúið að mun færri aki í gegnum Selfoss.
10.06.2019 - 18:43
Kemur ekki á óvart ef kostnaður fer yfir 7 ma.
Bæjarstjóri Árborgar segir það miður að fjörutíu prósent þátttakenda í íbúakosningu hafi hafnað áformum um nýjan miðbæ. Framkvæmdir við fyrstu tvær byggingarnar eru að hefjast. Bæjarstjórinn segir að það komi ekki á óvart ef kostnaðurinn verður meiri en þeir sex til sjö milljarðar króna sem ráðgert er.
10.06.2019 - 18:33
Létust bæði vegna reykeitrunar
Orsök andláts parsins sem lést á Kirkjuvegi 18 á Selfossi í lok október var sú sama. Karlinn og konan létust bæði af völdum kolmónoxíðeitrunar sem var afleiðing þess að þau önduðu að sér reykgufum.
Heyrðu óp innan úr húsinu sem brann
Sjúkraflutningamenn og fyrstu lögreglumenn sem komu að húsinu að Kirkjuvegi 18, þegar það brann í lok október, heyrðu hróp innan úr húsinu. Lögreglumennirnir segja hins vegar að það hafi verið ómögulegt að fara inn í húsið til að bjarga fólkinu sem þar var.
Aðalmeðferð vegna brunans á Selfossi seinkað
Aðalmeðferð í máli karls og konu sem ákærð eru fyrir að hafa kveikt í íbúðarhúsi við Kirkjuveg á Selfossi í fyrra fer fram í Héraðsdómi Suðurlands í dag. Kona og karl létust í eldsvoðanum. Aðalmeðferð málsins átti að hefjast upp úr klukkan níu en fresta þurfti þinghaldi. Þegar dómari gekk inn í salinn vantaði annan sakborninginn í málinu og verjanda hans.
Dýrkeyptur þáttur um nýjan miðbæ á Selfossi
Fjölmiðlanefnd hefur sektað fjölmiðlafyrirtækið Hringbraut um eina milljón fyrir þáttinn Miðbær Selfoss í þáttaröðinni Atvinnulífið. Þátturinn var kostaður af þróunarfélaginu Sigtún sem stendur að uppbyggingu miðbæjarins og hann var sýndur rúmri viku áður en íbúakosning um miðbæjarkjarnann fór fram.
05.06.2019 - 16:06