Suðurnesjabær

Vakta gosstöðvarnar frá hádegi fram til miðnættis
Lögreglan og björgunarsveitir verða með vakt við gosstöðvar frá hádegi í dag eins og til stóð. Opnun fjórðu sprungunnar í nótt breytir engu þar um.
Líkur á að gasmengun beri yfir byggð á Reykjanesskaga
Í nótt gengur í suðaustan 8 til 13 metra á sekúndu, en eftir hádegi á morgun dregur talsvert úr vindi. Gasmengun berst því til norðurs og norðausturs frá gosstöðvunum, og seint í nótt og á morgun eru líkur á að dragi úr loftgæðum í byggð á norðanverðum Reykjanesskaga.
Mengun af gosinu leggur yfir Voga á Vatnsleysuströnd
Íbúar Voga á Vatnsleysuströnd eru hvattir til að loka gluggum og kynda hús sín en þar mælist nú mengun frá gosinu í Geldingadölum. Náttúruvársérfræðingur á Veðurstofu Íslands hvetur í raun alla íbúa á Reykjanesskaganum að fylgjast vel með veðurspá, vindaspá og gasmengunarspá.
Ráðið frá að taka lítil börn og hunda með sér að gosinu
Lögreglustjórinn á Suðurnesjum brýnir fyrir þeim sem ætla að ganga að gosstöðvunum í Geldingadölum að taka ekki lítil börn með sér á svæðið. Það sé erfitt yfirferðar og eins þurfi að hafa mögulega gasmengun í huga.
Isavia rekið með ríflega 13 milljarða halla árið 2020
Afkoma Isavia samstæðunnar var neikvæð um sem nemur 13,2 milljörðum króna árið 2020. Viðnúningurinn er um 14,4 milljarðar króna milli ára. Þorra samdráttarins má rekja til þess að farþegum sem fóru um Keflavíkurflugvöll fækkaði um 81% frá árinu á undan.
Suðurstrandarvegur skemmdur eftir skjálftana
Vegagerðin hefur þrengt að umferð á Suðurstrandarvegi, dregið úr hraða og takmarkað þunga bifreiða um veginn vegna skemmda sem komu í ljós nálægt Festarfjalli. Sprungur hafa myndast við axlir og í fyllingu þannig að vegrið hefur ekki fullan stuðning.
Myndskeið
Búið að draga hvalhræið á Garðskaga á haf út
Búið er að draga hvalhræið sem rak á land við Garðskaga fyrir helgi á haf út. Fjöldi fólks lagði leið sína út á skagann til að bera hræið augum um helgina og virti að vettugi lögregluborða sem komið var fyrir. Óttast var að hræið myndi springa með tilheyrandi ófögnuði.
15.03.2021 - 21:19
Fréttavaktin
Helstu tíðindi: Tíðindalaust á skjálftasvæðinu
Jarðskjálftahrinan á Reykjanesskaga hefur staðið yfir í rúmar þrjár vikur. Tugir þúsunda skjálfta hafa mælst á þessu tímabili. Kvika er að safnast inn í kvikugang sem nær nú frá Keili að Nátthaga. Rólegt hefur verið á skjálftasvæðinu í gær og nótt og síðast mældist þar skjálfti yfir þremur að stærð klukkan hálf fimm aðfaranótt miðvikudags.
Kvikan situr grunnt og gos enn mögulegt
Vísindaráð telur að áfram séu líkur á að eldgos geti orðið á svæðinu á milli Fagradalsfjalls og Keilis. Nýjustu mælingar benda til þess að dregið hafi úr kvikuflæði frá því í seinustu viku. Búast má við svipuðum jarðskjálftahrinum og þeirri sem gekk yfir um helgina.
Viðtal
Skelfur Reykjanes, Reykjaneshryggur eða Reykjanesskagi?
„Það ber á því í daglegu tali og í fjölmiðlum að talað sé um jarðskjálfta á Reykjanesi. Strangt til tekið er Reykjanes bara hluti af Reykjanesskaganum,“ segir Anna Sigríður Þráinsdóttir, málfarsráðunautur RÚV.
Neyð eykst ef atvinnubótarétturinn verður ekki lengdur
Búast má við vaxandi neyð hjá fólki ef atvinnuleysisbótarétturinn verður ekki lengdur, segir Guðbjörg Kristmundsdóttir, formaður Verkalýðs- og sjómannafélags Keflavíkur. Hera Ósk Einarsdóttir sviðsstjóri Velferðarsviðs hjá Reykjanesbæ segir að í Reykjanesbæ stefni í að 170 manns missi réttinn til atvinnuleysisbóta á árinu.
Allsterkur jarðskjálfti norður af Grindavík
Jarðskjálfti af stærðinni 4,1 varð á Reykjanesi klukkan 3.15 í nótt. Upptök skjálftans voru á 5,2 kílómetra dýpi, um 6 kílómetra norður af Grindavík. Í tilkynningu frá Veðurstofu Íslands segir að þangað hafi borist tilkynningar um skjálftann víðsvegar af Reykjanesi, höfuðborgarsvæðinu og frá Borgarnesi.
Útihús í Merkinesi í Höfnum brann til kaldra kola
Útihús við bæinn Merkines í Höfnum á Reykjanesi brann til kaldra kola í nótt. Tilkynnt var um eldinn á öðrum tímanum í nótt og þegar slökkvilið kom á staðinn var húsið alelda og hrunið að hluta. Asbest klæðning var í húsinu og því var reykurinn frá brunanum sérlega varasamur og hættulegur.
31.12.2020 - 15:11
Spegillinn
Hjólin gætu snúist hratt en atvinnuleysi er vandinn
Atvinnuleysið er mesta áhyggjuefnið í eftirmálum COVID-faraldursins segir Katrín Ólafsdóttir hagfræðingur og lektor við Háskólann í Reykjavík. Margir óvissuþættir hafa áhrif á hversu hratt efnahagurinn tekur við sér á næsta ári í kjölfar bólusetningar.
29.12.2020 - 14:12
Myndskeið
„Mjög vont að lifa núna á Íslandi“
Bæjarstjórn Reykjanesbæjar hefur skorað á ríkisstjórnina að lengja tímabil atvinnuleysisbóta tímabundið. Fjöldi fólks beið í nístingskulda eftir mat frá Fjölskylduhjálp Reykjanesbæjar í dag.
03.12.2020 - 22:00
Landinn
Yngstur til að sjá tvö hundruð fuglategundir á Íslandi
Mikael Sigurðsson er yngstur til að sjá tvö hundruð fuglategundir, enda aðeins sextán ára. „Fuglamenn reyna alltaf að halda lista yfir alla fugla sem þeir hafa séð og það verpa um 75 fuglategundir á Íslandi svo allt yfir það eru þá flækingar sem þurfa að koma hingað“ segir Mikael. „Ég ég náði 200 fuglategundum á sirka tveimur árum.“
29.11.2020 - 08:30
Vildi fá tvo lækna sem vitni en var hafnað
Landsréttur hefur staðfest úrskurð héraðsdóms að hafna beiðni manns, sem er ákærður fyrir að hafa myrt eiginkonu sína, um að fá að leiða fram tvo lækna sem vitni við aðalmeðferð málsins. Læknarnir komu ekki að málinu fyrr en á síðari stigum og skrifuðu bréf til verjanda mannsins í formi svara við spurningum um hættueiginleika áfengis og lyfja, mögulegt óminnisástand vegna áfengisneyslu og mögulegar dánarorsakir hjá ungum og miðaldra fólki.
16.11.2020 - 19:06
Vilja selja álverið í Helguvík
Forsvarsmenn álvers Norðuráls í Helguvík hafa óskað eftir því við bæjaryfirvöld á Suðurnesjum að geta selt byggingar fyrirtækisins undir annars konar starfsemi en álver.
Ræðir við heimamenn um aðgerðir vegna atvinnuástands
Lykillinn að því að geta skipulagt aðgerðir sem skila árangri er að hlusta og taka mið af ólíkum sjónarmiðum, sagði Ásmundur Einar Daðason, félags- og barnamálaráðherra, eftir fund með sveitarstjórnarmönnum í Reykjanesbæ í hádeginu. Þá var hann á leið á fleiri fundi með fólki á Suðurnesjum til að ræða leiðir til að bregðast við efnhagslegum afleiðingum COVID-19 faraldursins.