Stríðið í Írak

Hryðjuverkasveitinni sem kennir sig við íslamskt ríki vex ásmegin í Miðausturlöndum. Liðsmenn hennar bíða færis á að gera árás í vesturlöndum að sögn Sameinuðu þjóðanna.

Eldflaugum var í kvöld skotið á hið svokallaða græna svæði í Bagdad, höfuðborg Íraks, þar sem ráðuneyti, stofnanir og fjölda erlendra sendiráða er að finna og öryggisgæsla er mikil. Samkvæmt AFP og Reuters-fréttastofunum sprungu minnst tvær rússneskar Katiusja-eldflaugar á græna svæðinu um miðnæturbil að staðartíma, rétt um sólarhring eftir að Íranar gerðu eldflaugaárás á tvo flugvelli í Írak í hefndarskyni fyrir morðið á íranska hershöfðingjanum Kasem Soleimani.

Íranar gerðu árás á tvo flugvelli í Írak, þar sem Bandaríkjamenn og bandamenn þeirra, þar á meðal Írakar, Bretar og Ástralar, hafa bækistöðvar. Íranar segja árásirnar hefnd fyrir morð Bandaríkjamanna á íranska hershöfðingjanum Kasim Soleimani á föstudag.

Atlantshafsbandalagið hefur frestað þjálfun írakskra hermanna um óákveðinn tíma. Skorað er á ráðamenn í Íran að binda enda á ofbeldisverk og ögranir og koma þannig í veg fyrir að spenna aukist enn frekar í Miðausturlöndum. Menningar- og vísindastofnun Sameinuðu þjóðanna minnir Bandaríkjamenn og Írana á að báðar þjóðir eiga aðild að samningnum um vernd menningarminja.

Mike Pompeo, utanríkisráðherra Bandaríkjanna, segir að íranski hershöfðinginn Qasem Soleimani hafi verið að skipuleggja árásir sem hefðu skapað hættu fyrir bandaríska ríkisborgara í Miðausturlöndum. Þessar árásir hafi verið yfirvofandi og við því hafi orðið að bregðast.

Benjamin Netanyahu, forsætisráðherra Ísraels, stytti heimsókn sína til Grikklands og hraðaði sér heim á leið, þegar fréttist af því að íranski hershöfðinginn Qasem Soleimani hefði fallið í loftárás Bandaríkjahers í Írak. Öryggisráð landsins hefur verið kallað saman síðar í dag til að ræða mögulegar ógnir sem kunna að steðja að Ísraelsmönnum vegna árásarinnar.

Nítján féllu í loftárásum Bandaríkjamanna á bækistöðvar íröksku vígasveitanna Kata'ib Hizbollah í Írak og Sýrlandi í dag, tveimur dögum eftir mannskæða árás samtakanna á írakska herstöð þar sem óbreyttur bandarískur ríkisborgari lést og sex særðust; fjórir Bandaríkjamenn og tveir Írakar. Samtökin svöruðu árásinni í kvöld með eldflaugaárás sem beint var að bandarískri herstöð nærri Bagdad.Fjórum eldlflaugum var skotið að herstöðinni en þær geiguðu allar og sprungu án þess að valda nokkrum usla.

Til stendur að tvö hundruð danskir hermenn verði sendir til Íraks á næsta ári, þegar Danir taka við þjálfun þar á vegum Atlantshafsbandalagsins. Meðal verkefna þeirra verður að þjálfa írakska hermenn í baráttunni við vígasveitir Íslamska ríkisins. Þeim verður ekki ætlað að taka þátt í bardögum.

Tveir Bretar, illræmdir liðsmenn hryðjuverkasamtakanna Íslamska ríkisins, eru nú í haldi Bandaríkjamanna. Donald Trump, forseti Bandaríkjanna, greindi frá þessu á Twitter.

Breski lögmaðurinn Karim Ahmad Khan, sem fyrir hönd Sameinuðu þjóðanna hefur rannsakað ódæðisverk hryðjuverkasamtakanna Íslamska ríkisins í Írak, vill að réttað verði yfir vígamönnum samtakanna á sama hátt og gert var yfir leiðtogum nasista í Þýskalandi í Nürnberg eftir seinni heimsstyrjöldina. 

„Það er ýmislegt sem er í gangi og hefur verið í gangi síðastliðin tíu ár, aukning á stríði og átökum, ofsóknir, loftslagsbreytingar sem við höfum farið að finna fyrir og svo er það öfgastefna sem gerir það að verkum að fólk hefur sig upp úr sínu landi því það finnur ekki lengur til öryggis.“ Þetta er meðal þess sem Stella Samúelsdóttir, framkvæmdastýra UN Women á Íslandi telur orsaka það að í dag eru tvöfalt fleiri á flótta í heiminum en fyrir áratug síðan.