Skeiða- og Gnúpverjahreppur

Þau sveitarfélög sem eiga aðild að óstofnuðum Hálendisþjóðgarði eru ekki einhuga í afstöðu sinni. Sum hafna áformunum alfarið eða setja fyrirvara um breytingar á frumvarpinu. Önnur styðja áformin heilshugar.

Mygla greindist í leikskólanum Leikholti í Skeiða- og Gnúpverjahreppi. Flytja þarf börn úr húsinu og meðal þess sem er til skoðunar er að færa leikskólann á ferðamannalaust hótel í sveitinni.

Fjallmenn á Suðurlandi héldu á afrétt í dag. Göngur verða með óhefðbundnu sniði í ljósi faraldursins. Þrátt fyrir það er tilhlökkunin mikil.

Kristófer A. Tómasson, sveitarstjóri Skeiða- og Gnúpverjahrepps, segir það sína tilfinningu að efasemdaröddum vegna framkvæmda við uppbyggingu ferðaþjónustu við Reykholt í Þjórsárdal hafi fækkað. Farið var yfir stöðuna á málinu á fundi sveitarstjórnar í síðustu viku og segir Kristófer að líklega þurfi þær að fara í umhverfismat. Áætlað sé að framkvæmdum verði lokið árið 2022 en ekki 2019 eins og gert var ráð fyrir í fyrstu.

Leggja þarf út í mikinn kostnað og umfangsmiklar endurbætur ef ætlunin er að Þjórsársdalslaug uppfyli kröfur reglugerðar um sund- og baðstaði. Þetta er mat Heilbrigðiseftirlits Suðurlands sem gerði úttekt á lauginni í lok síðasta mánaðar. Víða megi sjá nærföt, glerbrot og sígarettustubba og þá hafi klósett verið fjarlægt en í stað þess hafi fötu verið komið fyrir sem virðist vera með saur í.

Leikskóli er gjaldfrjáls í Skeiða- og Gnúpverjahreppi. Sveitarstjórinn segir að með þessu vilji sveitarstjórnin styðja við bakið á barnafjölskyldum og laða að fleiri íbúa. Sveitarstjórn Skeiða- og Gnúpverjahrepps ákvað fyrir rúmu ári að fella niður vistunargjöld fyrir leikskólabörn innan kjarnatíma, eða 8 tíma á dag. Breytingin tók gildi í byrjun ágúst.

Mestöll seyra úr uppsveitum Árnessýslu verður á næstu árum nýtt til landgræðslu á afréttum. Fimm sveitarfélög hafa tekið saman höndum um þetta í samkomulagi við Landgræðslu ríkisins og Heilbrigðiseftirlit Suðurlands. Seyran er nú þegar blönduð með kalki og síðan borin á landið. Blöndunarstöð hefur þegar verið tekin í notkun í nágrenni Flúða.

Skipulagsstofnun telur að endurskoða skuli áhrif á landslag og ásýnd lands, ferðaþjónustu og útivist í umhverfismati Hvammsvirkjunar. Í úrskurði stofnunarinnar sem birtur var í dag eru ekki taldar forsendur að öðru leyti til endurskoðunar matsskýrslu um Hvammsvirkjun frá árinu 2003.

„Þetta viðfangsefni hefur reynst tímafrekara en við töldum. Við höfum látið vita um það að ákvörðun okkar verði birt í næstu viku“, segir Rut Kristinsdóttir sviðsstjóri Umhverfissviðs Skipulagsstofnunar. Ákvörðunin snýst um hvort endurtaka þurfi umhverfismat fyrir Hvammsvirkjun í heild eða að hluta.

Undirbúningur deiliskipulags vegna Hvammsvirkjunar í Þjórsá er hafinn. Alþingi færði virkjunina úr biðflokki í nýtingarflokk í sumar. Skipulagsstofnun ákveður fyrir mánaðamót hvort gera eigi nýtt umhverfismat Hvammsvirkjunar. Nýtt umhverfismat gæti seinkað áætlunum um að gangsetja virkjunina árið 2019.

Neikvæðustu umhverfisáhrif 200 megavatta vindorkuvers við Búrfell yrðu sýnileiki þeirra, segir í frummatsskýrslu Landsvirkjunar um umhverfisáhrif. Samkvæmt henni yrðu áhrif á jarðmyndanir, gróður og fuglalíf hverfandi og áhrif á sveitarfélög á svæðinu jákvæð.