Suðurnes

Gasmengun á Vatnsleysuströnd og höfuðborgarsvæðinu
Gasmengun frá gosstöðvunum í Geldingadölum leggur að líkindum yfir Vatnsleysuströnd og höfuðborgarsvæðið í nótt og á morgun en á fimmtudag snýst vindur í suðaustanátt og mun mengunin þá mögulega leggjast yfir Reykjanesbæ. Ekki er þó talið að hætta stafi af.
Gosstöðvarnar lokaðar almenningi fram eftir morgni
Stórt svæði umhverfis eldstöðvarnar á Reykjanesskaga var rýmt um leið og gjósa tók úr tveimur sprungum norðaustur af Geldingadölum í hádeginu í gær og verður það lokað almenningi fram eftir morgni hið minnsta. Þórir Þorsteinsson, vettvangsstjóri lögreglu við gosstöðvarnar, sagði í samtali við fréttastofu á miðnætti, að fulltrúar viðbragðsaðila, almannavarna og vísindamanna komi saman til fundar klukkan níu í fyrramálið og fari yfir stöðuna.
Loftgæði hafa aukist verulega í Vogum
Loftgæði í Vogum á Vatnsleysuströnd hafa stórbatnað og teljast nú hvorki óholl né hættuleg fólki. Loftgæði þar voru skilgreind sem óholl þar fyrr í kvöld vegna mikils brennisteinsdíoxíðs sem þangað lagði frá gosstöðvunum við Geldingadali, og var fólki þar ráðlagt að loka öllum gluggum og kynda vel. Nú teljast loftgæði hins vegar sæmileg í Vogum.
Mynd með færslu
Beint streymi frá Meradalahlíðum
Vefmyndavél hefur verið komið upp í Meradalahlíðum og frá henni streyma nú myndir af gosinu í Geldingadölum og hraunstreyminu úr nýju sprungunum norður af þeim.
Gosið hefur vaxið - 10 rúmmetrar af kviku á sekúndu
Um sjö rúmmetrar kviku renna úr nýju sprungunni milli Geldingadala og Meradala á hverri sekúndu og heildarrennsli er að líkindum í kringum 10 rúmmetrar á sekúndu. Þetta eru niðurstöður mælinga sem vísindamenn Jarðvísindastofnunar Háskóla Íslands gerðu með loftmyndatöku úr flugvél í dag.
Landinn
Lettnesk páskahátíð í Vogum
„Ég myndi segja að páskarnir séu þriðja stærsta hátíðin í Lettlandi á eftir jónsmessu og jólum,“ segir Lauma Gulbe frá Lettneska skólanum í Reykjavík. Hún bauð Landanum að upplifa lettneska páskahátíð á heimili sínu í Vogum á Vatnsleysuströnd. 
05.04.2021 - 07:30
Færri í Geldingadölum í dag - kuldi í kortunum á morgun
Töluvert færra fólk lagði leið sína að gosstöðvunum í Geldingadölum á páskadag en í liðinni viku. Opnað var fyrir umferð að gosstöðvunum á hádegi, en þær höfðu þá verið lokaðar almenningi síðan á föstudagskvöld. Leiðindaveður var við gosstöðvarnar í dag en umferðin gekk að mestu áfallalaust að sögn lögreglu.
Lokað til hádegis í Geldingadölum
Enn gýs í Geldingadölum en aðgangur að gosstöðvunum er óheimill til hádegis. Lokað hefur verið fyrir aðgengi almennings að gosstöðvunum síðan á föstudag vegna veðurs, en til stóð að opna fyrir umferð á ný klukkan sex fyrir hádegi í dag. Lögreglustjórinn á Suðurnesjum tilkynnti svo í gær að lokunin yrði framlengd og að ekki verði opnað fyrir umferð að gosstöðvunum í Geldingadölum um Suðurstrandarveg fyrr en klukkan tólf á hádegi á páskadag.
Fyrsti skjálftinn af stærðinni 3 frá 19. mars
Jarðskjálfti, 3,0 að stærð, varð á umbrotasvæðinu á Reykjanesskaga skömmu eftir klukkan tvö í nótt. Upptök hans voru á 5,7 kílómetra dýpi, hálfan annan kílómetra suðvestur af Keili. Elísabet Pálmadóttir, náttúruvársérfræðingur á Veðurstofu Íslands, segir þetta hafa verið fyrsta skjálftann á Reykjanesskaganum sem mælist 3,0 eða stærri síðan 19. mars, og þann fyrsta af þessari stærð við Keili frá 13. mars.
Gosstöðvarnar lokaðar almenningi - öllum snúið við
Nóttin hefur verið róleg við eldsumbrotasvæðið á Reykjanesskaganum og fólk virðist flest vel upplýst og meðvitað um að umferð fólks að gosstöðvunum er óheimil í dag vegna veðurs og verður það til morguns, segir Guðmundur Eyjólfsson, vettvangsstjóri lögreglu á staðnum.
50 - 60 bílar komnir að gosstöðvunum um sexleytið
Búið er að opna fyrir umferð að gosstöðvunum á Reykjanesskaga á ný, eftir rólega nótt. Atli Gunnarsson, vettvangsstjóri lögreglu við gosstöðvarnar, segir allt hafa verið með kyrrum kjörum þar syðra frá því að rýmingu gosstöðvanna lauk nokkru fyrir miðnætti.
Rólegt við gosstöðvarnar og rýmingu lokið
Rýmingu gosstöðvanna í Geldingadölum er nánast lokið. Atli Gunnarsson, vettvangsstjóri lögreglu við gosstöðvarnar, segir síðustu hópana hafa verið að tínast niður eftir gönguslóðunum nú skömmu fyrir fréttir. Talsvert var af fólki við gosstöðvarnar í kvöld en allt gekk áfallalaust, veður gott og aðstæður allar ágætar.
Gosáhugafólk mætti fyrir fimm og mátti bíða um stund
Fyrstu gosferðalangar dagsins mættu á bílastæðin við Suðurstrandarveg um fimmleytið í morgun en urðu að bíða í klukkustund áður en þeir fengu að ganga að gosstöðvunum. Nóttin var róleg eftir að svæðið var rýmt í gærkvöld og í dag viðrar vel til gosgöngu, að mati varðstjóra hjá lögreglunni.
Opnað fyrir umferð að gosstöðvunum á ný
Opnað var fyrir umferð að gosstöðvunum í Geldingadölum klukkan sex, tólf tímum eftir að hætt var að hleypa fólki inn á svæðið og um sex klukkustundum eftir að rýmingu þess lauk um miðnæturbil í gærkvöld. Á annan tug lögreglumanna og björgunarsveitarfóks stóð vaktina við gosstöðvarnar í nótt og stendur hana enn.
Rýming gekk vel eftir góðan dag við gosstöðvarnar
Rýming gosstöðvanna í Geldingadal hófst um tíuleytið í kvöld og lauk um miðnætti. Opnað verður fyrir aðgengi almennings á ný klukkan sex í fyrramálið en lögregla og björgunarsveitarfólk verður á vakt við gosstöðvarnar í nótt.
Landinn
Vilja rjúfa einangrun fólks af erlendum uppruna
Í húsnæði Hjálpræðishersins á Ásbrú er í gangi nýtt úrræði sem kallað er Kjarnahópur til vellíðunar og virkni. Það snýst um að hjálpa atvinnulausu fólki af erlendum uppruna í Reykjanesbæ að tengjast samfélaginu, læra íslensku og komast út á vinnumarkaðinn. 
31.03.2021 - 07:30
Búið að rýma Geldingadali
Tekist hefur að rýma gosstöðvarnar í Geldingadölum en síðustu gosferðalangarnir voru enn að skila sér af fjöllum rétt fyrir tvö í nótt, að sögn lögreglunnar á Suðurnesjum. Metfjöldi heimsótti gosstöðvarnar í dag og kvöld en lögregla og björgunarsveitir hafa unnið að því hörðum höndum að rýma svæðið frá því um miðnæturbil. Þótt nokkuð væri um að fólk meiddist og þyrfti aðstoð gekk kvöldið stóráfallalaust.
Verið að rýma Geldingadal en fjöldi fólks enn á staðnum
Mikill fjöldi fólks er enn við gosstöðvarnar í Geldingadölum en lögregla og björgunarsveitir vinna nú að því hörðum höndum að rýma svæðið. Þetta kom fram í samtali við varðstjóra hjá lögreglunni á Suðurnesjum laust fyrir eitt í nótt. Hann segir mjög kalt vera í fjalllendinu við gosstöðvarnar og mörg eiga langa göngu fyrir höndum að bílum sínum eftir að niður er komið.
Myndskeið
Hraunflæðið stöðugt en breytingarnar eru útlitslegar
Eldgígarnir í Geldingadölum í Fagradalsfjalli hafa smátt og smátt verið að breytast alveg síðan eldgosið hófst föstudaginn 19. mars. Einna mestu breytingarnar urðu aðfaranótt sunnudagsins 28. mars þegar nyrðri gígurinn opnaðist til vesturs.
Myndskeið
Eldgosið á einni mínútu
Vefmyndavél RÚV á Fagradalsfjalli hefur fangað stórbrotnar jarðsögulegar myndir af eldgosinu í Geldingadölum. Eldgosið hófst föstudagskvöldið 19. mars og upptaka hófst laust fyrir hádegi á laugardaginn. Síðan þá hefur hraunbreiðan stækkað verulega og fyllir nú nær allan dalinn.
Myndskeið
Gufubólstrar við Trölladyngju ekki merki um eldvirkni
Gufubólstrar sem stíga upp frá Höskuldarvöllum og sáust vel í bjartviðrinu og stillunni í morgun, eru ekki til marks um eldvirkni. Almannavarnir fengu ábendingar um reyk eða gufu við Trölladyngju í dag og fyrir þremur dögum.
Myndskeið
Hraunpollar fljótir að myndast í Geldingadölum
Hraunpollar eru fljótir að myndast í Geldingadal eins og þetta myndband sem Aníta Ólöf Jónsdóttir sendi fréttastofunni. Þarna sést hversu þunnt lag storknaðrar kviku brotnar auðveldlega undan fljótandi kvikunni í hrauntjörninni sem er undir öllu nýja svarta hrauninu.
Óbreytt gosvirkni en jarðskjálftum fækkar enn
Enn gýs í Geldingadölum, þar sem hraun hefur nú runnið í rúma þrjá sólarhringa. Er ekki annað að sjá en að svipaður gangur sé í gosinu og verið hefur, að sögn Sigþrúðar Ármannsdóttur, náttúruvársérfæðings á Veðurstofu Íslands. Enn dregur úr skjálftavirkni og gangi veðurspár eftir ætti gosþyrstu göngufólki ekki að verða skotaskuld úr því að svala þeim þorsta sínum í dag, með því að rölta nýstikaðan slóðann að gosstöðvunum.
Fjöldi fólks hætt kominn við gosstöðvarnar í nótt
Um 140 manns frá nær öllum björgunarsveitum á Suðvesturlandi voru að störfum í vonskuveðri við gosstöðvarnar á Reykjanesskaga og fjöllunum þar í kring í gærkvöld og nótt, ásamt nokkrum lögreglumönnum. Steinar Þórður Kristinsson, aðgerðastjóri Landsbjargar í Grindavík, sagði í fréttum klukkan fimm að tugum hafi verið hjálpað niður úr fjöllunum, verulega þrekuðum og köldum, og sumum þeirra hreinlega bjargað, svo köld og hrakin hafi þau verið þegar björgunarsveitarmenn komu þeim til hjálpar.
Almannavarnir
Mjög hættulegt að nálgast gosið vegna gasmengunar
Almannavarnir sendu rétt í þessu frá sér viðvörun þar sem sterklega er varað við því að fara nálægt gígnum í Geldingadölum vegna gasmengunar. Mælingar í morgun sýni að gasmengunin sé komin upp fyrir hættumörk og mjög hættulegt að nálgast gosið eins og er. Svæðið í kringum gosstöðvarnar sé því lokað og er fólk beðið að virða þá lokun.