Suðurnes

Auka framleiðslu um 30 megavött án þess að bora meira
Reykjanesvirkjun verður stækkuð úr hundrað í hundrað og þrjátíu megavött á næstu tveimur árum án þess að borað verði frekar eftir orku. Bæjarstjórinn í Reykjanesbæ segir að stækkuninni fylgi störf.
15.01.2021 - 19:50
Bóluefni komið í alla landsfjórðunga
Bóluefni er nú komið í alla landsfjórðunga og reiknað er með að bólusetningu á landsbyggðinni ljúki á morgun. Hjúkrunarfræðingur á Akureyri segir það hafa verið ótrúlega ánægjulegt að taka á móti bóluefninu í dag.
Spegillinn
Hjólin gætu snúist hratt en atvinnuleysi er vandinn
Atvinnuleysið er mesta áhyggjuefnið í eftirmálum COVID-faraldursins segir Katrín Ólafsdóttir hagfræðingur og lektor við Háskólann í Reykjavík. Margir óvissuþættir hafa áhrif á hversu hratt efnahagurinn tekur við sér á næsta ári í kjölfar bólusetningar.
29.12.2020 - 14:12
Jarðhræringar auka mikilvægi Suðurnesjalínu 2
Landsnet telur að jarðhræringar á Reykjanesi undanfarið undirstriki mikilvægi þess að framkvæmdir við Suðurnesjalínu 2 hefjist sem fyrst. Það hefur sótt um framkvæmdaleyfi til hlutaðeigandi sveitarfélaga á svæðinu, en fyrirhugað er að línan verði milli Hamraness í Hafnarfirði og Rauðamels í Grindavík.
17.12.2020 - 07:22
Landinn
Steypir á striga
Í bílskúr í nýju hverfi í Innri Njarðvík er vinnustofa listmálarans Fríðu, Sigurfríðar Rögnvaldsdóttur. Þar málar hún, fyrst og fremst myndir af fólki. Reyndar er hún ekki bara að mála því hún notar steynsteypu með olíulitunum og steypir á strigann jafnframt því að mála á hann.
08.12.2020 - 14:30
Nokkur útköll vegna foktjóns
Björgunarsveitir á höfuðborgarsvæðinu og Reykjanesi voru kallaðar út á áttunda tímanum vegna foktjóns. Davíð Már Bjarnason upplýsingafulltrúi Landsbjargar segir að útköllin séu um tíu. Gul viðvörun er í gildi vegna veðurs um mestallt land.
01.12.2020 - 20:07
Landinn
Yngstur til að sjá tvö hundruð fuglategundir á Íslandi
Mikael Sigurðsson er yngstur til að sjá tvö hundruð fuglategundir, enda aðeins sextán ára. „Fuglamenn reyna alltaf að halda lista yfir alla fugla sem þeir hafa séð og það verpa um 75 fuglategundir á Íslandi svo allt yfir það eru þá flækingar sem þurfa að koma hingað“ segir Mikael. „Ég ég náði 200 fuglategundum á sirka tveimur árum.“
29.11.2020 - 08:30
Sýknuðu sálfræðing af ákæru um brot gegn stjúpdóttur
Landsréttur sýknaði í dag sálfræðing af ákæru um meint kynferðisbrot gegn stjúpdóttur sinni árið 2017 þar sem ekki þótti sannað að þau hefðu átt sér stað og hann ávallt neitað staðfastlega. Maðurinn hafði verið dæmdur til tveggja og hálfs árs fangelsisvistar af Héraðsdómi Reykjaness árið 2019.
2.300 eftirskjálftar
Um 2.300 eftirskjálftar hafa mælst eftir að jarðskjálfti að stærð 5,6 varð á Núphlíðarhálsi á Reykjanesskaga á þriðjudag. Um 30 eftirskjálftar hafa verið yfir þrír að stærð en enginn svo stór síðustu 48 klukkutímana. Stærsti skjálftinn í nótt mældist 2,6. Þrír aðrir voru á bilinu 2 til 2,2.
Matorka fær leyfi fyrir 6000 tonna fiskeldi í Grindavík
Matvælastofnun hefur veitt Matorku ehf. rekstrarleyfi fyrir allt að 6.000 tonna eldi á laxi, bleikju og regnbogasilungi að Húsatóftum við Grindavík. Áður hafði Matorka leyfi fyrir 3.000 tonna framleiðslu á sama stað.
20.10.2020 - 16:50
Landinn 10 ára
Grjótkrabbinn hefur dreift sér hraðar en búist var við
Landinn fjallaði fyrst um grjótkrabbann haustið 2010. Þá hafði hann fundist við Suðvesturland og í Breiðafirði sem og lirfur í Patreksfirði. Síðan þá hefur hann haldið áfram að dreifa sér í kringum landið, en lirfur krabbans berast með strandstraumnum.
07.10.2020 - 08:30
Settu grímuskyldu vegna nálægðar við höfuðborgarsvæðið
Skólum utan höfuðborgarsvæðisins er í sjálfsvald sett hvort þeir taka upp grímuskyldu. Í skólum sem eru fjarri höfuðborgarsvæðinu, á Akureyri, Egilsstöðum, Tröllaskaga og Ísafirði, er grímunotkun valkvæð.
21.09.2020 - 12:35
Kanónur sækjast eftir lögreglustjórastöðu á Suðurnesjum
Kolbrún Benediktsdóttir, varahéraðssaksóknari, Úlfar Lúðvíksson, lögreglustjóri á Vesturlandi og Hulda Elsa Björgvinsdóttir, staðgengill lögreglustjórans á höfuðborgarsvæðinu, eru meðal fimm umsækjenda um stöðu lögreglustjórans á Suðurnesjum. Sex vilja stöðu lögreglustjórans í Vestmannaeyjum, meðal annars Arndís Bára Ingimarsdóttir sem er settur lögreglustjóri í Eyjum, og Grímur Hergeirsson sem var tímabundið skipaður lögreglustjóri á Suðurnesjum.
15.09.2020 - 17:11
Myndskeið
Lögreglan leitar raftækjaþjófa
Lögreglan á Suðurnesjum rannsakar innbrot í vallarhús Njarðvíkinga. Innbrotsþjófarnir unnu skemmdir á húsnæðinu og stálu talsverðu magni raftækja. Til er myndbandsupptaka af innbrotinu og birti lögreglan það á Facebook í kvöld.
14.09.2020 - 20:44
Ræddu möguleika á að bætur fari í launagreiðslur
Sveitarstjórnarmenn í Reykjanesbæ lögðu áherslu á atvinnumál, félagsmál og námsúrræði á fundi sínum með Ásmundi Einari Daðasyni, félags- og barnamálaráðherra fyrr í dag. Þeir lögðu meðal annars til við ráðherra að nota mætti atvinnuleysisbætur sem hluta af launakostnaði fyrirtækja og stofnana sem vildu ráða fólk til starfa.
Ræðir við heimamenn um aðgerðir vegna atvinnuástands
Lykillinn að því að geta skipulagt aðgerðir sem skila árangri er að hlusta og taka mið af ólíkum sjónarmiðum, sagði Ásmundur Einar Daðason, félags- og barnamálaráðherra, eftir fund með sveitarstjórnarmönnum í Reykjanesbæ í hádeginu. Þá var hann á leið á fleiri fundi með fólki á Suðurnesjum til að ræða leiðir til að bregðast við efnhagslegum afleiðingum COVID-19 faraldursins.
Áslaug skipar tvo nýja lögreglustjóra 1. nóvember
Dómsmálaráðherra hefur auglýst embætti lögreglustjórans á Suðurnesjum og embætti lögreglustjórans í Vestmannaeyjum laus til umsóknar. Til stendur að skipa í bæði embættin þann 1. nóvember.
01.09.2020 - 11:35
40 milljóna gjaldþrot hjá rekstrarfélagi Base hótel
Skiptum er lokið í þrotabúi TF Hot, rekstrarfélagi Base Hotel á Ásbrú sem Skúli Mogensen fyrrverandi forstjóri WOW opnaði fyrir fjórum árum. Lýstar kröfur í þrotabúið námu rúmum fjörutíu milljónum. Engar eignir fundust í búinu. Þetta kom fram í Lögbirtingablaðinu fyrir helgi.
31.08.2020 - 07:26
Minnkandi skjálftavirkni á Tjörnesbrotabeltinu
Þó talsvert hafi dregið úr skjáftavirkni fyrir mynni Eyjafjarðar er hrinan þar enn í gangi. Nú mælast aðeins smáskjálftar, um 100 á sólarhring. Jörð skelfur enn á Reykjanesskaga þar sem þrír stórir jarðskjáftar urðu í gær.
Snarpur skjálfti við Grindavík - fannst í höfuðborginni
Snarpur skjálfti varð laust fyrir klukkan tvö við Grindavík. Skjálftinn fannst vel í höfuðborginni. Fyrstu mælingar benda til þess að skjálftinn hafi orðið við Fagradalsfjall og óstaðfest er að hann hafi verið 3,7. Skjálftahrina hefur verið í gangi á þessu svæði og í morgun varð þar skjálfti af stærðinni 2,8.
26.08.2020 - 13:49
Kannast ekki við uppákomu á lögreglustöðinni
„Þetta er fullkomlega rangt. Það var engin uppákoma,“ segir Ólafur Helgi Kjartansson, lögreglustjóri á Suðurnesjum, um fréttir þess efnis að vísa ætti honum með valdi af lögreglustöðinni.
Tilkynnti ummæli Helga Magnúsar til ríkissaksóknara
Alda Hrönn Jóhannsdóttir, yfirlögfræðingur embættis lögreglustjórans á Suðurnesjum, hefur sent athugasemdir til ríkissaksóknara vegna ummæla sem Helgi Magnús Gunnarsson, vararíkissaksóknari, lét um hana falla í gærkvöld.
Hrina smáskjálfta við Kleifarvatn
Hrina smærri skjálfta hófst við Kleifarvatn á níunda tímanum í kvöld. Nokkrir skjálftanna voru yfir 2 að stærð og sá stærsti mældist 2,9. Sá varð klukkan 20.23. Á vef Veðurstofunnar segir að hans hafi orðið vart á höfuðborgarsvæðinu.
09.08.2020 - 23:55
Villtust í þoku á Reykjanesi
Björgunarsveitir á Suðurnesjum voru kallaðar út fyrir um klukkustund vegna tveggja göngumanna sem villtir voru í þoku við Trölladyngju í grennd við Keili. Að sögn Jónasar Guðmundssonar upplýsingafulltrúa Landsbjargar tókst björgunarsveitum að leiðbeina fólkinu símleiðis.
09.08.2020 - 20:59
Bandaríkjamaður sakfelldur fyrir brot gegn 3 drengjum
Bandarískur karlmaður, sem hefur setið í gæsluvarðhaldi síðan í lok janúar, var í júlí dæmdur í 20 mánaða fangelsi fyrir kynferðisbrot gegn þremur ungum drengjum. Dómurinn hefur ekki verið birtur. Kolbrún Benediktsdóttir, varahéraðssaksóknari, staðfestir þetta í samtali við fréttastofu. Maðurinn var sakfelldur fyrir öll brotin en hann játaði hluta þeirra þegar ákæran á hendur honum var þingfest. Honum var jafnframt gert að greiða drengjunum miskabætur. Gæsluvarðhaldið dregst frá refsingunni.
06.08.2020 - 15:19