Stundin okkar 2011-2012
Í vetur ræður Sunna Karítas Oktavía Torfhildur Tildurrófa Aðaldal ríkjum í Stundinni okkar. En hún er nú bara oftast kölluð Skotta. Skotta býr í Álfheimunum ásamt honum Rósenberg sem er virðulegt heldra skoffín. Þau kynnast krökkunum Gunnari og Ásu sem koma iðulega í blokkina til að heimsækja Ömmu sína. Öll rata þau í ýmis ævintýri sem spennandi verður að fylgjast með.
En auðvitað verða gamlir vinir Stundarinnar líka með. Má þar nefna Trjálfana, Tinnu táknmálsálf og Ævar vísindamann. Þá kynnast krakkar því í vetur hvernig hlutirnir verða til, en nýr vinur okkar, hann Friðbert ætlar að sýna okkur það.
Margt fleira skrítið og skemmtilegt verður á seyði, svo ekki missa af Stundinni okkar.
Umsjónarmaður er Margrét Sverrisdóttir og handritshöfundur ásamt henni Oddur Bjarni Þorkelsson.
Dagskrárgerð: Eggert Gunnarsson.